Բրիտնի Սփիրս

«Դա սարսափելի էր». Բրիթնի Սփիրսի մորը մեղադրել են երեխայի մահվան մեջ

123
(Թարմացված է 15:43 08.11.2019)
Աշխարհահռչակ երգչուհի Բրիթնի Սփիրսի մայրը հայտնվել է սկանդալի կենտրոնում, բայց մտադիր չէ մեկնաբանություն տալ։

ԵՐԵՎԱՆ, 8 նոյեմբերի — Sputnik. Հայտնի երգչուհի Բրիթնի Սփիրսի մայրը` Լին Սփիրսը, մեղադրվում է 1975թ–ին տեղի ունեցած ավտովթարի հետևանքով երեխայի մահվան համար։ Ինչպես գրում է Radar Online–ը, նա վրաերթ է կատարել 12–ամյա Էնթոնի Ուինթերսին։

Նշվում է, որ տղան հեծանիվ է քշել Քենթվուդում (Լուիզիանա նահանգ), երբ ենթարկվել է վթարի։ Լին Սփիրսին, որն այդ ժամանակ 20 տարեկան է եղել, մեղադրանքներ չեն առաջադրել։ Կինը հրաժարվում է մեկնաբանություն և հարցազրույց տալ այդ թեմայով։

«Դա սարսափելի էր», – ասել է նա` պատմելով միջադեպի մասին։

Միաժամանակ մահացած երեխայի մայրը` 78-ամյա Իվոն Ուինթերսը, ԶԼՄ–ներին պատմել է, որ 40 տարիների ընթացքում Լին Սփիրսը ոչ մի անգամ չի փորձել կապ հաստատել նրա հետ։ Նա խոստովանել է, որ դա դժբախտ դեպք է եղել։

123
թեգերը:
Բրիթնի Սփիրս, երգչուհի, ԱՄՆ, երեխա, Մահ, ավտովթար
Ըստ թեմայի
Քիմ և Քորթնի Քարդաշյանները գովազդում են ռուս գործարարի ստարտափը
Բրիթնի Սփիրսն ամենահաջողակ պարֆյումերն է
Բրիթնի Սփիրսին հոգեբուժարան են տեղափոխել
Ֆրասնիայի Սենատ

Ֆրանսիայի Սենատը կարող է ճանաչել Արցախի անկախությունը. նախագծի հեղինակ

88
(Թարմացված է 16:24 25.11.2020)
Բանաձևի նախագծում Ֆրանսիայի կառավարությանը կոչ է արվում ճանաչել Լեռնային Ղարաբաղի Հանրապետությունը և այդ ճանաչումը բանակցությունների գործիք դարձնել կայուն խաղաղության հաստատման համար:

ԵՐԵՎԱՆ, 25 նոյեմբերի - Sputnik. Ֆրանսիայի Սենատն ամենայն հավանականությամբ կընդունի Լեռնային Ղարաբաղի ճանաչման մասին բանաձևը։ ՌԻԱ Նովոստիին է ասել բանաձևի հեղինակներից մեկը՝ «Կենտրոնամետների միություն» խմբի ղեկավար Էրվե Մարսեյը։

Ֆրանսիայի Սենատը Արցախի անկախության ճանաչման մասին բանաձևի նախագիծը կքննարկի այսօր` նոյեմբերի 25-ին։

Բանաձևի նախագիծը, որում Ֆրանսիայի կառավարությանը կոչ է արվում ճանաչել Լեռնային Ղարաբաղի Հանրապետությունը և այդ ճանաչումը բանակցությունների գործիք դարձնել կայուն խաղաղության հաստատման համար, Սենատի քննարկմանն է ներկայացվել նոյեմբերի 18-ին:

Բանաձևի նախագծում սենատորները նաև խնդրում են Ֆրանսիայի կառավարությանը զանգվածային մարդասիրական օգնություն ցուցաբերել Ղարաբաղի բնակչությանը, պահանջում են հումանիտար միջանցքների բացել և Ղարաբաղում կատարված ռազմական հանցագործությունների միջազգային հետաքննություն սկսել:

Պատասխանելով հարցին, թե ինչ շանսեր կան, որ բանաձևը հավանության կարժանանա, Մարսեյն ասել է. «Դա ավելի քան հնարավոր է: Եթե դիտարկենք բանաձևի հեղինակներին, ապա կարելի է ասել, որ Սենատի անդամների 70-75 տոկոսը այն ստորագրել է։

Նրա խոսքով` Սենատի գրեթե բոլոր քաղաքական ուժերը պաշտպանում են բանաձևի նախագիծը։

Մեկնաբանելով նոյեմբերի 10-ին Ղարաբաղում ռազմական գործողությունների դադարեցման մասին համաձայնագիրը` սենատորը դրական է գնահատել պայմանավորվածությունները և կարևորել Ռուսաստանի դերը։

«Այդ համաձայնագիրն անմիջապես վերջ դրեց հակամարտությանը։ Ռուսաստանը, իհարկե, կարևոր, եթե չասենք հիմնարար դեր է խաղում այս տարածաշրջանում», - ընդգծել Է Մարսեյը՝ հավելելով, որ համաձայնագիրը լուծման սկիզբն է, այնուհետև պետք է ընթանալ բանակցությունների ճանապարհով։

​Նախագիծը ներկայացրել են տարբեր խմբակցությունների անդամ հինգ սենատորներ՝ Բրունո Ռեթայլոն (հանրապետականների ղեկավար), Պատրիկ Կանները, Էրվե Մարսելը («Ցենտրիստների միություն» խմբի ղեկավար), ինչպես նաև Էլիան Ասասին և Գիոմ Գոթարը:

Հիշեցնենք՝ հոկտեմբերի կեսին Լեռնային Ղարաբաղը ճանաչելու մասին նախագիծ էր ներկայացվել նաև խորհրդարան, այսինքն՝ Ֆրանսիայի խորհրդարանի ստորին պալատ:

Երկու օրինագծերն էլ առաջարկում են ճանաչել Լեռնային Ղարաբաղի անկախությունը՝ սեպտեմբերի 27-ին ռազմական ագրեսիա սկսած Ադրբեջանի կողմից պատերազմի սպառնալիքից ԼՂ բնակչությանը պաշտպանելու համար:

Հայաստանին մարդասիրական օգնություն ցուցաբերելու համար Ֆրանսիայում հանձնախումբ կստեղծվի

88
թեգերը:
Արցախ, Սենատ, Ֆրանսիա
Ըստ թեմայի
Արցախի ճանաչման հարցն առաջիկայում կարող է բերվել ԱԺ. Հայաստանը փաստացի ճանաչել է Արցախը
Արցախի ճանաչումը պետք է վաղուց արվեր, բայց հիմա էլ պետք չէ շտապել
Ադրբեջանի պահվածքը վերահաստատում է Արցախի անկախության ճանաչման անհրաժեշտությունը. Մայիլյան
Դմիտրի Պեսկով

Լեռնային Ղարաբաղի հակամարտությունը հիմքեր չի տալիս Դոնբասում իրավիճակի սրման համար. Պեսկով

61
(Թարմացված է 15:43 25.11.2020)
Սեմյոն Պեգովն ասել էր, որ Ուկրաինայի ռազմաքաղաքական վերնախավը նույն սցենարով գործողություններ է նախապատրաստում դոնբասյան հանրապետությունների դեմ։

ԵՐԵՎԱՆ, 25 նոյեմբերի - Sputnik. Լեռնային Ղարաբաղում հակամարտությունը հիմքեր չի տալիս մտածել, որ իրավիճակը Դոնբասում կսրվի՝ «Կիևի ռևանշիստական տրամադրությունների հետևանքով»։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը:

Ավելի վաղ ռազմական թղթակից Սեմյոն Պեգովը, հղում անելով իր աղբյուրներին, ասել էր, որ Ուկրաինայի ռազմաքաղաքական վերնախավը, ոգեշնչված Բաքվի օրինակով, նույն սցենարով գործողություններ է նախապատրաստում դոնբասյան հանրապետությունների դեմ։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ղարաբաղյան հակամարտության գոտում ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

 

61
թեգերը:
Ուկրաինա, Դմիտրի Պեսկով, Արցախյան պատերազմ
Ըստ թեմայի
«Դա Թուրքիայի ներքին գործն է»․ Պեսկովը՝ թուրք զինվորականներին Ադրբեջան ուղարկելու մասին
Խորամանկությամբ անտեսելով ԼՂ–ի վերաբերյալ հրահանգը. ինչու է Թուրքիան զորք մտցնում Ադրբեջան
Նրանք պարզաբանումներ կստանան ղարաբաղյան համաձայնագրի և Թուրքիայի դերի վերաբերյալ. Պեսկով
Հայկական ԱԷԿ

Հայկական ԱԷԿ-ում սկսվել են ռեակտորի վերականգնողական նախապատրաստական աշխատանքները

0
Ռեակտորի թրծաթողումը համարվում է մետաղի վերականգնման ամենաարդյունավետ միջոց։ Այս գործողությունը թույլ է տալիս ռեակտորի մետաղի շահագործման բնութագրերը 80-ից 85 տոկոսով վերադարձնել ելակետային վիճակին՝ երկարաձգելով դրա շահագործմամ ժամկետը։

ԵՐԵՎԱՆ, 25 նոյեմբերի - Sputnik. Հայկական ԱԷԿ-ում մեկնարկել են ռեակտորի իրանի վերականգնողական թրծաթողման նախապատրաստական աշխատանքները:

Հայկական ԱԷԿ-ի աշխատակիցները ռուսաստանյան  մասնագետների հետ միասին կհավաքեն ռեակտորի թրծաթողման կայանքը, կկատարեն դրա համապարփակ ստուգումը, ինչպես նաև ռեակտորի կորպուսի  անհրաժեշտ հաշվարկները և նյութագիտական ուսումնասիրությունները:

Թրծաթողման աշխատանքներն իրականացվում են «Ռուսատոմ Սերվիս» ԲԸ հետ կնքված՝ Հայկական ԱԷԿ-ի  արդիականացման և անվտանգության մակարդակի բարձրացմանն ուղղված պայմանագրի շրջանակներում: Ռեակտորի թրծաթողումը կմեկնարկի 2021 թվականին կայանում պլանային նախազգուշական վերանորոգման աշխատանքների ընթացքում։ Այդ աշխատանքները նախատեսված է իրականացնել մայիս-հոկտեմբեր ամիսներին։ Ռեակտորի թրծման աշխատանքների կապակցությամբ ՊՆՎ-2021 կտևի սովորականից ավելի երկար՝ շուրջ 140 օր։

Ռեակտորի թրծաթողումը համարվում է մետաղի վերականգնման ամենաարդյունավետ միջոց․ ռեակտորի իրանը թրծաթողման կայանքի օգնությամբ տաքացվում է մինչև 475 աստիճան, պահվում այդ ջերմաստիճանում 150 ժամ, որից հետո տեղի է ունենում դանդաղ սառեցումը։ Այս գործողությունը թույլ կտա ռեակտորի մետաղի շահագործման բնութագրերը 80-ից 85 տոկոսով վերադարձնել ելակետային վիճակին, այսպիսով երկարացնել դրա շահագործմամ ժամկետը։

Թրծաթողման աշխատանքները կանցկացվեն «Ատոմէներգորեմոնտ» ԲԸ մասնագետների մասնակցությամբ։

Նշենք, որ  «Ատոմէներգորեմոնտ»-ը Ռուսաստանի ամենամեծ ընկերությունն է ատոմակայանների տեխնիկական սպասարկման, սարքավորումների վերանորոգման և արդիականացման ոլորտում։

Հայկական ԱԷԿ-ը Հարավային Կովկասի միակ ատոմային կայանն է, այն արտադրում է Հայաստանի էլեկտրաէներգիայի ավելի քան 30 տոկոսը։ Ատոմային էներգետիկայի բնագավառում Հայաստանի և Ռուսաստանի առանցքային նախագիծն է Հայկական ԱԷԿ-ի երկրորդ էներգաբլոկի արդիականացումն ու շահագործան ժամկետի երկարաձգումը։ Երկրորդ էներգաբլոկը վերագործարկվել է շուրջ 6.5 տարվա դադարից հետո։ Կայանը կարևորագույն դեր է խաղում Հայաստանի էներգահամակարգի զարգացման և երկրի սոցիալ-տնտեսական կյանքի համար։

Հայկական ԱԷԿ-ի շահագործման ժամկետի երկարաձգման նախագծի գլխավոր կապալառուն է «Ռուսատոմ Սերվիս» ընկերությունը։

Այսօր «Ռոսատոմը» միավորում է ավելի քան 300 ձեռնարկություն և կազմակերպություն, ընդհանուր առմամբ դրանցում աշխատում է շուրջ 250 հազար մարդ:

0