ԵՐԵՎԱՆ, 11 նոյեմբերի – Sputnik. «Սպիտակ սաղավարտները» «Ջեբհաթ ան Նուսրայի» (Ռուսաստանում արգելված ահաբեկչական կազմակերպություն) թևն է, հետևաբար դրա գործունեությունը Սիրիայում PR ակցիա է։ RT–ի հետ հարցազրույցում այս մասին ասել է Սիրիայի նախագահ Բաշար Ասադը։
Արևմուտքում աջակցություն ստացած «Սպիտակ սաղավարտներ» կազմակերպությունը հայտարարել է, որ իր նպատակն է փրկել մարտական գործողությունների գոտում գտնվող խաղաղ բնակիչներին, սակայն Սիրիայի իշխանությունը կազմակերպության անդամներին մեղադրել է ծայրահեղականների հետ կապերի ու թշնամական քարոզչական գործունեություն իրականացնելու համար։
Գրիգորյան. «Սիրիայի ներքաղաքական կայունությունը մեզ համար ունի շատ կարևոր նշանակություն»
««Սպիտակ սաղավարտների» «հրեշտակների» շարքում կան անձինք, որոնք եղել են «Ալ–Քաիդայի» կազմում։ Նրանք լավ երևում են, պատկերները բավականին հստակ են։ Նրանց թվում կա նաև մեկը, ով կտրում էր մարդկանց գլուխները, կա նաև մարդ, որը ուտում էր սպանված զինվորի սիրտը։ Այս ամենը հանգիստ կարելի է գտնել համացանցում։ Մեր տարածաշրջանում ոչ ոք չի հավատում «Սպիտակ սաղավարտների» PR ակցիաներին։ Նրանք «Ջեբհաթ ան Նուսրայի» թևն են», – ասել է Սիրիայի նախագահը։
Ասադն անդրադարձել է նաև սկանդալային տեսանյութին, որում իբր Սիրիայի իշխանությունը քիմիական զենք է կիրառում։
«Լայնածավալ բեմադրություն է եղել, որի որոշ մասնակիցները հանդես են գալիս բազում «միջադեպերի» զոհերի դերում, «միջադեպերի», որոնք կապված են ոչ միայն քիմիական զենքի, այլև ռմբակոծումների հետ... Մարդն իրեն զոհի տեղ է դնում, իսկ նկարահանման ավարտից հետո վեր է կենում, ասես ոչինչ չի պատահել ու հանգիստ քայլում է. Youtube–ում այդ տեսանյութը կա։ Այնտեղ ամեն ինչ հստակ երևում է», – ասել է նա։
Նշենք, որ արևմտյան երկրները քիմիական զենք կիրառելու բազմաթիվ մեղադրանքներ են ուղղել Սիրիայի իշխանությանը, իսկ Դամասկոսը բազմիցս հայտարարել է, որ երբեք քիմիական զենք չի կիրառել խաղաղ բնակիչների ու ահաբեկիչների դեմ. երկրի ամբողջ քիմիական զինապաշարը հանվել է Սիրիայից Քիմիական զենքի արգելման կազմակերպություն հսկողության ներքո։
Տանկեր, Սիրիա և ՀԱՊԿ. հայ–ռուսական գործընկերության ժամանակակից միտումները
