Louis Vuitton խանութը

Մահացել է մոդելավորող Լուի Վիտոնը

236
(Թարմացված է 14:57 08.11.2019)
Մոդելավորողի մահվան պատճառների մասին չի նշվում։ Նորաձևության տան հաղորդագրության մեջ նշվում է, որ Պատրիկ Լուին շարունակել է ընտանեկան ավանդույթը և 1973թ-ին միացել է Louis Vuitton–ի աշխատանքին։

ԵՐԵՎԱՆ, 8 նոյեմբերի — Sputnik. Ֆրանսիայում կյանքի 69–րդ տարում մահացել է Louis Vuitton առևտրային տան հիմնադիրի թոռան թոռը` Պատրիկ Լուի Վիտոնը։ Այդ մասին տեղեկանում ենք նորաձևության տան Instagram–ի էջից։

«Խորը կսկիծով հաղորդում ենք Պատրիկ Լուի Վիտոնի մահվան մասին։ Մենք մտովի նրա ընտանիքի հետ ենք, հատկապես որդիների` Պիերի և Բենուի, որոնք աշխատում են մեզ հետ»,- գրված է հաղորդագրության մեջ։

Посмотреть эту публикацию в Instagram

Публикация от Louis Vuitton Official (@louisvuitton)

Նշվում է, որ Պատրիկ Լուին ընտանեկան բիզնեսին միացել է 1973թ–ին և սկսել է ստորին օղակներից` աշխատելով որպես ենթավարպետ։

Նա հաճախ է կրկնել, որ «վարպետությունը կարող է փրկվել միայն սերունդների հաջորդականության դեպքում», - նշված է հաղորդագրության մեջ։

Մոդելավորողի մահվան պատճառների մասին չի նշվում։

Louis Vuitton առևտրի տունը հիմնել է Լուի Վիտոնը` 1854թ–ին Ֆրանսիայում։ Այն մասնագիտանում է համանուն ապրանքանիշի ճամպրուկների և պայուսակների, հագուստի, օծանելիքի և «լյուքս» դասի աքսեսուարների արտադրության վրա։

236
Ըստ թեմայի
«Իսկ տանն ամեն ինչ այլ է». Ֆրանսիան «գրաված» հայ պարֆյումերի դժվարությունները հայրենիքում
Ձեռքերը կորցրած տղամարդը պոդիում է դուրս եկել
Ռուսաստանն ընտրեց ամենագեղեցիկ աղջկան․ «Միսս աշխարհ» կմեկնի ուսանողուհին Չուվաշիայից
Ինքնաթիռ

Trollface-ը Գերմանիայի երկնքում. օդաչուն 2,5 ժամ «նկարել» է օդում

25
(Թարմացված է 21:44 30.05.2020)
Օդաչուի նկարած պատկերը կարելի է տեսնել օդանավերին հետևելու Flightradar24 կայքում։ Օդաչուն 2,5 ժամ անցկացրել է երկնքում։

ԵՐԵՎԱՆ, 30 մայիսի – Sputnik․ Diamond DA20-A1 Katana ինքնաթիռի օդաչուն Գերմանիայի երկնքում պատկերել է հայտնի trollface մեմը։

Երբ օդաչուն հայ է. «Գլուխգովան հռոմեացիներին հիշեցրեք Երևանի մասին». տեսանյութ

Այդ «ստեղծագործությունը» կարելի է տեսնել Flightradar24 կայքում։ «Դիմանկարն» անելու համար օդաչուն 2,5 ժամ է ծախսել։

Пилот самолета Diamond DA20-A1 Katana вывел в небе изображение мема trollface
© Photo : Flight Radar 24
Diamond DA20-A1 Katana ինքնաթիռի օդաչուն Գերմանիայի երկնքում պատկերել է հայտնի trollface մեմը

«Ախպեր ջան, մի վախի. ես քո հետ եմ թռնում». ինչպես մի կատակն աստղ դարձրեց օդաչու Մկրտչյանին

Հետաքրքիր է, որ սա առաջին դեպքը չէ, երբ օդաչուները երկնքում զվարճալի «գրություններ» են թողնում։ Ռուսաստանցի օդաչու Օլեգ Կոբզևն ավելի վաղ Տուլայի մարզի երկնքում գրել էր. «Իսկ որտե՞ղ են բոլորը»։ Մեկ օր անց ամերիկյան Ֆլորիդա նահանգի երկնքում ռուսերեն գրառում էր հայտնվել. «Լվա ձեռքերդ»։

Ռազմական օդաչուները վարժանքներ են արել Երևանի երկնքում. տեսանյութ

25
թեգերը:
Օդաչու, Լուսանկար, ինքնաթիռ
Ըստ թեմայի
Եթե ոչ օդաչու, ապա թող գոնե ավիաընկերության սեփականատեր. երբ «հիվանդանում» ես երկնքով
Օդաչուները տեսարժան «պտուտակ» են ցուցադրել. տեսանյութ
Օդային «հնաբնակների» դեմ. ինչպես հայ օդաչուն հաղթեց ու գավաթ նվաճեց Ռուսաստանում
Բժիշկ

Չինաստանում ասել են` երբ պատրաստ կլինի կորոնավիրուսի դեմ պատվաստանյութը

44
(Թարմացված է 20:58 30.05.2020)
Չինացի համաճարակաբան Չժուն Նանշանը հայտնել է, որ ներկա պահին հինգ տարբեր պատվաստանյութ է գտնվում կլինիկական փորձարկումների երկրորդ փուլում։

ԵՐԵՎԱՆ, 30 մայիսի – Sputnik. ՉԺՀ-ի պետական գույքի վերահսկողության և կառավարման կոմիտեն հայտարարել է, որ Չինաստանը կարող է կորոնավիրուսի պատվաստանյութ ստանալ այս տարվա վերջին կամ հաջորդ տարվա սկզբին։

Գիտնականները պարզել են, թե ինչ հոգեբանական խանգարումներ է առաջացնում կորոնավիրուսը

«Ենթադրվում է, որ COVID-19-ի ապաակտիվ պատվաստանյութը շուկայում կլինի տարեվերջին կամ 2021թ–ի սկզբին»,-նշված է Weibo սոցիալական ցանցի SASAC-ի պաշտոնական էջում։

Ինչպես երջանիկ զգալ համավարակի պայմաններում. գիտնականները ստացել են բանաձևը

Չինացի համաճարակաբան Չժուն Նանշան էլ Չինաստանի Կենտրոնական հեռուստաընկերությանը տված հարցազրույցում հայտնել է, որ ներկա պահին հինգ տարբեր պատվաստանյութ է գտնվում կլինիկական փորձարկումների երկրորդ փուլում։ Նրա խոսքով՝ ամենաարդյունավետ պատվաստանյութը պետք է ընտրվի համեմատական անալիզի եղանակով, ինչը երկար ժամանակ է պահանջում։

Ռուս գիտնականները կորոնավիրուսի դեմ պատվաստանյութը փորձարկել են իրենց վրա

44
թեգերը:
պատվաստանյութ, կորոնավիրուս, գիտնական, Չինաստան
թեմա:
Կորոնավիրուսը Չինաստանում և աշխարհում
Ըստ թեմայի
COVID-19–ը կարող է կանանց անպտղության պատճառ դառնալ. չինացի գիտնականների նոր հիպոթեզը
Գիտնականները պարզ ձև են գտել ծեր տարիքում խելքն ու մտքի սրությունը պահպանելու  համար
Ո՛չ ջերմություն, ո՛չ հազ. գիտնականները պարզել են կորոնավիրուսի ամենատարածված ախտանիշը
Արսեն Թորոսյան

Կորոնավիրուսի բուժման մեթոդները պետք է նույնականացնել. Արսեն Թորոսյան

0
(Թարմացված է 22:51 30.05.2020)
Հանդիպման ընթացքում ընդգծվել է, որ անեսթեզիոլոգ-ռեանիմատոլոգները հիմա առավել քան պահանջված են, լրացուցիչ մասնագետների ներգրավման անհրաժեշտություն կա։

ԵՐԵՎԱՆ, 30 մայիսի – Sputnik. ՀՀ առողջապահության նախարար Արսեն Թորոսյանը հանդիպել է հանրապետության մի շարք բժշկական կազմակերպությունների վերակենդանացման բաժանմունքների ղեկավարների հետ։ Տեղեկությունը հայտնում է նախարարության մամուլի ծառայությունը։

Նախարարը հանդիպման սկզբում ասել է, որ կորոնավիրուսային հիվանդության բուժման մեթոդները պետք է նույնականացնել և կիրառել միանման մոտեցումներ` իհարկե հաշվի առնելով հիվանդի բժշկական պատմությունը։

«Ուզում եմ նաև լսել, թե ինչ պետք է անել այլ կերպ, քան հիմա արվում է»,- նշել է Արսեն Թորոսյանը։

Ներկաները քննարկել են կիրառվող գործելակարգերը, ընդհանուր մոտեցումները և ներկայացրել են իրենց դիտարկումները պացիենտների վարման վերաբերյալ։

Հանդիպման ընթացքում ընդգծվել է, որ անեսթեզիոլոգ-ռեանիմատոլոգներն այսօր առավել քան պահանջված են, և լրացուցիչ մասնագետների ներգրավման անհրաժեշտություն կա։

Ոլորտի պատասխանատուներն առաջարկել են ստեղծել ներհիվանդանոցային բազա և ըստ անհրաժեշտության ու պացիենտների կուտակումների՝ անեսթեզիոլոգ-ռեանիմատոլոգներին գործուղել կորոնավիրուսային հիվանդության բուժմամբ զբաղվող բժշկական հաստատություններ։

Ծառայության պատասխանատուներն առաջարկել են ստեղծել նաև մշտադիտարկում իրականացնող մասնագիտական խումբ, որը բժշկական կազմակերպություններում կուսումնասիրի բուժական գործընթացը, կիրառվող մեթոդները և այլն։

Քննարկվել է նաև հանրապետության առաջատար մասնագետների ներգրավմամբ կազմակերպել տեսակապով քննարկումներ, այդ թվում մասնագիտական խորհրդատվություններ և առանձին դեպքերով կոնսիլիումներ։

Նախարարը հավանության է արժանացրել առաջարկը և հանձնարարել է ձեռնարկել միջոցառումներ առաջիկայում իրագործելու համար։

Ամփոփելով հանդիպումը` որոշվել է ևս մեկ անգամ քննարկել արդեն իսկ հաստատված բուժման սկզբունքները, համապատասխանեցնել նոր մոտեցումներին՝ դիտարկելով բոլոր կողմերի մասնագիտական կարծիքները։

Թորոսյանը, կարևորելով մասնագետների հետ քննարկումը, հույս է հայտնել, որ այս ձևաչափով հանդիպումները շարունակական են լինելու։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 251-ով և հասել 8927–ի։ Այսօր գրանցվել է մահվան 7 դեպք։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով լինեն։ Դիմակների առկայությունը պարտադիր է նաև բոլոր փակ տարածություններում։

Հիշեցնենք նաև, որ օրեր առաջ ԵՊԲՀ ռեկտոր, առողջապահության նախկին նախարար Արմեն Մուրադյանը Facebook-ում դիմել էր անեսթեզիոլոգիա և ռեանիմատոլոգիա մասնագիտությունն ընտրած կլինիկական օրդինատորներին։ Նրա խնդրանքն ու հորդորն էր միանալ այն բուժաշխատողներին, որոնք օր ու գիշեր պայքարում են նաև մեր երկրին պատուհասած կորոնավիրուսի համավարակի դեմ։

0
թեգերը:
կորոնավիրուս, Արսեն Թորոսյան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Աշխարհում կորոնավիրուսով վարակվածների թիվը հատել է 6 միլիոնի սահմանագիծը
Կորոնավիրուսից մահացել է ԱԺ պատգամավորի հայրը
Չինաստանում ասել են` երբ պատրաստ կլինի կորոնավիրուսի դեմ պատվաստանյութը