Միխայել Շումախեր

Լեգենդար Շումախերը գիտակցության նշաններ է ցույց տվել 6 տարվա կոմայից հետո

317
(Թարմացված է 15:54 11.09.2019)
Ավելի վաղ տեղեկություն էր տարածվել, որ հանրահայտ մրցարշավորդն արդեն ինքնուրույն է շնչում։

ԵՐԵՎԱՆ, 11 սեպտեմբերի – Sputnik. «Ֆորմուլա 1»–ի լեգենդար մրցարշավորդ և աշխարհի 7-ակի չեմպիոն Միխայել Շումախերն այսօր պետք է վերադառնա տուն` Շվեյցարիա։

Ավելի վաղ տեղեկություն էր տարածվել, որ նրան գաղտնի տեղափոխել են Փարիզ` Ժորժ Պոմպիդուի անվան հիվանդանոց։ 50-ամյա մարզիկին սրտանոթային բաժանմունք են տարել պատգարակով` դեմքն ու մարմինը հատուկ ծածկոցով փակած։ Շումախերին պիտի ցողունային բջիջների ներարկում անեին։

Հիվանդանոցից հայտնել են, որ պրոցեդուրան բարեհաջող է անցել, ամսի 11-ին նա պիտի վերադառնա տուն` Շվեյցարիա։

«Վստահեցնում եմ, որ Միխայելի գիտակցությունը տեղն է։ Նրա առողջության վերաբերյալ այլ մեկնաբանություններ անել չենք կարող։ Գաղտի տեղեկություն է»,– Le Parisien –ը մեջբերում է վիրահատության ժամանակ հերթապահություն իրականացրած բուժաշխատողի ասածը։

Պրոցեդուրան իրականացրել է հանրահայտ վիրաբույժ Ֆիլիպ Մենաշեն։

Միխայել Շումախերի կարիերային նվիրված ցուցահանդես

«Նա հուսալի ձեռքերում է։ Մենք նրա առողջության վերաբերյալ հարցերը գաղտնի ենք պահում»,– գրված է Շումախերի կայքում հրապարակված հաղորդագրության մեջ։

Շումախերը 2013թ.-ի դեկտեմբերի վերջին ֆրանսիական Մերիբել քաղաքում լեռնային դահուկներով սահելիս ընկել էր։ Նա գանգուղեղային վնասվածք էր ստացել` գլխուղեղի երկու կիսագնդի բազմաթիվ վնասվածքներով և արյան զեղումով։ 2014թ.-ի սեպտեմբերից բուժվում է Շվեյցարիայում` Ժնևյան լճի ափին գտնվող իր առանձնատանը, մարզիկի առողջական վիճակի մասին տեղեկությունները շատ սուղ են։

«Աշխարհի ամենաարագ կինը» վթարի է ենթարկվել` փորձելով գերազանցել արագության սեփական ռեկորդը

317
թեգերը:
հիվանդանոց, Միխայել Շումախեր, Ֆրանսիա
Ըստ թեմայի
Մահացած մրցարշավորդ Բյանկիի ընտանիքը շնորհակալ է երկրպագուներին աջակցության համար
Ձյուն, ցեխ և արագություն. Off-Road մրցավազք՝ Ծաղկաձորում
Ճապոնիայի ոստիակնություն

Սարսափելի դեպք Ճապոնիայում․ ծերանոցում 14 մարդու դի են հայտնաբերել

3
Տեղատարափ անձրևների հետևանքով Ճապոնիայի հարավ-արևմուտքում՝ Կումամոտո պրեֆեկտուրայում, 145 հազար մարդու տարհանում է հայտարարվել։

ԵՐԵՎԱՆ, 4 հուլիսի – Sputnik. Ճապոնիայի ծերանոցներից մեկում 14 մարդու դի է հայտնաբերվել երկրում սկսված տեղատարափներից և ջրհեղեղներից հետո, փոխանցում է ՌԻԱ Նովոստին։

Տարեցների մահվան պատճառները և այլ հանգամանքներ առայժմ հայտնի չեն։

Ավելի վաղ հայտնի էր դարձել, որ տեղատարափ անձրևների հետևանքով Ճապոնիայի հարավ-արևմուտքում՝ Կումամոտո պրեֆեկտուրայում, 145 հազար մարդու տարհանում է հայտարարվել։ Կագոսիմա և Կումամոտո պրեֆեկտուրաների մի շարք վայրերում անձրևների պատճառով հայտարարվել է վտանգի 5-րդ՝ ամենաբարձր մակարդակ։ Տեղի բնակչության համար այդ մակարդակը նշանակում «փրկեք ձեր կյանքը»։

Օդերևութաբանական ծառայությունը բնակչությանը նախազգուշացրել է, որ տեղատարափները կարող են այնպիսի ուժգնության լինել, որպիսին երբևէ չեն եղել։ Կումամոտո պրեֆեկտուրայում 80 հազար բնակիչ անհապաղ տարհանման հրահանգ է ստացել, ևս 65 հազարին խորհուրդ են տվել տարհանվել։

3
թեգերը:
ջրհեղեղ, Դիակ, ծերանոց, ծեր, ճապոնացի, Ճապոնիա
Ինքնաթիռ

Դուբայ–Երևան չարտերային թռիչք է նախատեսված. երբ կկայանա այն

14
(Թարմացված է 13:23 04.07.2020)
Առաջիկա օրերին նախատեսված Դուբայ–Երևան չարտերային թռիչքը կիրականացվի «Արմենիա» ավիաընկերության կողմից։

ԵՐԵՎԱՆ, 4 Հուլիս — Sputnik. Արաբական Միացյալ Էմիրություններում Հայաստանի դեսպանությունը տեղեկացնում է, որ առաջիկայում կկայանա Դուբայ-Երևան չարտերային թռիչքը։

«Հուլիսի 15-ին նախատեսվում է Դուբայ–Երևան չարտերային թռիչքը, որն իրականացվելու է «Արմենիա» ավիաընկերության կողմից։ Տոմսերի ձեռքբերման և այլ մանրամասների վերաբերյալ մոտակա երկու օրերի ընթացքում կտեղեկացվի լրացուցիչ»,–նշված է դեսպանության Facebook սոցիալական ցանցի էջում։

Հիշեցնենք՝ վերջին ամիսների ընթացքում Ռուսաստանի տարբեր քաղաքներից դեպի Հայաստան, այսպես կոչված, տարհանման հատուկ չվերթեր են իրականացվել, մասնավորապես՝ Մոսկվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։

Պարետի որոշմամբ՝ Հայաստան վերադարձող քաղաքացիներն այլևս չեն մեկուսացվում հյուրանոցներում. նրանց ինքնամեկուսացման պահանջ է ներկայացվում։

Տոմսերը վաճառքում կլինեն.ՀՀ քաղաքացիները կարող են հայրենիք վերադառնալ Մոսկվա-Երևան չվերթով

14
թեգերը:
չվերթ, թռիչք, Երևան, Դուբայ
Боевая позиция Армии обороны Карабаха

Սահմանին կրակոցների թիվն ավելացել է. ՊԲ

0
(Թարմացված է 13:58 04.07.2020)
Հունիսի 28-ից հուլիսի 4-ն ընկած ժամանակահատվածում հակառակորդը հայ դիրքապահների ուղղությամբ արձակել է շուրջ 2000 կրակոց` նախորդ շաբաթվա 1600-ի փոխարեն։

ԵՐԵՎԱՆ, 4 հուլիսի — Sputnik. Արցախի պաշտպանության նախարարությունը տեղեկացնում է, որ այս շաբաթ արցախա-ադրբեջանական հակամարտ զորքերի շփման  գոտում հակառակորդի կողմից հայ դիրքապահների ուղղությամբ կրակոցների թիվն ավելացել է։

«Հունիսի 28-ից հուլիսի 4-ն ընկած ժամանակահատվածում հակառակորդը հրադադարի պահպանման ռեժիմը խախտել է ավելի քան 200 անգամ՝ տարբեր տրամաչափի հրաձգային զինատեսակներից հայ դիրքապահների ուղղությամբ արձակելով  շուրջ 2000 կրակոց»,–նշված է հաղորդագրության մեջ։

ՊԲ առաջապահ զորամասերը հիմնականում ձեռնպահ են մնացել պատասխան գործողություններից և շարունակել իրականացնել մարտական դիրքերի հուսալի պահպանություն:

Հիշեցնենք, որ հունիսի 21-ից  27-ն ընկած ժամանակահատվածում հակառակորդը հրադադարի պահպանման ռեժիմը խախտել է ավելի քան 190 անգամ` հայկական դիրքերի ուղղությամբ արձակելով շուրջ 1600  կրակոց:

Զոհրաբ Մնացականյանն Արցախում է. նրան դիմավորել է Մասիս Մայիլյանը

0
թեգերը:
Ադրբեջան, կրակոց, Արցախի պաշտպանության բանակ (ՊԲ), Ղարաբաղյան հակամարտություն, Լեռնային Ղարաբաղ, Արցախ, Սահման
թեմա:
Սահմանին տիրող իրավիճակը
Ըստ թեմայի
«Ադրբեջանի իշխանությունները կճանաչեն Ղարաբաղը, եթե նրանց ստիպեն». Գալինա Ստարովոյտովա
Արմատական առաջխաղացում չկա․ Զախարովան` ղարաբաղյան բանակցությունների մասին
Ղարաբաղի հարցում փուլայնությունը նորություն չէ․ 3 հիմնական հարց է քննարկվում