Աթենք

Օլիմպիական խաղերի առաջին չեմպիոնը խոհարար էր. էլ ինչ չգիտենք Հունաստանի մասին

435
(Թարմացված է 16:30 15.11.2019)
Իսկ գիտե՞ք, թե ինչ կլինի, եթե Հունաստանում որոշեք օդում ձեռքը թափահարելով ողջունել մեկին: Դուք կվիրավորեք նրան: Փորձենք պարզել` էլ ինչ չգիտենք ու ինչ գիտենք բարեկամ Հունաստանի մասին։

ԵՐԵՎԱՆ, 14 նոյեմբերի — Sputnik, Մարիաննա Փայտյան. Երևանում նոյեմբերի 15-ին կայանալիք Եվրո-2020-ի ընտրական փուլի Հայաստան-Հունաստան ֆուտբոլային խաղին ընդառաջ Sputnik Արմենիան առանձնացրել է 20 փաստ Հունաստանի մասին, որոնք, միգուցե, շատերս չգիտենք:

Ասում են՝ հայերն ու հույներն իրար շատ են նման: Երևի պատճառը պետք է պատմության մեջ փնտրել. մեր երկու ժողովուրդների ճակատագրերը դարերի ընթացքում հաճախ են հատվել: Այսօր երկու երկրների միջև ամուր բարեկամություն է  հաստատված: Թվում է, թե Հունաստանն այն երկրներից է, որի մասին մենք շատ բան գիտենք: Իրականում, այդպե՞ս է… Մենք առանձնացրել ենք Հունաստանի մասին 20 հետաքրքիր փաստ, որոնց մասին միգուցե դեռ չգիտեիք:

1.       Հին հունական լեգենդներից մեկի համաձայն, երբ Աստված ստեղծեց աշխարհը, նա ամբողջ հողը մաղեց երկրի վրա: Երբ բոլոր երկրներն արդեն լավ հող ունեին, նա մաղում մնացած քարերը նետեց ուսի վրայով և այդպես ստեղծեց Հունաստանը:

2.       Հունաստանն ունի ավելի քան 1400 կղզի, որոնցից միայն 227-ն են բնակեցված: Ամենամեծ կղզին Կրետեն է:

3.       Հունաստանում տարվա մեջ լինում է 250-ից ավելի արևառատ օր կամ ավելի քան 3000-ից ավելի արևոտ ժամ:

4.       Հունաստանում ցանկացած կետից մինչև ծովափ հեռավորությունը չի գերազանցում 137 կմ-ը:

5.       Հունաստանն առանց ընդհատումների բնակեցված է եղել գրեթե 7000 տարի: Աթենքը Եվրոպայի ամենահին քաղաքներից է, միաժամանակ սա ժողովրդավարության, արևմտյան փիլիսոփայության, Օլիմպիական խաղերի, քաղաքագիտության, արևմտյան գրականության, մաթեմատիկական հիմնական սկզբունքների և շատ այլ բնագավառների, ուղղությունների ծննդավայրն է:

6.       Հունաստանն ամենաշատ հնագիտական թանգարաններ ունեցող երկիրն է ամբողջ աշխարհում: Հին աշխարհի յոթ հրաշալիքներից երեքը (Արտեմիսի տաճարը, Զևսի արձանը և Հռոդոսի կոթողը) ժամանակին գտնվել են Հունաստանում։

7.       Հունաստանում առաջին Օլիմպիական խաղերն անցկացվել են մ.թ.ա. 776 թվականին: Առաջին օլիմպիական չեմպիոնը եղել է Կորեբուս անունով հույն խոհարարը: Ի դեպ, յուրաքանչյուր Օլիմպիադայի ժամանակ հին հույները Զևսին 100 ցուլ էին զոհաբերում:

8.       Լորդ Ջորջ Բայրոնն այնքան էր հիացած հույներով, որ մեկնել էր Հունաստան՝ մասնակցելու թուրքերի դեմ մղվող պայքարին հանուն հույն ժողովրդի անկախության: Ի դեպ, մարտնչող հույների մասին շատ հետաքրքիր կարծիք է հայտնել Անգլիայի վարչապետ Ուինսթոն Չերչիլը. «Մենք չենք ասում, որ հույները պայքարում են հերոսների նման, այլ հերոսներն են պայքարում հույների պես»:

9.       Երբևէ լսե՞լ եք «Հույն-թուրքական երկրաշարժերի դիվանագիտություն»: Այս եզրույթն առաջացել է 1999 թվականից հետո, երբ երկրաշարժը պատուհասեց երկու երկրները: Այդ ժամանակ նրանք անցյալում թողեցին ատելությունն ու դիվանագիտական հարաբերություններ հաստատեցին: Իսկ  հույն-թուրքական լարված հարաբերությունները սկիզբ են առել դեռ 13-րդ դարում, իրավիճակը լարվել է նաև նորօրյա պատմության շրջանում, երբ թուրքերը ներխուժեցին Կիպրոս:

10.       Հունաստանում ընտրությունների ժամանակ որևէ քաղաքացի չի կարող որոշել, ասենք` չմասնակցել ընտրություններին և չքվեարկել: Քվեարկելն օրենքով պարտադիր է 18 տարին լրացած յուրաքանչյուր քաղաքացու համար:

11.       Հունաստանի բնակչության գրեթե 40 տոկոսն ապրում է մայրաքաղաք Աթենքում: Ամբողջ երկրի բնակչությունը մոտ 10 միլիոնից ավելի է, իսկ ամեն տարի այցելող զբոսաշրջիկների թիվն էլ գրեթե 17 միլիոն, այսինքն՝ 7 միլիոնով ավելի բնակչության թվից: Տուրիզմի մասնաբաժինը երկրի ՀՆԱ-ում գրեթե 16 տոկոս է:

12.        Հունաստանի բնակչության մոտավորապես 98 տոկոսն էթնիկ հույներ են: Ազգային փոքրամասնությունների թվում ամենամեծ համայնքն ունեն թուրքերը, նաև ալբանացիները, մակեդոնացիները, բուլղարացիները, հայերն ու գնչուները:

13.       1950-ականներին չափահաս հույների միայն 30 տոկոսն էր, որ կարդալ և գրել գիտեր: Այսօր երկրում գրագիտությունը 95 տոկոսից բարձր է:

14.       Հույներն արթնանում են առավոտյան 5-6-ին, քնում են 11-ից հետո: Քնի պակասը լրացնում են ցերեկը՝ սիեստայի ընթացքում 1-2 ժամ քնելով:

15.       Կյանքի տևողությամբ Հունաստանը 26-րդ տեղում է աշխարհում: Կանանց համար կյանքի միջին տևողությունը 82 տարի է, տղամարդկանցը՝ 77:

16.       Ամուսնալուծությունների թվով Հունաստանը Եվրոպական միության երկրների շարքում վերջին տեղում է:

«Դուխներդ տեղը, ամեն ինչ շատ լավ է, որևէ խնդիր իրականում չկա». Վանեցյան

17.       Ձիթայուղի արտադրության ծավալով Հունաստանն աշխարհում երրորդ տեղում է: Հույները սկսել են ձիթապտուղ մշակել դեռ հնագույն ժամանակներից: Հունաստանում կան ձիթենիներ, որոնք տնկվել են 13-րդ դարում, բայց մինչև այսօր բերք են տալիս:

18.       Հույները երբեք որևէ մեկին ողջունելիս օդում ձեռքը բաց ափով չեն թափահարում, ձեռքի ափը ցույց տալը վիրավորական է համարվում:

19.       Ինչ-որ մեկին հաճոյախոսելիս հույները սեղմած շուրթերի արանքից մի տեսակ տարօրինակ կերպով «դուրս են մղում շունչը»: Դա արվում է հաճոյախոսություն ստացած անձին չար աչքից պաշտպանելու համար (ինչպես մենք՝ հայերս էլ թու-թու ենք ասում՝ հանկարծ «աչքով չտալու» համար):

20.       Հունաստանում ֆուտբոլն ազգային սպորտաձև է:

435
թեգերը:
Թուրքիա, Թուրք, Աթենք, հույն, ֆուտբոլ, Հայաստան, Հունաստան
Ըստ թեմայի
Նիկոլ Փաշինյանն ընդունել է պաշտոնական այցով Հայաստանում գտնվող Հունաստանի նախագահին
«Չորս տարի, մեկ ամիս սպասում էի այս օրվան». Գևորգ Կասպարովի երազանքն արդեն իրականություն է
Գևորգ Ղազարյանը չի մասնակցի Հունաստանի և Իտալիայի դեմ հանդիպումներին
Դավա և Օլգա Բուզովա

Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն

73
(Թարմացված է 01:03 02.06.2020)
Վիդեոբլոգեր Դավան բացառիկ է նրանով, որ բավականին կարճ ժամանակահատվածում նրան հաջողվեց համացանցում գրեթե 12 միլիոն հետևորդ հավաքել։

ԵՐԵՎԱՆ, 1 հունիսի – Sputnik. Բլոգեր և երգիչ Դավայի (Դավիթ Մանուկյան) մասին հասարակության մեծ մասն իմացավ

անցած տարվա աշնանը, երբ նա նկարահանվեց ռուս ճանաչված երգչուհի Օլգա Բուզովայի տեսահոլովակում։ Հենց այն ժամանակ լուրեր տարածվեցին, որ արտիստներն անտարբեր չեն միմյանց նկատմամբ։

Դեկտեմբերին արդեն Օլգան խոստովանեց բլոգերի հետ սիրավեպի մասին։ Դրանից հետո նրանք գրեթե մշտապես միասին են հանդես գալիս՝ սոցիալական ցանցերում, փոքրիկ հումորային համարներում և տեսահոլովակներում կամ պարզապես աշխատավայրից ու հանգստավայրից հրապարակած լուսանկարներում։

«Չէ՞ որ նա հայ է». Բուզովայի սիրեցյալի քույրը գաղտնիքներ է հայտնել

Բուզովայի երկրպագուների մեծաթիվ բանակը բաժանվել է երկու ճամբարի. մի մասը Դավային դուրսպրծուկ ու ալֆոնս է համարում, որը որոշել է հայտնի դառնալ ռուսական փոփ-բեմի արքայադստեր հաշվին, մյուսները՝ ի դեմս երիտասարդի, տեսնում են այն երկար սպասված արքայազնին, որին արժանի է Բուզովան։

Ի՞նչ է հայտնի Դավայի մասին

Դավիթ Մանուկյանը հայտնի է դարձել առաջին հերթին որպես վիդեոբլոգեր, բայց երիտասարդը նաև սեփական երգերն է թողարկում։ Ընդ որում` դրանցից մեկը, որը կոչվում է «Հարբած կլինեմ», կարճ ժամանակում այնքան հայտնի է դարձել, որ Բուզովան, դեռ անձամբ ծանոթ չլինելով Դավայի հետ, պարել է այդ երգի տակ և տեսանյութը հրապարակել Instagram-ի իր էջում։

«Այն ժամանակ դեռ ծանոթ չէինք, նա պարզապես stories էր նկարում։ Առաջին անգամ ես նրան գրեցի և ասացի՝ շնորհակալ եմ, որ լսում եք իմ երգը, շատ հաճելի է։ Որոշ ժամանակ անց նա ինձ գրեց և դեր առաջարկեց իր «Лайкер» տեսահոլովակում,-պատմել է Դավան «Алена блин!» հաղորդման ընթացքում։

Դավիթ Մանուկյանը ծնունդով Նովոսիբիրսկից է, տեղափոխվել է Մոսկվա ընդամենը երկու տարի առաջ։ Նա խոստովանել է, որ այդ ժամանակ Instagram սոցիալական ցանցում ընդամենը մոտ հինգ հազար հետևորդ ուներ։ Բայց շուտով, ընդամենը երկու տարում, արտիստի հետևորդների թիվը հասավ գրեթե 12 միլիոնի։

Այդ ֆենոմենալ թռիչքի շնորհիվ 27-ամյա երիտասարդը հայտնվեց շատերի ուշադրության կենտրոնում։  Վերջերս բլոգերը նկարահանվեց ճանաչված երգիչ Եգոր Կրիդի «Love is» երգի տեսահոլովակում։ Ամենայն հավանականությամբ երկու տաղանդավոր երիտասարդների համագործակցությունը այդքանով չի սահմանափակվի։

Շատերը զարմացած են Դավայի դերասանական տաղանդով, բայց երիտասարդը բավական հարուստ ստեղծագործական փորձ ունի։ Բանն այն է, որ նա պրոֆեսիոնալ պարող է։ Հայազգի երիտասարդը երեք տարեկանից պարով է զբաղվել, անգամ սպորտային-պարահանդեսային պարերի Ռուսաստանի չեմպիոն է եղել։ Վնասվածքների պատճառով ստիպված է եղել թողնել սպորտային կարիերան (Դավան ողնաշարի երեք ճողվածք ունի. մեծ դեր է խաղացել նաև հիասթափությունը)։

Ի դեպ, հենց պարի շնորհիվ է Դավան հանդիպել իր առաջին սիրուն՝ պարահանդեսային պարերի ներկայիս չեմպիոն Վալերիա Աղիկյանին։ Այն ժամանակ Դավան 16 տարեկան էր, ընտրյալը՝ 15։ Նրանց հարաբերությունները երկար չեն տևել. երկու տարի անց բաժանվել են։

«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա

Նույն «Алена блин!» հաղորդման ընթացքում Մանուկյանը խոստովանել է, որ սթրեսի պատճառով հաճախ նոպաներ է ունեցել։ Արտիստի խոսքով՝  այնպես էր սիրահարվել Վալերիային, որ պատրաստվում էր առաջարկություն անել, մինչդեռ աղջիկը օգտագործում էր իրենց հարաբերությունները առաջնություններից առաջ իրեն հունից հանելու համար։

«Նա իմ հակառակորդի պարային զույգն էր, և մրցումներից առաջ ինձ հաճախ լուսանկարներ էին ուղարկում, որտեղ Վալերիային ինչ-որ մեկը գրկում էր։ Դա ինձ շատ էր հունից հանում»,-ասել է նա։ Չնայած դրան, իր «Վերջին պարը» երգը Դավան նվիրել է առաջին սիրուն։

Ինչ վերաբերում է Բուզովայի հետ հարաբերություններին և անհավասար եկամուտներին, արտիստը (ինչպես և ինքը՝ Օլգան) մշտապես ընդգծում է, որ սիրելի կինն իրեն աջակցում է միայն բարոյապես, իսկ նյութական ծախսերը միշտ ինքն է հոգում։ Ի դեպ, երիտասարդներն ապրում են Մանուկյանի վարձակալած բնակարանում։

«Ես ոչ մի կնոջից փող չեմ վերցրել։ Երբեք նման բան չի եղել։ Եթե մենք Օլյայի հետ որևէ տեղ ենք գնում, միշտ ես եմ վճարում։ Հակառակ դեպքում ես ինձ տղամարդ չեմ զգա։ Իմ փրոդաքշնի համար ես մեծ գումարներ եմ ծախսում՝ գովազդ, նկարահանումներ։ Ճիշտ այդքան էլ ծախսում եմ Օլյայի վրա։ Ռեստորանում հաշիվը տարբեր է լինում՝ 20-ից մինչև 80 հազար ռուբլի՝ կախված տեղից»,-խոստովանել է նա։

Արտիստի խոսքով՝ ինքը շատ ծրագրեր ունի, իսկ Օլգայից իրեն միայն հոգեբանական աջակցություն է պետք։

73
թեգերը:
տեսահոլովակ, սեր, երգիչ, Օլգա Բուզովա, Դավիթ (Դավա) Մանուկյան
Ըստ թեմայի
Մոսկովյան բանկ ներխուժած տղամարդը պահանջել է փող և Բուզովային. տեսանյութ
«Մանդարինկա». Բուզովան բլոգեր Դավիթ Մանուկյանի հետ ամանորյա երգ է թողարկել
Օլգա Բուզովան հաստատել է` իր ընտրյալը հայ հայտնի բլոգեր Դավիթ Մանուկյանն է
Օլգա Բուզովան ծննդյան 34–ամյակը նշում է հայ սիրեցյալի հետ. տեսանյութ
Машина Скорой помощи в Тбилиси

Թբիլիսիի գազալցակայաններից մեկում պայթյուն է որոտացել

38
(Թարմացված է 23:49 01.06.2020)
Դեպքի վայր են մեկնել հրշեջները, փրկարարները, շտապօգնության բրիգադն ու ոստիկանները։

ԵՐԵՎԱՆ, 1 հունիսի – Sputnik. Վրաստանի մայրաքաղաք Թբիլիսիի գազալցակայաններից մեկում այսօր երեկոյան պայթյուն է որոտացել, կա տուժած։ Տեղեկությունը հայտնում է ՌԻԱ Նովոստին։

«Մեկ մարդ է տուժել։ Հրդեհն արդեն մեկուսացվել է», – հայտնում են տեղական հեռուստաալիքները։

Ռուսների «թուղթուգիրն» ու աշխարհի վերջը. հողը փախչում է գերտերության ոտքերի տակից

Նշվում է, որ դեպքի վայր են մեկնել պարեկային ծառայության աշխատակիցները, հրշեջները, փրկարարներն ու բժիշկները։ Պայթյունի պատճառն առայժմ հայտնի չէ։

Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա

38
թեգերը:
պայթյուն, գազալցակայան, Թբիլիսի, Վրաստանի Հանրապետություն
Ըստ թեմայի
Պայթյուն Շիրակի մարզի գազալցակայաններից մեկում. 40 տարեկան տղամարդ է մահացել
Տեխասում պայթել է Իլոն Մասկի տիեզերանավի նախատիպը. տեսանյութ
Լոս Անջելեսում պայթյունի հետևանքով 11 մարդ է տուժել
«Գյումրի» ակումբը. 1979թ.

Ինչպես Լենինականի «Գյումրին» հաղթեց Ադրբեջանի «Քյափազին». «Կաշվե գնդակի» հիշվող մրցաշարը

0
(Թարմացված է 08:19 02.06.2020)
Հայկական ֆուտբոլում տիտղոս բերող հաղթանակները շատ չեն եղել: Միշտ հիշում ենք «Արարատի» դուբլը նախկին ԽՍՀՄ առաջնություններում՝ 1973 թվականին: Բայց youtube պորտալի միջոցով վերհիշել ենք ևս մեկ հաղթանակ, որը ռազմավարական տեսանկյունից պակաս կարևոր չէր:

Խաչիկ Չախոյան Sputnik Արմենիա

1979 թվականին համախորհրդային մրցաշարի՝ «Կաշվե գնդակի», մրցումներում չեմպիոն դարձավ Լենինականի (այժմ` Գյումրի) «Գյումրին»:  Ինչպե՞ս այս ակումբին հաջողվեց 2 անգամ հաղթել ադրբեջանական թիմին, որը, այսպես ասած, ոչ միայն մարզադաշտում էր հակառակորդ, ինչ միջադեպ գրանցվեց ու ինչպես վերջում ադրբեջանցիները ճանապարհեցին հաղթող թիմին։ Sputnik Արմենիային հաջողվել է խոսել 41 տարի առաջ կայացած եզրափակիչի մասնակիցների հետ:

Архивная фотография юношеской футбольной команды Гюмри
© Sputnik / Aram Nersesyan
«Գյումրի» ակումբը. 1979թ.

«Կաշվե գնդակի» մինչև 14 տարեկան ֆուտբոլիստների մրցումներում 1979 թվականին Լենինականի «Գյումրին» միայն հաղթանակներ տանելով հասավ եզրափակիչ, որտեղ մեր թիմի մրցակիցն էր Ադրբեջանի «Քյափազ» ակումբը:

Շվեյցարիայի հավաքականի հայ մարզիչը. որ խորհուրդներն են առաջնորդել Ալֆրեդ Տեր-Մկրտչյանին

Ռուսաստանի Սամարա (այն ժամանակ` Կույբիշև) քաղաքում սպասվող «Կաշվե գնդակի» եզրափակիչը` «Գյումրիի» և «Քյափազի» միջև, սկզբունքային նշանակություն ուներ ադրբեջանական թիմի համար: Դրանից երկու տարի առաջ՝ 1977թվականին, մինչև 12 տարեկան ֆուտբոլիստների մրցաշարում «Գյումրին» հաղթել էր «Քյափազին» 1:0 հաշվով ու դարձել չեմպիոն: Երկու տարի անց հայկական թիմի մրցակիցն ամեն ինչ անելու էր «պատասխան» հաղթանակը կորզելու համար: Եվ դա շատ լավ հիշում է «Գյումրիի» մարզիչներից մեկը՝ Ժորա Բարսեղյանը:

Медаль победителя детского футбольного турнира Кожаный мяч 1979 года (СССР)
© Sputnik / Aram Nersesyan
«Գյումրի» ակումբի շահած մեդալը «Կաշվե գնդակ» մրցաշարում. 1979թ.

«Մրցումների կազմակերպիչները «Գյումրիի» խաղին շատ բարձր գնահատական էին տալիս ու համարում հաղթողի հիմնական հավակնորդը: Եզրափակչից առաջ ադրբեջանական թիմը համալրվեց վեց նոր ֆուտբոլիստներով:  Հիշելով երկու տարի առաջ կրած պարտությունը` ադրբեջանցիները նոր ֆուտբոլիստներ բերեցին իրենց երկրից, որպեսզի անպայման հասնեն հաղթանակի: Մենք, ճիշտ է, ուսումնասիրել էինք մրցակցին, բայց պարզվեց, որ լրիվ այլ թիմի հետ ենք խաղալու եզրափակիչում»- հիշում է Ժորա Բարսեղյանը:

«Գյումրիի»  գլխավոր մարզիչ, երջանկահիշատակ Հայկ Ավետիսյանը ֆուտբոլիստներին անընդհատ ոգևորում էր ու իր խրոխտ ձայնով գոռում, որ չեմպիոնը «Գյումրին» է լինելու, և ոչ մի թիմ մեզ հաղթել չի կարող: Սա արդեն այն ժամանակ «Գյումրիի» հարձակվող Սամվել Նիկոլյանի հիշողություններն են խաղից 41 տարի անց։ Նիկոլյանը երկար տարիներ խաղացել է մեծ ֆուտբոլում խորհրդային և անկախ Հայաստանի առաջնություններում։

Самвел Николян во время интервью агентству Sputnik Армения
© Sputnik / Aram Nersesyan
Սամվել Նիկոլյանը Sputnik Արմենիայի սպորտային մեկնաբան Խաչիկ Չախոյանի հետ

«Մենք տրամադրված էինք միայն հաղթանակի ու այլ արդյունքի մասին չէինք էլ մտածում: Խաղի ընթացքում երևաց, որ «Քյափազի» հիմնական նպատակը իրենց դարպասն անառիկ պահելն է: Մենք ունեցանք գոլային բազմաթիվ պահեր, բայց մրցակցին հաջողվեց կատարել իր առաջադրանքը: Հաղթողը որոշվեց 11 մետրանոց հարվածներով, որոնցում մենք ավելի դիպուկ էինք: Բոլորս ցատկում ու գոռում էինք ուրախությունից, իսկ «Քյափազի» ֆուտբոլիստներն արտասվում էին եզրափակիչից հետո» ,- պատմում է Նիկոլյանը:

Самвел Николян
© Sputnik / Aram Nersesyan
Սամվել Նիկոլյանը

Իհարկե, ծեծկռտուքից խուսափել չեղավ։ Նիկոլյանը հիշում է, որ մրցումների ընթացքում Հայաստանի ու Ադրբեջանի ֆուտբոլիստների միջև տհաճ միջադեպ` թեթև ծեծկռտուք գրանցվեց: Ու եզրափակիչում բնականաբար հաղթանակի ձգտումը երկու կողմի ֆուտբոլիստների համար էլ ավելի սրվեց։

«Չնայած, որ մենք, մեղմ ասած, իրար նկատմամբ լավ տրամադրված չէինք, եզրափակիչից հետո, երբ մեր թիմն արդեն պատրաստվում էր վերադառնալ Հայաստան, «Քյափազի» ֆուտբոլիստները հաճելի անակնկալ մատուցեցին: Նրանք մեր թիմի ֆուտբոլիստների պայուսակները տեղափոխեցին ավտոբուս` այսպես արժանին մատուցելով չեմպիոն թիմին» - հիշում է Նիկոլյանը:

«Կաշվե գնդակի» մրցումներում հայկական թիմերից շատերն են հաղթանակի հասել տարբեր տարիքային խմբերում: Այդ հաղթանակներն ապացուցում էին, որ ֆուտբոլի հայկական դպրոցը կա ու ապագան էլ մշուշոտ չէ: Այդ պատճառով էլ վարպետ թիմերի մարզիչները հետագայում ֆուտբոլիստների ընտրության հնարավորություն ունեին: Ցավոք, այդ հնարավորությունը չունեն հայկական թիմերի ներկայիս մարզիչները:

1979 թվականին չեմպիոն դարձած թիմի կազմում կային շատ հեռանկարային ֆուտբոլիստներ: Նրանցից Սամվել Նիկոլյանը, Հրաչիկ Ավետիսյանը, Արմեն Ղուկասյանը հետագայում իրենց վարպետությամբ աչքի էին ընկնում նաև մեծ ֆուտբոլում:

0
թեգերը:
Ծեծկռտուք, մեդալ, ԽՍՀՄ, Ադրբեջան, հաղթանակ, Գյումրի, ֆուտբոլ
Ըստ թեմայի
Ինչպես հաղթեց օլիմպիական չեմպիոնին, կամ ըմբշամարտիկ Լևոն Գեղամյանի հաջողակ թիվը
Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին
Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին