Պյոտր Պորոշենկոյի և Վլադիմիր Զելենսկու զրույցը. արխիվային լուսանկար

«Զելենսկին կրկնում է Պորոշենկոյին նրա ամենավատ դրսևորումներում». Պուշիլին

29
(Թարմացված է 14:07 25.10.2019)
Դոնեցկի ինքնահռչակ ժողովրդական հանրապետության ղեկավար Դենիս Պուշիլինը չի թաքցնում իր անվստահությունը Ուկրաինայի իշխանությունների նկատմամբ` չնայած Մինսկում ստորագրված «Շտայնմայերի բանաձևին»։

ԵՐԵՎԱՆ, 25 հոկտեմբերի - Sputnik. Դոնեցկի ինքնահռչակ ժողովրդական հանրապետության ղեկավար Դենիս Պուշիլինը հոռետեսորեն է վերաբերվում Կիևի ստանձնած պարտավորությունների լիակատար իրագործման հեռանկարին և Ուկրաինան անվանում ոչ հուսալի բանակցող։

Զելենսկու ավտոշարասյան միկրոավտոբուսը հարվածել է երեխաներ տեղափոխող ավտոբուսի

Պուշիլինը ՌԻԱ Նովոստիի թղթակից Յուրի Վոյտկևիչին տված հարցազրույցում պատմել է Դոնեցկի Ժողովրդական Հանրապետությունը և Լուգանսկի Ժողովրդական Հանրապետությունը կազմացրելու վերաբերյալ Ուկրաինայի պահանջի, ինչպես նաև այն մասին, թե ինչու ուկրաինական իշխանությունները չեն ուզում Դոնբասում հետևել հրադադարին։

– Ինչպե՞ս է հաջողվել ազդել Կիևի վրա «Շտայնմայերի բանաձևը» ստորագրելու հարցում։

– Ոչ թե Կիևին է հաջողվել ստորագրել, այլ դա հաջողվել է հանրապետություններին։ Ինչպես նաև երաշխավոր երկրների` Ռուսաստանի, Ֆրանսիայի, Գերմանիայի աջակցությամբ հաջողվել է ճնշում գործադրել Ուկրաինայի վրա և հասնել նրան, որ բանաձևը ստորագրվի։ Ինչո՞ւ էր պետք ստորագրել բանաձևը, դիմել նման մեխանիզմների։ Այն համաձայնեցվել է «նորմանդական ձևաչափով» դեռ 2015-2016թթ–ին։ Ուկրաինայի ներկայացուցիչները Մինսկում ասել են` մենք ոչինչ չգիտենք այդ բանաձևի մասին, մենք այդ առումով ոչինչ չենք անի։ Բնականաբար, ամեն ինչ կանգ է առել։

Մի քանի տարի շարունակ քննարկումներ են ընթացել այդ բանաձևի շուրջ։ Ուստի, հաշվի առնելով, որ Ուկրաինայում իշխանությունը փոխվել է, որոշակի հույս է ծագել, որ Կիևը կփոխի վերաբերմունքը Մինսկի համաձայնագրերի շրջանակում իր ստանձնած պարտավորությունների կատարման հարցում։ Ուստի, վերցրել են նախորդ համաձայնագրերից ամենահասարակը` «Շտայնմայերի բանաձևը»։

Հաջորդ պայմանը դարձել է Պետրովսկ և Զոլոտոյ շրջաններում ուժերն ու միջոցները բաժանելը։ Դա նոր բաժանում չէ, այլ ընդամենը խախտումների վերացում, որոնք թույլ են տրվել 2016թ–ի հոկտեմբերին։

Պորոշենկոյին մեղադրում են դավաճանության մեջ. Ուկրաինայում գործ է հարուցվել նրա դեմ

Բանաձևի հարցում Ուկրաինան ենթարկվել է հանրապետությունների ճնշմանը, բայց, ցավոք, Պետրովսկի և Զոլոտոյի հարցում տարածվում են զրպարտություններ, որոնք բոլորովին նոր չեն, դրանք Պորոշենկոն երկար ժամանակ  օգտագործել է Լուգանսկում։

Մենք, իհարկե, կարող ենք ըմբռնումով մոտենալ ուկրաինական իշխանություններին, նրան, որ այնտեղ կան ինչ–որ անկառավարելի արմատականներ, ինչ–որ հանրահավաքներ են կազմակերպվում։ Այդ ամենը կարելի էր հասկանալ, եթե այդ ամբողջ ընթացքում մեր տարածքի վրա չընկնեին արկեր, եթե այդ պայմանավորվածությունները չարձանագրվեն բոլոր հնարավոր ձևաչափերում` Մինսկում «նորմանդական ձևաչափում», նախնական բնույթի հանդիպումներում։ Բայց, ափսոս, Ուկրաինան այդ առումով առաջ չի շարժվում։

«Դուրս կգաս, կասեմ». Պորոշենկոն կոպիտ պատասխան է տվել լրագրողին. տեսանյութ

Արմատականների խնդիրը Ուկրաինայի ներկա իշխանությունների խնդիրն է։ Նրանք մեծամասնություն են կազմում Գերագույն ռադայում, նրանք բոլոր հնարավորություններն ունեն օրենսդրորեն իրագործելու «Շտայնմայերի բանաձևը», իսկ դա այդ բանաձևի հետ կապված պայմանի շարունակությունն է, որպեսզի նորմանդական հանդիպումը կայանա։

Նրանք բոլոր հնարավորություններն ունեն կառավարել ուժայիններին, որպեսզի կառավարությունը ձևավորի անմիջականորեն նոր, ներկա իշխանությունը։ Ուստի նրանք կարող են լուծել թե՛ արմատականների, թե՛ այլ նեոնացիստների հարցերը, որոնց թիվն այս տարիներին Ուկրաինայում մեծացել է։ Դա Ուկրաինայի խնդիրն է։

Մենք մեր պարտավորություններն ամբողջությամբ կատարում ենք և պատրաստ ենք իրագործել Մինսկի համաձայնագրերը։ Բայց դա անհնար է անել միակողմանի։ Մենք, իհարկե, կուզեինք, բայց հնարավորություն չունենք փոխել Ուկրաինայի օրենսդրությունը, չենք կարող փոխել Ուկրաինայի սահմանադրությունը։ Դա պետք է անի Ուկրաինան։ Ո՛չ մենք, և ո՛չ էլ, առավել ևս, Ռուսաստանը, որին Ուկրաինան ամեն կերպ փորձում է ներկայացնել որպես հակամարտության կողմ, ինչն անհեթեթություն է։ Դա բոլորն են հասկանում։ Ինչ վերաբերում է «Շտայնմայերի բանաձևին» և ուժերն ու միջոցները բաժանելուն, ապա գնդակն Ուկրաինայի դաշտում է։

– Ինչպե՞ս կարելի է բացատրել այն, որ Կիևը համաձայնել է ուժերի և միջոցների բաժանմանը ու ստորագրել «Շտայնմայերի բանաձևը», բայց այդ հարցում առաջխաղացում չկա։

– Զելենսկին հիմա կրկնում է Պորոշենկոյին նրա ամենավատ դրսևորումներում։ Զելենսկին խաղաղության կարգախոսով է եկել իշխանության, հայտարարել, որ նա խաղաղության նախագահ է և առաջին բանը, որ կանի, խաղաղություն հաստատելն է։ Արդեն ավելի քան կես տարի է անցել, բայց հրադադարի մասին հրաման չկա։ Ուկրաինան հրադադարի հետ կապված ոչ մի կետ չի իրագործել։ Ուստի, մենք հիմա տեսնում ենք Պորոշենկոյին` իր վատագույն դրսևորումներով։

Զելենսկին ցրել է Գերագույն ռադան. նա խնդրում է չեղարկել պատգամավորների անձեռնմխելիությունը

– Հավանականություն կա՞, որ Կիևը կկատարի «Շտայնմայերի բանաձևի» պահանջները։

– Այդ առումով ես կարող եմ խոսել հոռետեսական տրամադրությունների մասին. Ուկրաինայի նոր ղեկավարության խոսքերը նախկինի նման չեն համապատասխանում գործերին։

– Ինչպե՞ս կարող է փոխել Դոնբասում տիրող իրավիճակը «Շտայնմայերի բանաձևի» իրագործումը։

– Կուզեի նշել, որ «Շտայնմայերի բանաձևը» միջոցների համալիրի քաղաքական կետերի իրագործման բաղադրիչներից է։ «Շտայնմայերի բանաձևը» ընդամենը հնարավորություն է տալիս, նույնիսկ դրա իրագործումը հնարավորություն է բացում քննարկելու մնացած պահերը, որոնք կապված են Դոնբասի տարածքում ընտրություններ անցկացնելու հետ, ինչպես դա նախատեսված է միջոցների համալիրով։

– Ի՞նչ օգուտ ունի Կիևն այս դեպքում։

– Ուղղակի ժամանակ են ձգում, փորձում «սեթևեթել» արմատական տրամադրված տարրերի հետ և մոռանում են, որ դա նրանց ընտրազանգվածը չէ։ Նրանք երբեք դուր չեն գա արմատականներին։ Դա նրանց ամենամեծ մոլորությունն է։ Զելենսկուն իշխանության են բերել ոչ թե արմատականները, այլ հենց այն մարդիկ, որոնք խաղաղության կողմնակից են։ Ինչպես ցույց են տվել քվեարկության արդյունքները, նրանք ավելի քան 70 տոկոս են։ Բայց Զելենսկին, չգիտես ինչու, չի լսում այդ 70 տոկոսին, այլ լսում է նեոնացիստական կազմավորումներին, որոնք թելադրում են նրան իրենց սեփական ռազմատենչ նպատակները և խնդիրները։

Ի՞նչ չգիտենք նրա մասին. Վլադիմիր Զելենսկու կյանքի ոչ հայտնի դրվագները

– Ի՞նչը կարող է ազդել նրա վրա, որպեսզի Կիևն ընդունի «Շտայնմայերի բանաձևի» պայմանները և որքա՞ն ժամանակ կպահանջվի դրա համար։

– Մենք բազմիցս կոչ ենք արել համաշխարհային հանրությանը, երաշխավոր երկրներին։ Եվ միայն Ռուսաստանն է կատարել և կատարում որոշակի քայլեր, որոնք ամեն կերպ պետք է դրդեն Ուկրաինային կատարել իր վրա դրված պարտականությունները։ Բայց Ուկրաինան վեց տարի շարունակ չի շարժվել տեղից, ուստի հիմա անհնար է նշել ժամկետներ, թե Ուկրաինան երբ կիրագործի Մինսկի համաձայնագրերը։

Պատրա՞ստ է արդյոք ԴԺՀ–ն կատարել փաստաթղթում առկա պահանջներն և հետևել Մինսկի համաձայնագրերին։

– Մենք ոչ միայն պատրաստ ենք, այլ նաև մշտապես հայտարարում ենք այդ մասին։ Մեր ներկայացուցիչներն այդ մասին խոսում են Մինսկի բանակցություններում։ Ավելին, մենք բոլոր անհրաժեշտ քայլերն անում ենք։ Այսինքն` ելնում ենք ն րանից, որ Մինսկի հարթակը պետք է նպաստի հակամարտության կարգավորմանը։ Մենք առայժմ այլընտրանք չենք տեսնում, բայց Ուկրաինան, այնուամենայնիվ, այլ կերպ է մտածում։

– «Շտայնմայերի բանաձևի» կատարումը կարո՞ղ է հանգեցնել Դոնբասում մարտական գործողությունների դադարեցմանը։

– Միջոցների համալիրը կազմվել է շատ խրթին պայմաններում։ Եվ այնտեղ շատ են փոխզիջումային կետերը։ Այնուամենայնիվ, դա որոշակի «ճանապարհային քարտեզ» է, որը պետք է հանգեցներ մարտական գործողությունների դադարեցման և հակամարտության լիարժեք քաղաքական կարգավորման։ Ցավոք, միայն համապարփակ իրագործումը, ինչպես նշված է կետերում, կարող է հանգեցնել դրական դինամիկայի և խաղաղության։ Բայց Ուկրաինան անգամ նվազագույն ակնարկ չի անում, որ պատրաստ է կատարել Մինսկի համաձայնագրերը։

Տիգրան Ավինյանը հանդիպում է ունեցել Ուկրաինայի նորընտիր նախագահի հետ

Ինչպե՞ս կարելի է բացատրել Կիևի հայտարարությունը Մինսկի համաձայնագրերը ԴԺՀ–ի և ԼԺՀ–ի կազմացրումից հետո իրագործելու հնարավորության մասին։

– Դժվար է բանականության հատիկ գտնել այդ հայտարարության ձևակերպումներում։ Նրանք ո՞ւմ հետ են խոսելու, ինչպե՞ս են կարգավորելու հակամարտությունը, եթե ԴԺՀ–ն և ԼԺՀ–ն չլինեն։ Անհեթեություն է, իհարկե, Ուկրաինան չպետք է որոշում կայացնի ԴԺՀ–ի և ԼԺՀ–ի վերաբերյալ։ Դա Դոնբասի բնակիչների  կամարտահայտումն է։ Նրանք իրենց տանն են և իրենք են որոշում իրենց ճակատագիրը։

– Ինչպե՞ս կարելի է բացատրել Մինսկի բանակցություններում առաջխաղացումը և ԴԺՀ և ԼԺՀ կազմացրելու մասին հայտարարությունները։

– Ուկրաինան այդպիսին է` ոչ միանշանակ և անհեռանկար։ Այն շատ անհուսալի գործընկեր է։ Որքանով ինձ հայտնի է` Ուկրաինայի ներկայացուցիչները Մինսկում ոչ մի հայտարարություն չեն արել ԴԺՀ և ԼԺՀ կազմացրելու մասին։

– Որքա՞ն պետք է սպասեք։

– Ժամանակը ցույց կտա։ Դատելով այն միտումից, որին մենք հիմա ականատես ենք լինում, Ուկրաինայի մոտ ամեն ինչ վատ է։

29
թեգերը:
Ուկրաինա, «Շտայնմայերի բանաձև», հարցազրույց, Վլադիմիր Զելենսկի, Դոնեցկ, Պյոտր Պորոշենկո, Ռուսաստան
Ըստ թեմայի
Հայ–ուկրաինական հարաբերություններում զգալի ներուժ կա. Փաշինյանը շնորհավորել է Զելենսկուն
Երբ տղաները գալիս են հասարակաց տուն, տղամարդիկ հեռանում են. Զելենսկին պատասխանել է կատակին
Զելենսկին Արևմուտքին կոչ է արել չհանել Ռուսաստանի դեմ պատժամիջոցները
Զելենսկու կինը ֆուրոր է առաջացրել իր ուլտրանորաձև հագուստով. լուսանկար

Հիասքանչ ու կատարյալ․ ոսկե հատմանը  համապատասխանող դեմք ունեցող աստղերի լուսանկարները

17
(Թարմացված է 18:16 23.01.2021)
  • Դերասանուհի Քիմ Քարդաշյան
  • Դերասանուհի Միշել Կիգան
  • Սասեքսի դքսուհի Մեգան Մարքլ
  • Դերասանուհի Ամանդա Հոլդեն
  • Երգչուհի Ռիտա Օրա
  • Քեմբրիջի դքսուհի Կեյթ Միդլթոն
  • Անգլիացի հաղորդավարուհի Սյուզանա Ռայդ
  • Բրիտանացի հեռուստաաստղ Բիլի Ֆայերս
  • Բրիտանացի դերասանուհի Հոլի Ուիլոբի
Ամերիկյան հեռուստաաստղ Քիմ Քարդաշյանը առաջատար է բժիշկ Ռիկարդո Ֆրատիի կազմած կատարյալ դեմք ունեցող աստղերի շարքում։ Բժիշկ Ֆրատին Լոնդոնում կոսմետիկ ու պլաստիկ վիրաբուժության կլինիկայի ղեկավար է։ Sputnik –ի ֆոտոշարքում դիտեք՝ ովքեր ունեն ցանկալի դիմագծեր։

Պլաստիկ վիրաբույժ Ռիկարդո Ֆրատին համեմատել է հայտնի կանանց դեմքերի համաչափությունը ոսկե հատման կանոնի հետ։

Մաթեմատիկական հավասարությունը մշակվել է հին հույների կողմից. այն դիտարկում է դեմքի կատարյալ համաչափությունը որպես 3:2:3։ Դեմքի հարաբերակցությունը որոշվում է քթի հանդեպ ճակատի, ծնոտի հանդեպ՝ քթի վերլուծության ճանապարհով։

Հենց այդ հաշվարկների շնորհիվ է ցանկում հայտնվել Քիմ Քարդաշյանը․ «Նրա դեպքի կառուցվածքը շուռ տված եռանկյունի է հիշեցնում։ Դա հաճախ որպես ամենացանկալի դեմքի ձևի օրինակ են բերում», - ասել է բժիշկ Ֆրատին, չբացառելով, որ աստղը պլաստիկ վիրաբույժների օգնության է դիմել։

Ձնածածկ Ֆրանսիան․ գեղեցիկ լուսանկարներ հեքիաթային երկրից

Ամենայն հավանականությամբ` քթի ծայրի ռինոպլաստիկայի օգնությանն է դիմել նաև արքայազն Հարրիի կինը՝ Մեգան Մարքլը, որը նույնպես հայտնվել է Ֆրատիի ցանկում։ Նրա կարծիքով՝ Սասեքսի դքսուհին Դիսնեյի արքայադստեր դեմք ունի։

«Կատարյալների» ցանկում են հայտնվել նաև հեռուստաաստղեր Հոլի Ուիլոուբին ու Սյուզաննա Ռիդը, նաև դերասանուհի Միշել Կիգանը։

Ռեյգանից մինչև Թրամփ. ԱՄՆ նախագահների երդմնակալությունը` լուսանկարներով

17
  • Դերասանուհի Քիմ Քարդաշյան
    © AFP 2020 / Jean-Baptiste Lacroix

    Դերասանուհի Քիմ Քարդաշյան

  • Դերասանուհի Միշել Կիգան
    © AP Photo / Joel C Ryan / Invision

    Դերասանուհի Միշել Կիգան

  • Սասեքսի դքսուհի Մեգան Մարքլ
    © AFP 2020 / Paul Edwards / Pool

    Սասեքսի դքսուհի Մեգան Մարքլ

  • Դերասանուհի Ամանդա Հոլդեն
    © AFP 2020 / Warren Allott

    Դերասանուհի Ամանդա Հոլդեն

  • Երգչուհի Ռիտա Օրա
    © AFP 2020 / Getty Images / Getty Images for SHEIN

    Երգչուհի Ռիտա Օրա

  • Քեմբրիջի դքսուհի Կեյթ Միդլթոն
    © AP Photo / Eddie Mulholland

    Քեմբրիջի դքսուհի Կեյթ Միդլթոն

  • Անգլիացի հաղորդավարուհի Սյուզանա Ռայդ
    © AP Photo / Jonathan Short / Invision

    Անգլիացի հաղորդավարուհի Սյուզանա Ռայդ

  • Բրիտանացի հեռուստաաստղ Բիլի Ֆայերս
    © AP Photo / Joel Ryan / Invision

    Բրիտանացի հեռուստաաստղ Բիլի Ֆայերս

  • Բրիտանացի դերասանուհի Հոլի Ուիլոբի
    © AP Photo / Joel Ryan / Invision

    Բրիտանացի դերասանուհի Հոլի Ուիլոբի

թեգերը:
Լուսանկար, դերասանուհի, Քիմ Քարդաշյան
Ըստ թեմայի
Հայաստանի հարավային դարպասները ցնցվում են, լեռները` ոչ. Սյունիքի ձմեռային գեղեցկությունը
NASA-ն չհրապարակված լուսանկարներ է ներկայացրել՝ նվիրված Hubble աստղադիտակի 30-ամյակին
Պուտինը, Փաշինյանն ու մյուսները. ինչպես են քաղաքական գործիչները պաշտպանվում կորոնավիրուսից
Լարի Քինգ

Մահացել է աշխարհահռչակ հեռուստահաղորդավար Լարի Քինգը

13
(Թարմացված է 17:41 23.01.2021)
87–ամյա հեռուստահաղորդավար Լարի Քինգն ավելի քան 50 000 հարցազրույց է անցկացրել։

ԵՐԵՎԱՆ, 23 հունվարի – Sputnik. Աշխարհահռչակ ամերիկացի հեռուստահաղորդավար Լարի Քինգը մահացել է։ Այս մասին տեղեկանում են Twitter-ում լրագրողի պաշտոնական էջից։ 

Լարի Քինգը 87 տարեկան էր։ Նա մահացել է Լոս–Անջելեսի հիվանդանոցներից մեկում։

2012 թվականի հուլիսից նա վարում է Larry King Now ծրագիրը Hulu կայքում և RT America հեռուստաալիքով։

Լարի Քինգը հայտնի է CNN-ում 1985-2010թթ. իր աշխատանքով։ Նա հարցազրույցներ է անցկացրել հայտնի քաղաքական գործիչների, գործարարների և այլ հանրահայտ մարդկանց հետ Larry King Live թոք շոուում:

Դու երբեք մենակ չես լինի. մահացել է ֆուտբոլային աշխարհում հայտնի երգիչ Ջերի Մարսդենը

Հիշեցնենք, որ հունվարի 3-ին հայտնի էր դարձել, որ Քինգը հոսպիտալացվել է, նրա մոտ կորոնավիրուս էր ախտորոշվել։ Նա շաքարային դիաբետ ուներ, ինչպես նաև սրտի խնդիրներ։

13
թեգերը:
կորոնավիրուս, հաղորդավար, Մահ, Լարի Քինգ
թեմա:
Կորոնավիրուսը աշխարհում
Ըստ թեմայի
Կորոնավիրուսից մահացել է սոցիոլոգ Ահարոն Ադիբեկյանը
Մահացել է Ազիզ Թամոյանը
Մահացել է ՀՀ գյուղատնտեսության նախկին փոխնախարարը
Արխիվային լուսանկար

Հայաստանի 101 դպրոցում կան առարկաներ, որոնք չեն դասավանդվում ուսուցիչներ չլինելու պատճառով

23
(Թարմացված է 18:35 23.01.2021)
ԿԳՄՍ փոխնախարարը հայտնել է, որ 101 դպրոցներում էլեկտրոնային դասավանդման կանցնեն որոշ առարկաների մասով։

ԵՐԵՎԱՆ, 23 հունվարի – Sputnik. Հանրապետության 9 մարզերի 101 դպրոցներում կան առարկաներ, որոնք չեն դասավանդվում ուսուցիչների բացակայության հետևանքով։ Տեղեկությունը Facebook-ի իր էջում հայտնել է ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը:

«Չդասավանդվող առարկաների թիվը 18 է, նախնական հաշվարկներով` առկա է շուրջ 695 ուսուցչի կարիք։ Այս խնդրի կարգավորման նպատակով բացի գործուղման կարգի և տրանսպորտային ծառայությունների փոխհատուցման փոփոխություններից, սկսել ենք դպրոցների մենթորական աջակցության և էլեկտրոնային ուսուցման կարողությունների զարգացման ծրագիրը»,-գրել է փոխնախարարը։

Նրա խոսքով` վերոհիշյալ դպրոցներում ստեղծվել են անհրաժեշտ սարքավորումներով հագեցված դասասենյակներ, որտեղ հնարավոր է կազմակերպել հեռավար ուսուցում։

Մինչև այս տարվա մարտի 30-ը նախատեսվում է արագ աջակցության դասընթացների մշակում և առցանց հարթակներում դրանց բաց հասանելիության ապահովում։ Այնուհետև կմշակվեն և կհավաքագրվեն էլեկտրոնային դասավանդող դպրոցների ընտրության չափանիշները. յուրաքանչյուր դպրոցի համար նախատեսվում է պատրաստել առնվազն մեկ մենթոր։

Ավագ մենթորները ապրիլ-մայիս ամիսներին կպատրաստեն ընտրված դպրոցների ուսուցիչներին՝ զարգացնելով նրանց էլեկտրոնային դասավանդման կարողությունները։

Յուրաքանչյուր դպրոցական մեկ տարում կկարողանա անվճար հաճախել 3 մշակութային հաստատություն

Էլեկտրոնային դասավանդման կարողությունների որակի ապահովման նպատակով մինչև օգոստոսի 30-ը նախատեսվում է մշակել և ներդնել որակի ապահովման մեխանիզմներ։

Ծրագրի միջոցով 2021 թվականի սեպտեմբերից բոլոր 101 դպրոցներում կապահովվի ներքոնշյալ առարկաների ուսուցումը:

Հաղթում ենք նաև միջազգային օլիմպիադաներում. հայ դպրոցականները 4 մեդալ են նվաճել

23
թեգերը:
Մարզ, Ուսուցիչ, Աշակերտ, դպրոց
Ըստ թեմայի
Ինչպես դասի հանձնարարությունը դարձավ բիզնես, կամ Չինարիի աշակերտների խելահեղ մտքերը
Ինչ են պատմում Ստեփանակերտում վերաբացված թիվ 2 դպրոցի աշակերտները. տեսանյութ
Ո՞ր դեպքում են ուսուցիչներն ու աշակերտներն ազատվում դիմակ դնելու պահանջից. նոր կանոններ