Ձեռնաշղթաներ. արխիվային լուսանկար

Իրանում ռուս լրագրողի անձնագիրը խլել են, հետո նրան ձերբակալել

27
(Թարմացված է 16:37 04.10.2019)
Տեղեկություններ կան, որ մասնավոր հրավերով Իրան ժամանած ռուս լրագրողին մեղադրում են լրտեսության մեջ։

ԵՐԵՎԱՆ, 4 հոկտեմբերի - Sputnik. Իրանի իրավապահ մարմինների ներկայացուցիչներն առանց բացատրության առգրավել են ռուս լրագրողի անձնագիրը, իսկ ավելի ուշ՝ Թեհրանում ձերբակալել նրան։ Այդ մասին հաղորդում է Ռադիո Սպուտնիկը` հղում անելով Թեհրանում ՌԴ դեսպանատան մամուլի պատասխանատու Անդրեյ Գանենկոն։

«Սեպտեմբերի 29–ին քաղաքացի Յուզիկը մասնավոր հրավերով ժամանել է Թեհրան։ Ժամանելուց հետո «Իմամ Հոմեյնի» օդանավակայանի սահմանապահ ծառայության աշխատակիցներն անհայտ պատճառներով խլել են նրա անձնագիրը»,–հայտարարել է մամուլի պատասխանատուն։

«Աշխարհի ոչ մի երկրում նման բան չեմ տեսել». ռուս լրագրողին հիացրել է Հայաստանը

Գանենկոն հաղորդել է, որ հոկտեմբերի 2–ին Ռուսաստանի քաղաքացին ձերբակալվել է հյուրանոցում, որտեղ նա կանգ է առել։

Ամենայն հավանականությամբ, խոսքը շահիդ կանանց մասին պատմող՝ «Ալլահի հարսնացուները» գրքի հեղինակի՝ Յուլյա Յուզիկի մասին է, որը համագործակցել է այնպիսի պարբերականների հետ, ինչպիսիք են «Կոմսոմոլսկայա պրավդան», «Ազատություն» ռադիոկայանը, «Կոմերսանտը» և ուրիշներ, իսկ հիմա աշխատում է ռուսական դաշնային պարբերականներից մեկում։

Լրագրող Բորիս Վոյցեխովսկու տեղեկություններով` ՌԴ քաղաքացուն մեղադրում են Իսրայելի օգտին լրտեսություն անելու մեջ։

27
թեգերը:
օդանավակայան, Ձերբակալում, Իրանի Իսլամական Հանրապետություն, ռուս, Լրագրող
Ըստ թեմայի
Նախիջևանցի հայը զարմացրել է ռուս ճանապարհորդ լրագրողին
Զբոսանք Երևանում. ռուս լրագրողը գիտի` ինչն է արտասահմանցիներին զարմացնում Հայաստանում
Գալիս եմ Արցախ` որպես հոգեհարազատ մի երկիր. ռուս լրագրող
Արցախի մարդակերպ կոթողները զարմացրել են ռուս լրագրողին