Մայքլ Ջեքսոն

«Նա լրիվ խելքը թռցրել էր». Էլթոն Ջոնը բացահայտել է Մայքլ Ջեքսոնի գաղտնիքները

585
(Թարմացված է 11:49 14.10.2019)
Էլթոն Ջոնը պատմել է, որ Ջեքսոնը «հրաշալի երեխա էր», բայց ինչ–որ պահի սկսեց կտրվել իրականությունից։ Նա Ջեքսոնին ճանաչել է 13-14 տարեկանից։

ԵՐԵՎԱՆ, 14 հոկտեմբերի — Sputnik. Բրիտանացի երգիչ Էլթոն Ջոնը հոգեկան հիվանդ է անվանել Մայքլ Ջեքսոնին։ Ջոնը իր «Ես» ինքնակենսագրական գրքում պատմել է նաև մանկապղծության մեջ կասկածվող փոփ կուռքի մասին։

Էլթոն Ջոնի խոսքով`ինքը Ջեքսոնին ճանաչել է 13-14 տարեկանից։ Երգիչը Ջեքսոնին որպես «ամենահրաշալի երեխա» է հիշում, որը «Էլվիս Փրեսլիի նման» կյանքի որոշակի շրջանում սկսել է կտրվել իրականությունից։

«Աստված գիտի` ինչ է կատարվել նրա գլխում և ինչ հաբեր է նա կուլ տվել։ Վերջին տարիներին յուրաքանչյուր հանդիպման ժամանակ մտածում էի, որ նա խելքը թռցրել է։ Նա իրականում հոգեկան հիվանդ էր», – գրում է Էլթոն Ջոնը։

Մայքլ Ջեքսոնին բազմիցս մեղադրել են մանկապղծության մեջ։ Առաջին աղմկահարույց սկանդալը տեղի է ունեցել 1993թ–ին, երբ նրան մեղադրեցին 13–ամյա Ջորդան Չանդլերի նկատմամբ սեռական ոտնձգության համար։ Տղան երգչի երկրպագուն է եղել և հաճախ է հյուր գնացել նրա կալվածք` «Նեվերլենդ»։ Արդյունքում կողմերը համաձայնության են եկել և Չանդլերների ընտանիքը 22 միլիոն դոլար է ստացել։

Սերը Ջեքսոնի հանդեպ կամ հայ երկրպագուի անհավանական արարքը

2003թ–ին պատմությունը կրկնվել է։ Ջեքսոնին կասկածել են 13–ամյա Գևին Արվիզոյին բռնաբարելու մեջ, որը նույնպես հաճախ հյուր է գնացել նրան։ Այդ ժամանակ դատարանն անմեղ է ճանաչել Ջեքսոնին ապացույցների բացակայության հիման վրա։

2019թ–ի մարտին HBO հեռուստաալիքով ցուցադրվել է «Լքելով Նեվերլենդը» վավերագրական ֆիլմը, որի հեղինակները պատմում են այլ սկանդալային պատմությունների մասին։ Մասնավորապես, ոմն Ուեյդ Ռոբսոն և Ջեյմս Սեյֆչակը պատմել են, որ մանուկ հասակում երգիչը իրենց սեռական բռնության է ենթարկել։

585
թեգերը:
երգիչ, գաղտնիք, Էլթոն Ջոն
Ըստ թեմայի
Քիմ Քարդաշյանի 11 բոյֆրենդները. ծեծից մինչև փառք տանող ճանապարհը
Մարմնամարզուհին ակրոբատիկ հնարքներ է ցուցադրում Մայքլ Ջեքսոնի «օգնությամբ»
Գեղեցկության և շքեղության վերջին ակորդը Կաննում. կինոփառատոնի վերջին լուսանկարները
Հմայակ Հակոբյանը երազում է կախարդանքի թատրոն բացել. նրա ելույթով Մայքլ Ջեքսոնն էլ է հիացել
Ոստիկանություն, Սերբիա

Սերբիայում ձերբակալել են Ադրբեջանի դեսպանին

14
(Թարմացված է 18:27 13.08.2020)
Նրան կասկածում են բյուջետային միջոցները վատնելու և պաշտոնեական լիազորությունները չարաշահելու մեջ։

ԵՐԵՎԱՆ, 13 օգոստոսի - Sputnik. Սերբիայում ձերբակալվել է Ադրբեջանի դեսպան Էլդար Հասանովը։ Նա կասկածվում է խոշոր գումարի յուրացման ու բյուջետային միջոցների վատնման մեջ։ Տեղեկությունը հայտնում է ՌԻԱ Նովոստին՝ հղում անելով Ադրբեջանի Պետանվտանգության ծառայությանը։

Պետական անվտանգության ծառայությունը տեղեկացնում է, որ ֆինանսական ստուգումների ընթացքում հիմնավոր կասկածներ են առաջացել, որ Սերբիայում, Չեռնոգորիայում, Բոսնիա և Հերցեգովինայում Ադրբեջանի դեսպանը ոչ բուն նպատակով զգալի բյուջետային միջոցներ է ծախսել ու այլ իրավախախտումներ կատարել։

Փաստի առթիվ հարուցվել է քրեական գործ։ Հասանովը ձերբակալվել է կասկածյալի կարգավիճակում։

Մինսկում ձերբակալվել է նաև RT-ի թղթակիցը

14
թեգերը:
Ադրբեջան, Դեսպան, Ոստիկանություն, Սերբիա
Ըստ թեմայի
Մոսկվայում պետական դավաճանության կասկածանքով «Ռոսկոսմոսի» պաշտոնյա է ձերբակալվել
Ձերբակալվել է Ադրբեջանի ՊՆ նախկին ղեկավարը
Մոսկվայում հարձակվել են հայերի վրա. մի խումբ ադրբեջանցիներ են ձերբակալվել
Ռոբերտ Նազարյանը միակը չէ. հանձնաժողովի նախկին անդամներ էլ են ձերբակալվել
Բողոքի ակցիա

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

20
(Թարմացված է 17:36 13.08.2020)
Գործարանների աշխատակիցները չթույլատրված ցույցեր են անցկացնում և պահանջներ ներկայացնում իշխանությանը։

ԵՐԵՎԱՆ, 13 օգոստոսի – Sputnik. Բելառուսական գործարանների աշխատակիցները բողոքի ակցիաներ են իրականացնում՝ պահանջելով ազգային գործադուլ սկսել։

Ինչպես հայտնում է Sputnik Բելառուսը, բողոքի ակցիա է ընթանում Ժոդինոյի ԲելԱԶ գործարանի մոտ։ Մարդիկ վանկարկում են․ «Համազգային գործադուլ ենք պահանջում»։

Գործարանի ղեկավարությունը հրաժարվում է ընդունել, որ աշխատակիցները գործադուլ են անում, նախընտրում են ցույցն անվանել «հանդիպում կոլեկտիվի հետ»։ Աշխատակիցները պահանջում են տեղական իշխանությունների հրաժարականը, նրանք ուզում են, որ քաղաքից հեռացնեն հատուկ նշանակության ջոկատները (ОМОН) և իրենց մարզադաշտ տրամադրեն հանրահավաքի համար:

Միաժամանակ Nexta Telegram-ալիքը հայտնում է, որ ցույց և գործադուլ է ընթանում նաև «ՄԱԶ» գործարանում։ Հրապարակված լուսանկարում երևում է, թե որքան մարդ է հավաքվել։

Ավելի վաղ տեղեկություն էր տարածվել, որ գործադուլներ են անցկացվում Մինսկի Կոզլովի անվան գործարանում, մարգարինի գործարանում, «Բելշին» անվադողերի արտադրության ձեռնարկությունում և «Ինտեգրալ» էլեկտրոնիկայի գործարանում։ Սակայն նրանց ղեկավարությունը հերքում է այդ լուրը։

Հիշեցնենք` օգոստոսի 9-ին Բելառուսում նախագահի ընտրություն անցկացվեց։ Ըստ պաշտոնական տվյալների՝  հաղթեց գործող նախագահ Ալեքսանդր Լուկաշենկոն, որի օգտին քվեարկել էր ընտրողների 80,23 տոկոսը, Սվետլանա Տիխանովսկայայի օգտին` 9,90 տոկոսը: ԿԸՀ-ն հայտնեց, որ այս արդյունքները դժվար թե փոխվեն։

Օգոստոսի 10-ին Բելառուսի նախագահի թեկնածու Սվետլանա Տիխանովսկայայի միացյալ ընդդիմադիր շտաբը հայտարարեց, որ չի ընդունում Կենտրոնական ընտրական հանձնաժողովի հրապարակած արդյունքները։

Քվեարկության ավարտից հետո Մինսկում և Բելառուսի այլ քաղաքներում զանգվածային ցույցեր սկսվեցին, ցուցարարների ու իրավապահների միջև բախումներ գրանցվեցին։

Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը

20
թեգերը:
գործադուլ, գործարան, Մինսկ, Բելառուս
Ըստ թեմայի
Նիկոլ Փաշինյանն Ալեքսանդր Լուկաշենկոյին շնորհավորել է վերընտրվելու կապակցությամբ
«Ես նրան բաց եմ թողել»․ Մինսկի իրադարձությունների խոսուն լուսանկարն ամեն ինչ ասում է
Լուկաշենկոն ստիպված կլինի՞ թողնել պաշտոնը. ըստ Մարկարովի` հանգուցալուծման 2 տարբերակ կա
Ուժայինները լքել են Մինսկը. նրանք կատարել են իրենց առջև դրված խնդիրը
Արթուր Մեսչյան

Հայկ Մարությանն աշխատանքից ազատել է գլխավոր ճարտարապետին

64
(Թարմացված է 18:30 13.08.2020)
Երևանի քաղաքապետն Արթուր Մեսչյանի հրաժարականի դիմումը բավարարել է արձակուրդում գտնվելու ընթացքում։

ԵՐԵՎԱՆ, 13 օգոստոսի – Sputnik. Երևանի քաղաքապետ Հայկ Մարությանը Երևանի գլխավոր ճարտարապետ Արթուր Մեսչյանին պաշտոնից ազատելու որոշում է կայացրել։

Ինչպես նշված է քաղաքապետարանի պաշտոնական կայքում հրապարակված փաստաթղթում, որոշման համար հիմք է ընդունվել Մեսչյանի դիմումը։

«2020 թվականի օգոստոսի 17-ից Արթուր Մեսչյանին ազատել Երևան քաղաքի գլխավոր ճարտարապետի պաշտոնից»,– ասված է որոշման մեջ։

Մարությանը փաստաթուղթը ստորագրել է օգոստոսի 12-ին։ Սա փոքր–ինչ տարօրինակ է, քանի որ այդ ընթացքում քաղաքապետը գտնվել է արձակուրդում։

Ինչպես օգոստոսի 11-ին հայտնել էր Երևանի քաղաքապետի խոսնակ Հակոբ Կարապետյանը, Մարությանն արձակուրդ էր վերցրել մինչև օգոստոսի 25-ը ներառյալ։

Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան

Մեսչյանի հրաժարականի դիմումի մասին Մարությանը հայտարարել էր օգոստոսի 4-ին կայացած մամուլի ասուլիսում`հիշեցնելով, որ Մեսչյանն ի սկզբանե ասել էր, որ գալիս է 2 տարով։

Երգիչ, երգահան, ճարտարապետ Արթուր Մեսչյանը քաղաքապետ Հայկ Մարությանի որոշմամբ Երևանի գլխավոր ճարտարապետ էր նշանակվել 2018թ–ի հոկտեմբերի 23-ին։

Մեսչյանը Երևանի գլխավոր ճարտարապետի պաշտոնում նախկինում աշխատել էր նաև 1996թ–ին` մեկ տարի տևողությամբ։

1997-ին նա պաշտոնից հրաժարվելու դիմում էր ներկայացրել։

Ինչը կարող էր ստիպել Արթուր Մեսչյանին հրաժարվել պաշտոնից. Մինասյանի տեսակետը

64
թեգերը:
Արթուր Մեսչյան, Հայկ Մարության, Հայաստան
Ըստ թեմայի
Հանուն 1 միլիոնի. ինչու է քաղաքապետը «վատամարդ» դառնում Սամվել Ալեքսանյանի և մյուսների մոտ
Երևանի քաղաքապետը պատմեց` որքան գումար է ստանում ու ինչերից է հրաժարվել պաշտոնը ստանձնելով
Աշխատանքից ազատված փոխոստիկանապետն առաջիկայում նոր պաշտոն կստանա՞. «Ժողովուրդ»
Վերացրել ենք սեփականության իրավունքը, տարածքը վերադարձրել համայնքին. Հայկ Մարության