Քանյե Ուեսթը «մահացու» համերգ է տվել ՏԵխասի բանտում

Առանց թիկնապահի և արգելափակոցների. Քանյե Ուեսթը «մահացու» համերգ է տվել բանտում. տեսանյութ

505
(Թարմացված է 16:33 17.11.2019)
Քանյե Ուեսթը փակ համերգներ է տվել ամերիկյան երկու բանտերում իր «Կիրակնօրյա ծառայություն» նախագծի շրջանակում։ Իր և բանտարկյալների միջև արգելափակոցներ չկային, միայն սահմանափակող գծեր։

ԵՐԵՎԱՆ, 17 նոյեմբերի –Sputnik. Ռեփեր Քանյե Ուեսթը իր «Կիրակնօրյա ծառայություն» (Sunday Service) նախագծի շրջանակում համերգ է տվել Հյուսթոնի բանտում (Տեխաս)։ Այդ մասին հայտնում է TMZ–ն։ 

Երգիչը հանդես է եկել գոսփել–երգչախմբի հետ, համերգին, ընդհանուր առմամբ, մասնակցել է 100 երգիչ և երաժիշտ։  Ամբողջ միջոցառումը եկեղեցական ծառայության համատեքստում էր։

Պարբերականի աղբյուրը հայտնեց, որ Քանյեն բանտի ղեկավարությանն առաջարկել է համերգը նոյեմբերի 13-ին անցկացնել, սակայն այն տեղի է ունեցել նոյեմբերի 15-ին և շատերի համար անակնկալ դարձել։

​Նշվում է, որ բանտում կրոնական ուղղվածության միջոցառումներ հաճախ են անցկացվում։

Շերիֆ Էդ Գոնսալեսը փոխանցել է համերգի մասին ռեփերի խոսքերը. «Սա առաքելություն է, ոչ թե շոու»։

​TMZ–ի տվյալներով` ռեփերն ու իր թիմը բանտում երկու ժամ են անցկացրել և հանդես եկել բանտարկյալ տղամարդկանց և կանանց համար, ինչպես նաև բանտի աշխատակիցների։ Նոյեմբերի 17-ին Քանյեն պլանավորում է ելույթ ունենալ նաև Հյուսթոնի «Լեյքվուդ» եկեղեցում և զրուցել հայտնի քարոզիչ և հեռուստահաղորդավար Ջոել Օսթինի հետ։

505
թեգերը:
հանցագործություն, տեսանյութ, Համերգ, Բանտ, ԱՄՆ, Քանյե Ուեսթ
Ըստ թեմայի
«Բոլորը դեմ էին, բայց ինձ համար միևնույն էր». ինչպես է Ուեսթը սիրահարվել Քիմին
Քարդաշյան-Ուեսթ ընտանիքում համալրում սպասվո՞ւմ է. Քիմը` երեխա ունենալու մասին
Քանյեն Հիլարիից լավն է. Դեն Բիլզերյանը հայտնել է ԱՄՆ նախագահի պաշտոնում առաջադրվելու մասին
«Կարո՞ղ եք Քիմին պատկերացնել որպես ԱՄՆ առաջին տիկին». Քանյեն նախագահ դառնալ է ուզում
Գագիկ Ծառուկյան. արխիվային լուսանկար

«Կանխելու եմ հակառուսական տրամադրությունները»․ Գագիկ Ծառուկյան

15
(Թարմացված է 23:14 02.07.2020)
ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր։

ԵՐԵՎԱն, 2 հուլիսի - Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը Facebook-ում հայտարարություն է տարածել, որով արտահայտել է իր անհանգստությունը՝ կապված երկրում տիրող հակառուսական տրամադրությունների հետ։

«Որպես օրինակ՝ հարկ է նշել, որ հայ հասարակության մեջ ներմուծվում է այն թեզը, որ անհրաժեշտ է վերանայել Ռուսաստանի հետ ռազմական համաձայնագիրը, ինչը կհանգեցնի ռուսական 102-րդ ռազմական բազայի` մեր երկրից դուրս բերմանը: Կարծում եմ՝ բոլորս քաջ գիտակցում ենք, որ սա Թուրքիայի և Ադրբեջանի երազանքն է, որոնք անդադար սպառնում են մեզ պատերազմով և ոչնչացմամբ», - գրել է Ծառուկյանը։

ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր և խոստանում է անձամբ զբաղվել նրանցով։

«Ես՝ որպես ՀՀ ամենամեծ ընդդիմադիր քաղաքական ուժի կուսակցության նախագահ, որպես քաղաքական գործիչ, որպես քաղաքացի, կանեմ ամեն ինչ՝ կանխելու մեր երկրում հակառուսական տրամադրությունների ստեղծմանը նպատակաուղղված սադրանքները: Վստահ եմ, որ Հայաստանի զարգացման և մեր երկրի անվտանգության ու անկախության ամրապնդման համար մենք պետք է էլ ավելի խորացնենք և ամրապնդենք Ռուսաստանի Դաշնության հետ հարաբերությունները», - գրել է Ծառուկյանը։

Գագիկ Ծառուկյանի բացակայությունը չի խանգարի. ե՞րբ կլինի կալանքի մասին որոշումը

Նա հավելել է, որ հայ-ռուսական հարաբերությունները պետք է զարգանան ոչ միայն երկկողմ ձևաչափով, այնպես էլ ԱՊՀ, ԵԱՏՄ, ՀԱՊԿ և այլ քաղաքական, տնտեսական, ռազմական ձևաչափերով։

Նշենք, որ «հակառուսական տրամադրությունների» մասին երեկ և այսօր սոցցանցերում ակտիվ քննարկումներ են ծավալվել։

15
Մաքսիմ Գալկինն ու Ալլա Պուգաչովան. արխիվային լուսանկար

Ինչպես են սպասում տանը. Գալկինը ցույց է տվել, թե ինչ անակնկալ է պատրաստել իր համար կինը

50
(Թարմացված է 20:43 02.07.2020)
71-ամյա պրիմադոննան գործուղումից վերադարձող ամուսնուն դիմավորելու համար յուրահատուկ անակնկալ է պատրաստել։ Երկար սպասված հանդիպման «տեսահաշվետվությունը» հայտնվել է Instargam-ում։

ԵՐԵՎԱՆ, 2 հուլիսի - Sputnik. Ռուսական շոու բիզնեսի թագուհի Ալլա Պուգաչովան հաճելի անակնկալ է պատրաստել ամուսնու` Մաքսիմ Գալկինի վերադարձի առթիվ․ երգչուհին որոշել է ուշադրություն չդարձնել համավարակին և ամուսնու պատվին երեկույթ է կազմակերպել։

Հայտնի հաղորդավարն աշխատանքի բերումով մի քանի օրով քաղաք էր գնացել։ Այդ ընթացքում Պուգաչովան և նրանց երկվորյակները՝ Գարին ու Լիզան, ժամանակը զուր չեն վատնել և պատրաստվել են հայրիկի վերադարձին։ Պուգաչովան ընդհատել է ինքնամեկուսացումը և հրավիրել Գալկինի ընկերներին և բարեկամներին։

Պրիմադոննան գործուղումից վերադարձող ամուսնու համար հատուկ հրավերք է կազմակերպել։ Ընտանեկան հավաքի տեսահաշվետվությունը հայտնվել է Գալկինի ինստագրամյան էջում։

Հավերժ գեղեցիկ ու երջանիկ Պուգաչովան․ Գալկինը կնոջ մասնակցությամբ տեսանյութ է հրապարակել

View this post on Instagram

A post shared by Максим Галкин (@maxgalkinru) on

Տեսանյութում երևում է, որ հյուրերն աստղերի դղյակի տարածքում հավաքվել են խարույկի շուրջ և սպասում են հավաքույթի «մեղավորին»։

Գալկինը հիացած է մտերիմների ուշադրությամբ և շտապել է ուրախությունը հայտնել երկրպագուներին։ Հաղորդավարի հետևորդները գնահատել են նրա տիկնոջ ջանքերը և նշել են, որ Պուգաչովան է՛լ ավելի է գեղեցկացել և իր տարիքից շատ ավելի երիտասարդ է երևում։

Ռուս հումորիստ Մաքսիմ Գալկինը և երգչուհի Ալլա Պուգաչովան, հոգնելով չորս պատի մեջ գտնվելուց, հաճախ են հետաքրքրացնում իրենց առօրյան։ Վերջերս նրանք ընտանեկան կյանքի բեմադրություն էին կազմակերպել կորոնավիրուսի համավարակի հետ կապված։ «Ինքնամեկուսացման հիմնը» զվարճացրել էր հայտնի զույգի երկրպագուներին։

Օրբելյան, Մանուկյան և Ալլա․ մի հայն ուղի բացեց Պուգաչովայի համար, մյուսն ուզում էր «փակել»

Գալկինի և Պուգաչովային երեխաները գործուն մասնակցություն ունեն ծնողների «տարօրինակություններին»։ Վերջերս Գարին և Լիզան պատմում էին, թե ինչպես է պետք պաշտպանվել COVID-19-ից, ինչպես նաև շնորհավորում էին պրիմադոննային՝ ծննդյան օրվա առթիվ։

50
թեգերը:
Ալլա Պուգաչովա, Մաքսիմ Գալկին
Ըստ թեմայի
Հրապարակվել է Ալլա Պուգաչովայի «վուլգար» տեսահոլովակը
Պուգաչովան հպարտանում է իր երեխաներով. նրանք արդեն սահում են անվաչմուշկով. տեսանյութ
Գալկինն առաջին անգամ ասել է` ինչպես է ծանոթացել Պուգաչովայի հետ
ԱԱԾ. արխիվային լուսանկար

Գումարների հավաքագրումը կրել է մասսայական բնույթ. ԱԱԾ բացահայտումը Գյումրիում

0
(Թարմացված է 23:04 02.07.2020)
Հանցանքի մեջ մեղադրվում են Գյումրու սոցիալական աջակցության տարածքային բաժինների ղեկավարները և մի քանի տասնյակ աշխատակիցներ։

ԵՐԵՎԱՆ, 2 հուլիսի - Sputnik. Ազգային անվտանգության ծառայությունը Գյումրի քաղաքում անապահովների սոցիալական աջակցության գումարների շորթման դեպքեր է հայտնաբերել։ Տեղեկությունը հայտնում է ԱԱԾ-ի մամուլի ծառությունը։

Շորթման մեջ մեղադրվում են Գյումրու սոցիալական աջակցության տարածքային թիվ 1 և թիվ 2 բաժինների ղեկավարներ Ա.Ե.-ն և Է.Բ.-ն։ Նրանց ենթակա աշխատակիցները նույնպես մասնակից են եղել շորթմանը։

ՊԵԿ աշխատակից է ձերբակալվել. ԱԱԾ–ն տեսանյութ է հրապարակել

Շորթումը կատարվել է այսպես՝ հիշյալ աշխատակիցներն իրենց տարածքային բաժնում հաշվառված նպաստառու ընտանիքներից պահանջել և ստացել են յուրաքանչյուրից 30,000-60,000 դրամ ապօրինի վարձատրություններ՝ ծրագրում ընդրգկվելու համար։ ԱԱԾ-ն հանցանքի պահին է հայտնաբերել և բերման ենթարկել աշխատակիցներից մեկին։

«2020 թվականի հունիսի 30-ին՝ ժամը 10։30-ին, տարածքային բաժնի աշխատակից Ա.Հ-ն, սոցիալապես անապահով կամ աջակցության կարիք ունեցող քաղաքացիներից հավաքագրած հերթական 100.000 դրամ գումարը բաժնի պետ Ա.Ե-ին փոխանցելուց անմիջապես հետո հայտնաբերվել և բերման է ենթարկվել», - գրված է հաղորդագրությունում։

Նախաքննության ընթացքում խուզարկություններ են կատարվել մի քանի տասնյակ աշխատակիցների բնակարաններում և աշխատասենյակներում։

Դրանցում հայտնաբերվել են սոցաջակցություն ստանալու համար հանրային ծառայողներին ապօրինի վարձատրություններ տրամադրած քաղաքացիների տվյալներ պարունակող ձեռագիր գրառումներով նոթատետրեր։

Հարցաքննվել են ապօրինի վարձատրություններ տրամադրած մի շարք քաղաքացիներ, որոնք ընդունել են ամիսներ կամ տարիներ շարունակ նպաստներ ստանալու կամ համապատասխան աջակցության ծրագրերում ներգրավելու դիմաց սոցիալական աջակցության տարածքային բաժինների ղեկավարներին կամ նրանց աշխատակիցներին ապօրինի վարձատրություններ տալու հանգամանքը։

«Քաղաքացիներն իրենց ցուցմունքներով հայտնել են, որ գումարների հավաքագրումը կրել է մասսայական բնույթ և առանց այդ ապօրինի վարձատրությունների իրենք նույնիսկ օրինական կարգով չէին կարող նպաստ ստանալ կամ ընդգրկվել իրենց համար հասանելի սոցիալական աջակցության ծրագրերում», - ասված է ԱԱԾ-ի հաղորդագրությունում։

Դեպքի առթիվ ՀՀ ԱԱԾ քննչական դեպարտամենտում հարուցվել են քրեական գործեր ՀՀ քրեական օրեսնգրքի 311.1-րդ հոդվածի 3-րդ մասի 1-ին, 2-րդ և 3-րդ կետերով (հանրային ծառայողի կողմից ապօրինի վարձատրություն ստանալը շորթմամբ, խոշոր չափերով, մի խումբ անձանց կողմից նախնական համաձայնությամբ) և ՀՀ ՔՕ 312.1-րդ հոդվածի 1-ին մասով (հանրային ծառայողին ապօրինի վարձատրություն տալը):

Առաջին հանցանքը վերագրվում է սոցաջակցություն տարածքային բաժինների ղեկավարներին, այն պատժվում է չորսից յոթ տարի ազատազրկմամբ, իսկ երկրորդը՝ քաղաքացիներին, դրա պատիժը տուգանքն է՝ 200-400 հազար դրամ կամ երեք տարի ազատազրկում։

«Կոռուպցիայի որևէ դրսևորում անարձագանք չի մնալու». ԱԱԾ պաշտոնյա է կալանավորվել. տեսանյութ

0
թեգերը:
Կաշառք, Նպաստ, Գյումրի, ՀՀ ազգային անվտանգության ծառայություն. ԱԱԾ
Ըստ թեմայի
Ինչեր են արել Գագիկ Խաչատրյանն ու նրա որդիները. ԱԱԾ-ն նոր փաստեր է բացահայտել
ԱԱԾ-ն բացահայտել է ԲՀԿ-ի՝ ընտրակաշառք բաժանելու հարյուրավոր դեպքեր
«Գլխավոր դերում» Գագիկ Ծառուկյանն է. ԱԱԾ–ն նոր տեսանյութ է հրապարակել