«Առաջ, աղջիկներ»․ Քարդաշյանի նախկին ընկերոջ կինը փորձում է Քիմի պես հայ լինել
(Թարմացված է 09:45 21.10.2019)
Ինչպես նկատում են օգտատերերը, Լիլիթ Ավագյան Բուշը կրկնօրինակում է ամուսնու նախկին ընկերուհու և՛ արտաքինը, և՛ հայկական թեմայով նրա հրապարակումները սոցցանցերում։ԵՐԵՎԱՆ, 21 հոկտեմբերի — Sputnik. Ամրիկահայ մոդել Քիմ Քարդաշյանը, որը վերջերս Հայաստան էր այցելել և սոցցանցերում լուսանկարների և գրառումների միջոցով անընդհատ հիշեցնում էր իր հայ լինելու մասին, հայություն է արթնացրել նաև իր նախկին ընկերոջ կնոջ մոտ։
Քարդաշյանը բազմաթիվ լուսանկարներ է հրապարակել, որոնք ներկայացնում են, որ նա իր երեխաներին ևս կապում է պատմական հայրենքի՝ Հայաստանի հետ։ Ինչպես նկատում են օգտատերերը, Լիլիթ Ավագյան Բուշը նախկինի պես կրկնօրինակում է ոչ միայն ամուսնու նախկին ընկերուհու արտաքինը, այլև հայկական թեմայով նրա հրապարակումները սոցցանցերում։
Լիլիթ Ավագյան Բուշը տեսանյութ է հրապարակել, որում որդուն սովորեցնում է գույների հայկական անվանումները։
Посмотреть эту публикацию в Instagram
«Այս նախանձը Հայաստանի օգտին է, մինչդեռ աղջիկը մրցում է ամուսնու սրտի նախկին տիրուհու հետ, մենք լավ փիար ենք ստանում։ Դե ինչ, աղջիկներ, շարունակեք նույն կերպ», - կատակով գրում են օգտատերերը։
Քիմ Քարդաշյանը հրապարակել է Էջմիածնում մկրտվելու լուսանկարները
Քիմն ու Ավագյանի ամուսինը՝ Ռեջին, հանդիպում էին 2007թ.–ից 2010 թվականների ընթացքում։ Քարդաշյանից բաժանվելուց 5 տարի հետո Ռեջի Բուշն ամուսնացել է Հայաստանից գնացած պարուսույցի` Լիլիթ Ավագյան Բուշի (Lilit Avagyan Bush) հետ։ Լիլիթ Ավագյանի ու Ռեջի Բուշի հարսանեկան արարողությունը կայացել է Քիմ Քարդաշյանի ու Քայնե Ուեսթի ամուսնությունից երկու ամիս անց։
Посмотреть эту публикацию в Instagram
Համացանցի օգտատերերի կարծիքով` 30–ամյա Լիլիթ Ավագյան Բուշը 37–ամյա Քիմ Քարդաշյանի «կլոնն» է։
Թեև Լիլիթ Ավագյանը հիմա կարճ սանրվածքով է, միևնույնն է՝ նրան Քարդաշյանի պատճենն են համարում, քանի որ օգտատերերի կարծիքով` Քարդաշյանի նման է ոչ միան հագուստի ոճը, այլև նախկին պարուհու կազմվածքն ու դիմահարդարումը:
Քիմի մեմերը «հայկական» Facebook–ում. Փաշինյանի հետ լուսանկարը քչերին է անտարբեր թողել
Բայց բլոգերությունը Լիլիթի մոտ Քիմի պես լավ չի ստացվում․ նա Instagram-ի էջում ընդամենը 183 հազար բաժանորդ ունի։
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Գերեվարված զինծառայողների ծնողները կրկին փակել են Շիրակի մարզպետարանի մուտքը
(Թարմացված է 12:48 05.03.2021)
Գերեվարվածների ծնողները թույլ չեն տվել, որ մարզպետարանի որևէ աշխատակից ներս մտնի: ԵՐԵՎԱՆ, 5 մարտի – Sputnik. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:
Նրանք, սակայն, հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:
Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:
Մարտի 3-ին, սակայն, նրանք աշխատակիցների ելումուտը չէին արգելել:
թեգերը: