Նիկոլ Փաշինյանը և Էմանուել Մակրոնը

Նիկոլ Փաշինյանը «լավ ընկերների» հետ նոր լուսանկարներ է հրապարակել սոցցանցում

155
(Թարմացված է 20:15 26.01.2020)
Էմանուել Մակրոնի անունից տրվող պետական ճաշի վերջում հնչել է ֆրանսիահայ շանսոնյե Շառլ Ազնավուրի երգերից մեկը:

ԵՐԵՎԱՆ, 12 նոյեմբերի — Sputnik. ՀՀ վարչապետ Նիկոլ Փաշինյանը Facebook սոցիալական ցանցի իր էջում լուսանկարներ և տեսանյութ է հրապարակել իր` Ֆրանսիա կատարած այցից։

Առաջին լուսանկարում ՀՀ վարչապետը Ֆրանսիայի նախագահ Էմանուել Մակրոնի և Ֆրանկոֆոնիայի միջազգային կազմակերպության գլխավոր քարտուղար Լուիզ Մուշիկիվաբոյի հետ է։

«Իմ լավ ընկերների՝ Ֆրանսիայի նախագահ Էմանուել Մակրոնի և Ֆրանկոֆոնիայի միջազգային կազմակերպության գլխավոր քարտուղար՝ Լուիզ Մուշիկիվաբոյի հետ»,–նկարը մակագրել է Փաշինյանը։

Հաջորդ նկարում նա ՄԱԿ-ի գլխավոր քարտուղար Անտոնիո Գուտերեշի հետ է։

Իսկ տեսանյութում երևում է Մակրոնի անունից կազմակերպված ճաշկերույթը։ Երբ ճաշի վերջում հնչել է ֆրանսիահայ շանսոնյե Շառլ Ազնավուրի երգերից մեկը, Փաշինյանը չի կարողացել զսպել ուրախությունը, նկարահանել է այդ պահն ու հրապարակել սոցցանցի իր էջում։

Հիշեցնենք, որ ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ նոյեմբերի 11-12-ը աշխատանքային այցով մեկնել է Ֆրանսիայի Հանրապետություն՝ մասնակցելու Փարիզի խաղաղության երկրորդ համաժողովին և ՅՈՒՆԵՍԿՕ-ի 40-րդ Գլխավոր կոնֆերանսին։

155
թեգերը:
Facebook, Շառլ Ազնավուր, Փարիզ, Ֆրանսիա, Էմանուել Մակրոն, Նիկոլ Փաշինյան
թեմա:
ՀՀ վարչապետ Նիկոլ Փաշինյան (1054)
Ըստ թեմայի
Աննա Հակոբյանը պարում է, Նիկոլ Փաշինյանը` նկարում. վարչապետը նոր տեսանյութ է հրապարակել
Նիկոլ Փաշինյանն ընդունել է Վատիկանից ժամանած Փոլ Ռիչարդ Գալլագերին
Նիկոլ Փաշինյանը մի փոքր լարվել է Արցախի ճանապարհին. նա գրել է միջադեպի մասին
Շանքար Կուրադեն

Հնդիկ տղամարդը մոտ 4000 դոլար է վճարել ոսկե դիմակի համար, բայց գիտի, որ դա իրեն չի փրկի

2
(Թարմացված է 20:59 05.07.2020)
Նրա ոսկե դիմակը կշռում է մոտ 56,7 գրամ։ Շանքար Կուրադեն գիտի, որ նույնիսկ այդքան թանկ դիմակը արդյունավետ չէ, եթե սոցիալական հեռավորություն չես պահպանում։

ԵՐԵՎԱՆ, 5 հուլիսի - Sputnik. Հնդկաստանի Մահարաշտրա նահանգի բնակիչ Շանքար Կուրադեն կորոնավիրուսի համավարակից պաշտպանվելու համար հատուկ դիմակ է պատվիրել՝ ամբողջությամբ ոսկուց։ ՌԻԱ Նովոստիին նա պատմել է, թե որտեղից է ծնվել ոսկեզօծ պաշտպանիչ դիմակի գաղափարը։

«Ոսկե դիմակ պատրաստելու գաղափարը մտքումս ծնվեց, երբ տեսա մի մարդու արծաթյա դիմակով։ Քանի որ ես սիրում եմ ոսկի և կրում եմ ծանր ոսկե շղթաներ, մատանիներ, որոշեցի՝ ինչո՞ւ ես էլ ոսկե դիմակ չկրեմ»,- պատմել է հնդիկ տղամարդը։

Նրա ոսկե դիմակը կշռում է մոտ 56,7 գրամ։ Դրա համար Շանքար Կուրադեն 289 հազար ռուփի է վճարել (մոտավորապես 3870 դոլար)։

Նա հավելել է, որ դիմակի մեջ շնչելու համար փոքրիկ անցքեր են արված։

«Ինչ վերաբերում է դիմակի արդյունավետությանը, մենք գիտենք, որ դիմակները բավարար չեն, դեռ պետք է սոցիալական հեռավորություն պահպանել։ Այդ պատճառով ոսկե դիմակով փողոց դուրս գալիս ես նույնպես պատշաճ կերպով հետևում եմ հեռավորության պահպանմանը»,- նշել է Կուրադեն։

Իրանն անցնում է «դիմակային ռեժիմի». կորոնավիրուսով վարակվածների թիվն աճում է

Նրա խոսքով ՝ դիմակը գրավել է տեղի բնակիչների և լրատվամիջոցների ուշադրությունը։

«Ես հայտնվեցի ուշադրության կենտրոնում, երբ ոսկե դիմակով փողոց դուրս եկա։ Չնայած իմ ընտանիքի՝ ոսկով հետաքրքրվելը հայտնի է այս տարածաշրջանում, ոսկե դիմակը բոլորովին նոր բան է, այդ պատճառով էլ մարդկանց հետաքրքիր է», - հավելել է նա։

Նշենք՝ Հնդկաստանը կորոնավիրուսով վարակվածների թվով աշխարհում երրորդ տեղում է՝ «զիջելով» միայն ԱՄՆ-ին և Բրազիլիային։

Worldometers կայքի հուլիսի 5-ի տվյալներով՝ երկրում կորոնավիրուսով վարակվել է 695 396 մարդ. նրանցից 423 001-ն ապաքինվել են, 19 692 -ը՝ մահացել։

 

2
թեգերը:
Հնդկաստան, կորոնավիրուս, Ոսկի, դիմակ
թեմա:
Կորոնավիրուսը Չինաստանում և աշխարհում
Ըստ թեմայի
Սև, սպիտակ, մոխրագույն․ ի՞նչ վտանգներ են պարունակում հայերի սիրած գունավոր դիմակները
Հայաստանում նորաձև են դառնում կտորե դիմակները. նախարարը կոչ է անում մոդայի հետևից չընկնել
«Դժվար է այն համատեղել լուքիս հետ»․ հայտնի հայերը, դիմակներն ու Նիկոլ Փաշինյանը
Վլադիմիր Պուտին. արխիվային լուսանկար

Դե թող գոնե ռուս ժողովրդի նվերները թողնեին. Պուտինը խոսել է ԽՍՀՄ–ից դուրս եկածների մասին

227
(Թարմացված է 20:31 05.07.2020)
Ռուսաստանի նախագահը վստահ է, որ Միությունից դուրս գալու մասին` ԽՍՀՄ Սահմանադրության մեջ 1977 թվականի գրված իրավունքն ու Կոմունիստական կուսակցության իշխանության մենաշնորհային իրավունքը դանդաղ ներգործող ական դարձան։

ԵՐԵՎԱՆ, 5 հուլիսի — Sputnik. Ռուսաստանի նախագահ Վլադիմիր Պուտինը մեկնաբանել է ԽՍՀՄ նախկին հանրապետությունների` Խորհրդային Միության կազմից դուրս գալու հարցը։

«Ռոսիա 1» հեռուստաալիքին տված հարցազրույցում Պուտինը հիշեցրել է, որ Ստալինը խոսել է ազգային միավորումների անկախացման, ինքնավարության իրավունքով Ռուսաստանի Խորհրդային Ֆեդերատիվ Սոցիալիստական Հանրապետության կազմ մտնելու մասին։ Պուտինի խոսքով՝ Խորհրդային Միության կազմից դուրս գալն ապագայում չէր նախատեսվում։

Արդյունքում իրականացվեց Լենինի գաղափարը․ ԽՍՀՄ-ից դուրս գալու իրավունքն արձանագրվեց 1922 թվականի միութենական պայմանագրում։ Ընդ որում, ՌԴ նախագահի խոսքով, այդ գաղափարներն ու դրույթները սկսել են խորհրդային տարիների Սահմանադրությունից Սահմանադրություն «քոչել», սակայն չի գրվել Միության կազմից դուրս գալու մասին։

ԽՍՀՄ ժողովուրդը ծանր գին է վճարել Եվրոպայի ազատության համար․ Պուտին

«Քանի որ այդ գործընթացը չի մեկնաբանվել, հարց է առաջանում` այս կամ այն հանրապետությունը մտել է Խորհրդային Միության կազմ, ստացել իր բեռը՝ ռուսական հողերի, պատմական ռուսական տարածքների մեծ քանակություն, իսկ հետո հանկարծակի որոշել դուրս գալ Միությունից։ Գոնե ինչով եկել էր, դրանով դուրս գար, ոչ թե իր հետ տաներ ռուս ժողովրդի նվերները», - նշել է Պուտինը։

Ռուսաստանի նախագահը վստահ է, որ Միությունից դուրս գալու մասին` ԽՍՀՄ Սահմանադրության մեջ 1977 թվականի գրված իրավունքն ու Կոմունիստական կուսակցության իշխանության մենաշնորհային իրավունքը դանդաղ ներգործող ական դարձան։

Պուտինի կարծիքով՝ Ռուսաստանին անհրաժեշտ է խուսափել նման սխալներից։

Պուտինը շնորհավորել է Հայաստանին և ԽՍՀՄ նախկին հանրապետությունների ժողովուրդներին

 

227
թեգերը:
ԽՍՀՄ, Ռուսաստան, Վլադիմիր Պուտին
Ըստ թեմայի
ԽՍՀՄ–ի թիմի միակ հայը. ինչպես Ռոբերտ Խալայջյանը մինչև 19 տ ֆուտբոլի աշխարհի չեմպիոն դարձավ
Ինչպես էին ԽՍՀՄ ժողովուրդներն անձնվիրաբար պայքարում ֆաշիզմի դեմ. տեսանյութ
Ինչո՞ւ Խրուշչովը կոշիկով խփեց ՄԱԿ-ի սեղանին, ում ելույթն էր հունից հանել ԽՍՀՄ առաջնորդին