Անհրաժեշտ է, որ ներկա կառավարությունը մնա. Արամ Ա կաթողիկոսը դիմել է Լիբանանի ժողովրդին
(Թարմացված է 14:14 21.10.2019)
Մեծի Տանն Կիլիկիո կաթողիկոս Արամ Ա–ը կիսում է Լիբանանի ժողովրդի պոռթկումը և լուծումներ առաջարկում։ Կաթողիկոսն ուղերձով դիմել է ժողովրդին ու իշխանությանը։ԵՐԵՎԱՆ, 21 հոկտեմբերի — Sputnik. Կիսում ենք ժողովրդին պոռթկումն ու արդար սպասումը։ Լիբանանում ստեղծված վիճակին անդրադառնալով Facebook-ի իր էջում գրել է Մեծի Տանն Կիլիկիո կաթողիկոս Արամ Ա–ը։
«Լիբանանի պատմության մեջ առաջին անգամ է, որ Լիբանանի ողջ ժողովուրդը` առանց կրոնական, համայնքային ու քաղաքական տարբերության, իր պահանջները հստակորեն ներկայացնում է պետական իշխանությանը»,– ասված է կաթողիկոսի հաղորդագրության մեջ։
Արամ Ա–ը նշում է, որ ներկա իրավիճակում անհրաժեշտ է խոհեմություն դրսևորել, քանզի զգացական ու հապճեպ քայլերը, քաղաքական շահարկումները կարող են ավելի սրել կացությունը։
Արամ Ա–ը նաև իր դիտարկումներ է ներկայացրել ստեղծված իրավիճակից երկիրն անցնցում դուրս բերելու վերաբերյալ։
«Նկատի ունենալով, որ ներկա կառավարության մաս են կազմում Լիբանանի քաղաքական բոլոր կուսակցությունները, անհրաժեշտ է, որ ներկա կառավարությունը շարունակի մնալ։ Դրա հեռացումը կարող է նորանոր բարդություններ ստեղծել և երկիրը անորոշության մատնել»,– գրում է կաթողիկոսը։
Հաջորդ քայլով, ըստ նրա իշխանությունը պետք է խոստանա, որ ժողովրդի կյանքը բարելավող գործնական քայլեր է իրականացնելու։ Իսկ այդ հանձնառության գրավոր տարբերակում հստակ պետք է նշվեն տնտեսական, սոցիալական, առողջապահական, կրթական, վարչական և այլ բնագավառներում կառավարության իրագործելիք գործնական քայլերն ու դրանց հստակ ժամանակացույցը։
Վարչապետ Փաշինյանը ցավակցական հեռագիր է հղել Արամ Ա-ին` մոր մահվան կապակցությամբ
Իսկ տնտեսական ծրագրերում Արամ Ա–ը կարևորում է հատկապես հարկերի հետագա բարձրացումը կանխելը։
Հիշեցնենք` արդեն մի քանի օր է, ինչ երկրում չեն դադարում բողոքի ակցիաները։ Բեյրութում, Տրիպոլիում ու երկրի այլ խոշոր քաղաքներում մարդիկ պահանջում են կառավարության հրաժարականը։
Բողոքի ակցիաները սկսվել են այն բանից հետո, երբ կառավարությունը հոկտեմբերի 17-ին որոշում էր ընդունել «WhatsApp»-ի զանգերի համար նոր հարկատեսակ կիրառելու մասին։ Այս հայտարարությունը կառավարության հարկային ճնշումների «վերջին կաթիլը» համարող տասնյակ հազարավոր լիբանանցիներ այդ օրը դուրս եկան փողոց ու շրջափակեցին կառավարության շենքը։
Ոստիկանության ու ցուցարարների միջև բախումների հետևանքով հաղորդվում է 60 վիրավորների ու 2 զոհի մասին։
ԶԼՄ-ները Լիբանանում արդեն 4-րդ օրը շարունակվող ակցիաները անվանում են «WhatsApp»–ի հեղափոխություն։
Անսալով քաղաքացիների պահանջին` իշխող կոալիցիայի մաս կազմող «Լիբանանյան ուժեր» քրիստոնեական կուսակցությունը հոկտեմբերի 19-ին հայտարարեց կոալիցիայից դուրս գալու մասին։
Ցուցարարները ոգևորությամբ ընդունեցին այս լուրը` կոալիցիայի անդամ այլ քաղաքական ուժերին ևս կոչ անելով հրաժարվել իշխանությունից ու երկրում անցկացնել արտահերթ ընտրություններ։
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Գերեվարված զինծառայողների ծնողները կրկին փակել են Շիրակի մարզպետարանի մուտքը
(Թարմացված է 12:51 05.03.2021)
Գերեվարվածների ծնողները թույլ չեն տվել, որ մարզպետարանի որևէ աշխատակից ներս մտնի: ԵՐԵՎԱՆ, 5 մարտի – Sputnik. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:
Նրանք, սակայն, հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:
Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:
Մարտի 3-ին, սակայն, նրանք աշխատակիցների ելումուտը չէին արգելել:
Հիշեցնենք` 2020–ի դեկտեմբերի 16-ին հայտնի դարձավ, որ Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերից 62 զինծառայող են գերեվարվել, բոլորը` Շիրակի մարզից։
Հունվարի 28–ին նրանցից հինգը վերադարձել են հայրենիք, իսկ 3-ը հեռախոսով զրուցել են ծնողների հետ։
թեգերը: