Վիլնյուս

Լիտվայի սեյմի խոսնակը ասել է, որ Վիլնյուսը չի ցանկանում Երևանին հանձնել Ռուսաստանի «գիրկը»

290
(Թարմացված է 15:53 26.09.2019)
Բալթյան հանրապետությունը «ուզում է օգնել» Երևանին «Արևելյան գործընկերության» շրջանակում և պահել երկիրը եվրոպական ուղղության մեջ։

ԵՐԵՎԱՆ, 26 սեպտեմբերի — Sputnik. Լիտվայի սեյմը պատվիրակություն է ձևավորել Հայաստան այցելելու համար, հայտնում է Sputnik Լիտվան։

Անցած շաբաթ Վիլնյուս էր այցելել ՀՀ արտգործնախարար Զոհրաբ Մնացականյանը։ Պատասխան այցով Լիտվայի պատվիրակությունը կժամանի Հայաստան։

«Հայրենիքի միություն. Լիտվայի քրիստոնյա դեմոկրատներ» պահպանողական կուսակցության անդամ Իրենա Դեգուտենեն հայտարարել էր, որ Լիտվան «ուզում է օգնել» Հայաստանին «Արևելյան գործընկերության» շրջանակում։ Նրա խոսքով` Երևանը Արևմտյան ուղղություն է վերցրել։

«Այս այցը պետք է կայանա։ Մեր նպատակն է պահել Երևանին եվրոպական ուղղության մեջ, այլ ոչ թե տալ Ռուսաստանի գիրկը», – հայտարարել է սեյմի խոսնակ Վիկտորաս Պրանցկետիսը։

ՌԴ–ի և Լիտվայի հարաբերությունները վատթարացել էին բալթյան հանրապետության նախկին առաջնորդ Դալի Գրիբաուսկայտեի տասնամյա կառավարման ժամանակ, որը հայտնի էր կտրուկ հակառուսական հայտարարություններով և ռուսատյաց դիրքորոշմամբ։ Երկրի ներկայիս ղեկավարությունը պարբերաբար հանդես է գալիս Ռուսաստանից եկող «սպառնալիքի» մասին հայտարարություններով, և այդ պատրվակով ԱՄՆ–ի հետ պաշտպանական պայմանագրեր է կնքում, ինչպես նաև իր տարածքում ՆԱՏՕ–ի ռազմակայաններ է տեղակայում։

Վիզայի ազատականացում, ԼՂ խնդիր, ԵՄ աջակցություն. Մնացականյանը հանդիպել է Մոգերինիին

Մոսկվան բազմիցս հայտարարել է իր խաղաղ մտադրությունների մասին։ Պաշտպանության նախարար Սերգեյ Շոյգուն ասել էր, որ դաշինքը հիանալի գիտի, որ ՌԴ–ն որևէ մեկի վրա չի հարձակվի, սակայն հակառուսական հիստերիան օգտագործում է, զորքերն ու ռազմատեխնիկան Ռուսաստանի սահմաններին մոտ բերելու համար։

Լիտվայում Ռուսաստանի դեսպան Ալեքսանդր Ուդալցովը ընդգծել է, որ պաշտոնական Վիլնյուսը Մոսկվային վտանգավոր ներկայացնելը գրեթե ազգային առաջնահերթություն է դարձրել։

Եվրոպական տեղեկությունների կենտրոնի տնօրեն, Ռուսաստանի ԱԳՆ ՄԳԻՄՈ–ի դոցենտ Նիկոլայ Տոպորնինի կարծիքով` Լիտվան դեռ պատրաստ չէ Ռուսաստանի հետ լիարժեք համագործակցության։

290
թեգերը:
Զոհրաբ Մնացականյան, Ռուսաստան, Եվրախորհուրդ, Հայաստան, Լիտվա