Xiaomi Mi MIX Alpha

Երբ էկրանի վերջը չի երևում. Xiaomi-ն ներկայացրել է իր հեղափոխական սմարթֆոնը․ տեսանյութ

387
Սմարթֆոնի էկրանը տարածվում է սարքի գրեթե ամբողջ մակերեսով։ Նոր սարքի գինը «ընդամենը» 2800 դոլար է։ Սմարթֆոնը վաճառքի կհանվի դեկտեմբերին։

ԵՐԵՎԱՆ, 24 սեպտեմբերի – Sputnik. Xiaomi ընկերության գլխավոր տնօրենն այսօր՝ սեպտեմբերի 24-ին, պաշտոնապես ներկայացրեց Xiaomi Mi Mix սմարթֆոնների շարքը։

Samsung ընկերություն
© AFP 2020 / Spencer Platt/Getty Images/AFP

Երեկոյի ամենասպասված սմարթֆոնը, անկասկած, Xiaomi Mi Mix Alpha-ն էր, որն ունի յուրահատուկ էկրան։

Որքան էլ տարօրինակ հնչի, էկրանը զբաղեցնում է սմարթֆոնի մակերեսի 180,6 %–ը։ Սարքը, ինչպես նախատեսված էր, սպասարկվում է 5-րդ սերնդի ցանցերում։ Alpha-ի ստեղծման համար օգտագործվել են ամենաժամանակակից տեխնոլոգիաները։

Սմարթֆոնին դիմային տեսախցիկ անհրաժեշտ չէ, քանի որ սելֆիներ հնարավոր է անել հենց հիմնականով։

Տեսախցիկում ներկառուցված է 108 ՄՊ կետայնությամբ տվիչ, ինչը ռեկորդային է ինդուստրիայում։ Լրացուցիչ երկու տվիչներն էլ ունեն 20 և 12 ՄՊ կետայնություն։

Այ քեզ բան․ քո իսկ դեմքով էմոջիներ, ծածուկ քարտեզ և 8K հեռուստացույց

Xiaomi-ի նոր սմարթֆոնն ունի Snapdragon 855 Plus համակարգ, 12 ԳԲ օպերատիվ հիշողություն և 512 ԳԲ ներքին հիշողություն, ինչպես նաև 4050 մԱ/ժ տարողությամբ մարտկոց ու 40-վատտանի լիցքավորում։

Նոր հավելվածի միջոցով հնարավոր է դառնալ Դի Կապրիո և ոչ միայն․ տեսանյութ

Սմարթֆոնի վաճառքը կմեկնարկի 2019 թվականի դեկտեմբերին և կարժենա 2800 դոլար։

387
թեգերը:
Այ քեզ բան, սմարթֆոն, Xiaomi ընկերություն
Ըստ թեմայի
Այ քեզ բան․ «ինքնակապկպվող» մարզակոշիկները, ոսկե անլար ականջակալները և «խելացի» սեղանը
Mazda-ն մեկ ամսվա ընթացքում կներկայացնի իր առաջին էլեկտրամեքենան
«Յանդեքս. Տաքսի» հավելվածի միջոցով հնարավոր կլինի ուղղաթիռ պատվիրել
Բողոքի ակցիա Փարիզում

Փարիզում ցույցերը վերածվել են անկարգությունների. տեսանյութ

15
(Թարմացված է 23:01 28.11.2020)
Խաղաղ ցույցին միացել են սև հագուստով մի խումբ մարդիկ, որոնք վիրավորական արտահայտություններ են հնչեցրել ոստիկանների հասցեին, իսկ հետո սկսել են շշեր նետել նրանց վրա: Ոստիկանությունն իր հերթին արցունքաբեր գազ է կիրառել։

ԵՐԵՎԱՆ, 28 նոյեմբերի – Sputnik․ Փարիզում զանգվածային ցույցեր են անցկացվում, մարդիկ պայքարում են «Գլոբալ անվտանգության մասին» օրենքի դեմ։ Այսօր ցույցերը վերածվել են անկարգությունների։ Ցուցարարներն այրել են Բաստիլի հրապարակում գտնվող կրպակը, կոտրել են ռեստորանների ապակիները, անգամ արմատախիլ են արել փոքր ծառերը։ Տեղեկությունը հայտնում է ՌԻԱ Նովոստին:

«Գլոբալ անվտանգության մասին» օրենքը խորհրդարանն ընդունել է այս շաբաթ: Օրենքի 24-րդ հոդվածը պատիժ է նախատեսում ոստիկանի կամ ժանդարմի «դեմքը կամ նույնականացման որևէ այլ տարր տարածելու համար»: Այս կանոնը խախտողներին սպառնում է 1 տարվա ազատազրկում և 45 հազար եվրո տուգանք:

Օրենքը զանգվածային դժգոհություն է առաջացրել։ Մարդիկ դուրս են եկել փողոց։

Խաղաղ ցույցին միացել են սև հագուստով մի խումբ մարդիկ, որոնք վիրավորական արտահայտություններ են հնչեցրել ոստիկանների հասցեին, իսկ հետո սկսել են շշեր նետել նրանց վրա: Ոստիկանությունն իր հերթին արցունքաբեր գազ է կիրառել։

Օրենքի դեմ պայքարում են նաև լրագրողները, նրանք մտավախություն ունեն, որ այն ուժի մեջ մտնելուց հետո ԶԼՄ-ների աշխատակիցներն ու քաղաքացիները չեն կարողանա հանրահավաքների և բողոքի ակցիաների ժամանակ ազատ նկարահանել ուժայինների աշխատանքը: Պաշտոնական Փարիզն իր հերթին հավաստիացրել է, որ օրինագիծը չի արգելի լրագրողներին արձանագրել ոստիկանության գործողությունները:

Հիշեցնենք` Փարիզում անկարգություններ էին տեղի ունեցել նաև այս տարվա հունիսին։

 

15
թեգերը:
տեսանյութ, անկարգություններ, Ֆրանսիա
Ակցիա Նյու Յորքում

«Ճանաչեք Արցախը»․ Նյու Յորքի հայերն ակցիա են անցկացրել Մանհեթենում

30
(Թարմացված է 21:10 28.11.2020)
Ակցիայի մասնակիցները հորդորել են պատժամիջոցներ կիրառել Թուրքիայի ու Ադրբեջանի նկատմամբ։

ԵՐԵՎԱՆ, 28 նոյեմբերի – Sputnik. ԱՄՆ հայկական համայնքի ներկայացուցիչներն ակցիա են անցկացրել Նյու Յորքի Մանհեթեն թաղամասում` Արցախի անկախությունը ճանաչելու կոչ անելով ԱՄՆ իշխանությանը։ Տեղեկությունը հայտնում է Համահայկական բարեգործական ընդհանուր միությունը։

Ակցիայի մասնակիցները հորդորել են դադարեցնել Թուրքիայի ու Ադրբեջանի իրականացրած մշակութային ցեղասպանությունը։

Ցուցարարների ձեռքերում պաստառներ են եղել. «Թուրքիան մեղավոր է», «Ամոթ Ադրբեջանին», «150000 տեղահանված հայեր», «Ճանաչեք Արցախը»։ Ակցիայի ընթացքում Թուրքիայի ու Ադրբեջանի նկատմամբ պատժամիջոցներ կիրառելու կոչեր են հնչել։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

30
թեգերը:
Արցախ, հայեր, ԱՄՆ
Ըստ թեմայի
«Ես ճանաչում եմ Արցախը», կամ Հայաստանի բաց թողած հնարավորությունը
Արցախի ճանաչմամբ և բնակավայրերի վերադարձով է հնարավոր խաղաղության հաստատումը. Միրզոյան
Ի՞նչ կտա Հայաստանին Արցախի միջազգային ճանաչման վերաբերյալ Ֆրանսիայի Սենատի բանաձևը
Վահան Քերոբյան

Պիտի հասկանանք` ինչ ենք կորցրել և գտնենք դրանք վերականգնելու մեխանիզմները. Վահան Քերոբյան

0
(Թարմացված է 23:02 28.11.2020)
ՀՀ էկոնոմիկայի նորանշանակ նախարար Վահան Քերոբյանը Sputnik Արմենիայի հետ հարցազրույցում ներկայացրել է իր ծրագրերն ու անելիքներն այդ պաշտոնում: Անդրադարձել է նաև Արցախում անցկացրած 52 օրերին ու բանակում իր արձանագրած խնդիրներին:

- Պարո՛ն Քերոբյան, շնորհավորում ենք պաշտոնը ստանձնելու կապակցությամբ ու նաև խնդրում ենք պատմել՝ ինչպես ստացաք այդ առաջարկն ու ինչպես որոշեցիք ընդունել այն՝ հատկապես այս դժվարին ժամանակահատվածում:

- Առաջարկը ստացել եմ վարչապետի հետ մեր վերջին հանդիպման ժամանակ, կարծեմ՝ երկուշաբթի օրը: Միանգամից չեմ համաձայնել, քանի որ որոշ հարցեր կային ճշտելու աշխատանքի ու պահանջների հետ կապված՝ ինչ է պահանջվում, ինչ խնդիրներ է պետք լուծել, արդյոք դրանք համապատասխանում են իմ պատկերացումներին, թե ոչ: Հիմա, հասկանալով պատկերացումներն ու ինձ հետ կապված նպատակները, համաձայնեցի:

- Իսկ սպասելի՞ էր նման առաջարկ ստանալը:

- Այնպես չէ, որ լրիվ անսպասելի էր, որովհետև վարչապետի հետ հարաբերություն նախկինում ևս ունեինք, ու իմ մտքերը ես կարողանում էի հասցնել վարչապետին ու կառավարությանը, ու կար երկխոսություն, որի արդյունքում վարչապետի համար պարզ դարձավ, որ այս հանգրվանում ես գուցե կկարողանամ օգտակար լինել իմ երկրին:

- Ձեր բիզնեսը՝ Menu.am-ը, փաստորեն թողնո՞ւմ եք: Ի՞նչ եք անելու Ձեր բիզնեսը:

- Դե, այսօրվա դրությամբ Menu.am-ի ամենախոշոր բաժնետերն եմ: Այդ բաժնետոմսերը դեռևս մնում են իմ սեփականությունը, բայց, համաձայն օրենքի, ես պետք է այն հավատարմագրային կառավարման տամ: Ինչ վերաբերում է գործադիր պաշտոններին՝ տնօրենների խորհրդի անդամի և գործադիր տնօրենի պաշտոններին, ապա ես արդեն հրաժարական եմ ներկայացրել վճարովի պաշտոնից, այսինքն՝ գործադիր տնօրենի պաշտոնից, իսկ խորհրդի անդամի պաշտոնից մինչև մեկ ամիս ժամանակ ունեմ, կհասցնեմ բաժնետոմսերս տալ հավատարմագրային կառավարման և զիջել իմ տեղը տնօրենների խորհրդում:

- Արդեն մի քանի օր է, ինչ մամուլում հիշատակվում է Al Jazira-ին տված Ձեր հարցազրույցը, որտեղ ասում եք, թե երկրի ղեկավարությունը մեզնից թաքցնում էր պատերազմում տիրող ռեալ իրավիճակը: Ի՞նչ նկատի ունեիք:

- Ես ասել եմ` «վերջին տասնամյակներում»: Իմիջիայլոց, այդ արտահայտությունը Al Jazira-ն կտրել է: Վերջին տասնամյակներում մեզ միշտ ասել են, որ մեր բանակը հզոր է, որ մեր բանակում ամեն ինչ կա, մեր բանակը տարածաշրջանի ամենամարտունակ բանակն է և այլն, ինչը, կռվի դաշտում պարզվեց, որ չի համապատասխանում իրականությանը: Իմ կարծիքով` մենք ունենք շատ վատ կառավարվող կառույց, ու եթե դա չընդունենք, բնականաբար, չենք կարող զարգացնել այն: Կարծում եմ`հիմա ժամանակն է ճիշտը խոսել բանակի մասին և, բնականաբար, ձեռնամուխ լինել արմատական բարեփոխումներին, ինչն արդեն ընթացքի մեջ է:

50-52 օր ես եղել եմ այնտեղ՝ պատերազմի առաջին օրվանից մինչև նոյեմբերի 18-ը, իսկ իմ եղբայրներն ու մեր ընկերները մինչև օրս էլ դեռ այնտեղ են: Մենք համառորեն պաշտպանեցինք այն դիրքերը, որոնք կմնան Հայաստանի կամ Արցախի տիրապետման տակ: Այդ 52 օրվա մեջ ես ընդամենը 1 անգամ եմ տեսել համակարգիչ և ցանկացած էլեմենտից՝ մեր տեղաշարժի և այլն, պարզ է դարձել, որ մենք թուղթ ու գրիչով ենք կառավարում բանակը: 21-րդ դարում չի կարող նման բան լինել, և տեղեկատվական տեխնոլոգիաները պետք է ամբողջությամբ ներծծվեն այդ կառույցի մեջ:

- Ձեր այս տպավորություններով Դուք արդեն կիսվե՞լ եք կառավարության անդամների, վարչապետի հետ:

- Ոչ ամբողջությամբ։ Բնականաբար, այն, ինչ ես եմ տեսել, բազմաթիվ մարդիկ իրենց հրապարակային ելույթներում ասել են: Միգուցե ես ինչ-որ նոր բաներ կասեմ, բայց հիմնական հետևությունը, որ կարելի է անել, այն է, որ բանակին տրամադրվել են հսկայական ռեսուրսներ, որոնք, կարելի է ասել, արդյունավետ չեն օգտագործվել:

Մեր հրամանատարական կազմի ներկայացուցիչները խոստովանեցին, որ վերջին 25 տարում բանակը չի եղել գրավիչ տեղ խելացի մարդկանց համար: Հետևաբար բանակի պետությունը չի կարողացել ներգրավել բավարար քանակով տաղանդավոր մարդկանց, որոնք կկարողանային կառուցել ապագայի բանակ:

Չեմ ուզում մեղավորներ փնտրել։ Մեղքի բաժին բոլորս ունենք: Ես ինքս որոշ բաների վրա աչք եմ փակել, ինչ-որ բաներ ասել եմ՝ լավ, դե սա իմ գործը չէ, ու արդյունքում ունենք այն, ինչ ունենք: Հիմա պետք է բացարձակապես անհանդուրժելի դառնա հարմարվողականությունը: Մենք պետք է չհամակերպվենք այն վիճակի հետ, որն այսօր կա ու շտկենք, որպեսզի կարողանանք արագ, բեկումնային աճ արձանագրել այդտեղ ու ոչ միայն այդտեղ, այլև ամբողջ տնտեսության մեջ:

- Պարզ է, որ մեր տնտեսությունն այսօր շոկային վիճակում է. առաջին հարվածը ստացել էր կորոնավիրուսի համավարակի պատճառով, իսկ երկրորդն արդեն պատերազմից ստացավ։ Ի՞նչ քայլեր եք ձեռնարկելու, որպեսզի տնտեսությունը դուրս բերեք այդ վիճակից:

-Ես, իհարկե, ունեմ իմ պլանը, բայց քանի որ այն պետք է վերածվի կառավարության որոշումների, ապա ես այս պահին զերծ կմնամ դրանք կետ առ կետ թվարկելուց: Բայց ես արդեն ասել եմ, որ իմ հիմնական դերը տեսնում եմ բոլոր այն խոչընդոտները վերացնելու մեջ, որոնք այսօր կանգնած են բիզնեսի առաջ, որպեսզի գործարար համայնքը կարողանա անկաշկանդ և ստեղծագործ ձևով աշխատել և զարգացնել երկրի տնտեսությունը:

- Ո՞րն եք համարում ամենամեծ խոչընդոտը:

- Միայն ես չէ, որ այդպես եմ համարում: Եթե դուք ուշադրություն դարձնեք Դավոսի համաշխարհային տնտեսական ֆորումի ամենամյա գլոբալ մրցունակության զեկույցում Հայաստանին վերաբերող հատվածին, ապա կտեսնեք, որ տասնամյակներով Հայաստանի գործարարները հարցումներին պատասխանելիս շեշտել են, որ կոռուպցիայից, հարկերից ու բյուրոկրատիայից ավելի շատ մեր տնտեսության զարգացմանը խանգարում է ֆինանսական միջոցներին անհասանելիությունը, անմատչելիությունը: Բնականաբար, դրանից էլ պետք է սկսել, որպեսզի տնտեսության մարմնի մեջ բավարար չափով արյուն լցվի:

- Հայաստանի տնտեսությունը սերտորեն կապակցված է Արցախի հետ: Մենք այսօր ունենք կորցրած տարածքներ, որտեղ ցորեն էր մշակվում: Փորձագետներն ասում են, որ սա խնդիր է լինելու ապագայում մեր տնտեսության համար: Ի՞նչ հակաճգնաժամային ծրագրեր ունեք այս կորուստը կոմպենսացնելու համար:

- Ամենամեծ խնդիրը, որ կար Արցախում, այն էր, որ 30 տարում մենք այդպես էլ չենք կարողացել ընդունելի մակարդակով յուրացնել այդ տարածքները՝ զարգացնել տնտեսությունը, ավելացնել բնակչությունը և այլն: Կարելի է ասել, որ այդ տարածքների մեծ մասն անապատ էր: Հիմա, բնականաբար, այն մարդիկ, որոնք բիզնես են ունեցել Արցախում ու կորցրել են, լինելու են ուշադրության կենտրոնում, քանի որ նրանք կարողացել էին Հայաստանից շատ ավելի ծանր պայմաններում լինել հաջող բիզնեսմեն: Նման մարդկանց պետք է փրկել, և ես պետք է հանդիպեմ այդ մարդկանց հետ ու տեսնեմ, թե ինչով կարող ենք վերակենդանացնել իրենց կորցրած բիզնեսները:

Ինչ վերաբերում է դրա հետ կապված ճգնաժամին, նախ պետք է մանրամասն հաշվառում անել, որովհետև առաջին հայացքից այդ տարածքներում առանձնապես մեծ տնտեսություն չի եղել: Մի խոսքով` պետք է հասկանալ՝ ինչ ենք կորցրել և արագ գտնենք դրանք վերականգնելու մեխանիզմները:

0
թեգերը:
Նախարար, Վահան Քերոբյան, Հայաստան
Ըստ թեմայի
Ֆանտազիայի ժանրից է, ինչ ասեմ. Մանե Թանդիլյանը մեկնաբանել է իրեն պաշտոն առաջարկելու լուրը
«Իմ քայլը» պահանջում է պատժել Երևանի պատասխանատու պաշտոնյաներին` թվեր նկարելու համար
Արթուր Վանեցյանը նոր փակագծեր բացեց իր` ԱԱԾ տնօրենի պաշտոնից հրաժարվելու վերաբերյալ
Ստեփանավանը քաղաքապետի պաշտոնակատար ունի