Թուրքամետ գրոհայինները բռնազավթում են հայերի ու ասորիների տները. լուսանկարներ
(Թարմացված է 23:30 21.10.2019)
Սոցցանցում հրապարակվել են Թել Աբյադի տների լուսանկարները, որոնցում երևացող գրառումները վկայում են, որ դրանք պատկանում են խմբավորումներից մեկին։ ԵՐԵՎԱՆ, 21 հոկտեմբերի – Sputnik. Թուրքամետ գրոհայինները սիրիական Թել Աբյադ քաղաքում բռնագրավում են քրիստոնյաների ունեցվածքը։ Այս տեղեկությունը տարածվում է Twitter սոցցանցում։
Տեղեկությունը տարածելու հարցում հատկապես ակտիվ են քրդական աղբյուրները, բայց ոչ միայն նրանք։ Հրապարակումներին կից ներկայացվում են լուսանկարներ, որոնցում տներ են երևում, պատերին` գրաֆիտիներ։ Հրապարակումների հեղինակները պնդում են, որ խոսքը քրիստոնյաների` հայերի ու ասորիների տների մասին է։
Չորս լուսանկարներից երկուսում նշված է բռնազավթած խմբավորման անունը։
تل ابيض pic.twitter.com/6s8ypFJSQJ
— khalil (@khalil19860) 19 октября 2019 г.
Խոսքը թուրքամետ «Ջաբհաթ Ալ Շամիա» («Լևանտի ճակատ») խմբավորման մասին է, որը մտնում է այսպես կոչված «Սիրիայի ազգային բանակի» (ՍԱԲ) մեջ և ձևավորվել է Թուրքիայի ղեկավարության ներքո գտնվող տարատեսակ ընդդիմադիր ու իսլամական խմբավորումներից (չշփոթել Սիրիայի արաբական բանակի հետ. խմբ.)։
Ունեցվածքի բռնազավթման մասին են գրում ոչ միայն քրդական աղբյուրները։ Թել Աբյադում Սիրիայի քաղաքացիների (չհիշատակելով հայերին ու ասորիներին) ունեցվածքի յուրացման մասին է հայտնել, օրինակ, Ալ-Արաբիա հեռուստաընկերությունը և հրապարակել նույն լուսանկարները։
Օգտատերերը գրում են, որ նման դեպքեր էին տեղի ունեցել նաև այն ժամանակ, երբ թուրքերն ու գրոհայինները գրավել էին Աֆրինը։ Բացի այդ, նույն կերպ էին վարվում «Իսլամական պետության» (արգելված է մի շարք երկրներում) անդամները։
Քրդական աղբյուրները գրում են, որ այժմ թուրքամետ գրոհայիններն անցել են քրդերի տները թալանելուն։
Թուրքական լրատվամիջոցներն իրենց հերթին ցույց են տալիս, որ «ահաբեկիչներից մաքրված» քաղաքում նորմալ կյանքը վերականգնվում է։ Օրինակ` ինչպես այս տեսագրությունում։
Ավելի վաղ Հայաստանի ԱԳՆ Միջին Արևելքի և Աֆրիկայի վարչության պետ Արմեն Մելքոնյանը Sputnik Արմենիայի հետ զրույցում նշել էր, որ Թել Աբյադում գտնվող 16 ընտանիքներից 13–ը տարհանվել են Հասեկե քաղաք (ներխուժման գոտուց դուրս է)։
ՀՀ ԱԳՆ–ի տվյալների համաձայն` Սիրիայի հյուսիսում բնակվում է շուրջ 3000 հայ, մեծ մասը` Կամիշլիում։ Այսօր այդ շրջաններում բախումներ չկան։
Ավելի վաղ` հոկտեմբերի 9–ին, Թուրքիայի նախագահ Ռեջեփ Թայիփ Էրդողանը հայտարարել էր Սիրիայում «Խաղաղության աղբյուր» ռազմական գործողությունների մեկնարկի մասին, որոնք, իր խոսքով, ուղղված են Քրդստանի աշխատավոր կուսակցության և մի շարք երկրներում արգելված «Իսլամական պետություն» ահաբեկչական խմբավորման դեմ։
«Ռազմական գործողությունները Սիրիայում կհանգեցնեն հակամարտության սրման». Սարգիս Գրիգորյան
ՀՀ ԱԳՆ–ն դատապարտել է Թուրքիայի ներխուժումը Սիրիա։
Սիրիական բանակի ջոկատները 5 տարվա մեջ առաջին անգամ Ռաքքա մտան
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Գերեվարված զինծառայողների ծնողները կրկին փակել են Շիրակի մարզպետարանի մուտքը
(Թարմացված է 12:48 05.03.2021)
Գերեվարվածների ծնողները թույլ չեն տվել, որ մարզպետարանի որևէ աշխատակից ներս մտնի: ԵՐԵՎԱՆ, 5 մարտի – Sputnik. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:
Նրանք, սակայն, հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:
Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:
Մարտի 3-ին, սակայն, նրանք աշխատակիցների ելումուտը չէին արգելել:
թեգերը: