Ինքնաթիռ

Խոշորագույն գործադուլ British Airways–ի պատմության մեջ. չեղարկվել է ավելի քան 1500 չվերթ

22
Ընկերության կորցրած եկամուտն արդեն գնահատվում է 80 միլիոն ֆունտ ստեռլինգ (ավելի քան 98 միլիոն դոլար)։

ԵՐԵՎԱՆ, 9 սեպտեմբերի — Sputnik. Երկուշաբթի սկսվել է British Airways ընկերության աշխատակիցների երկօրյա գործադուլը։

Ավելի վաղ Daily Telegraph–ը նախազգուշացրել է, որ չեղարկվել է ավելի քան 1500 չվերթ։ Գործադուլը կանդրադառնա ավելի քան 280 հազար մարդու վրա, ընկերության կորուստները կկազմեն 80 միլիոն ֆունտ (ավելի քան 98 միլիոն դոլար)։ Սա ընկերության պատմության ամենամեծ գործադուլն է։

Ընկերության և Ավիաընկերությունների օդաչուների բրիտանական ասոցիացիայի (BALPA) միջև տարաձայնություններ են առաջացել այն բանից հետո, երբ British Airways–ի արհմիությունը մերժել է օդաչուների աշխատավարձը 11,5 տոկոսով ավելացնելու առաջարկը։

Ինչպես բացատրել են ավիաընկերությունում BALPA–ն տեղեկություններ չի ներկայացրել այն մասին, թե քանի օդաչու կմասնակցի գործադուլին, հետևաբար, հնարավոր չի կանխատեսել, թե որ չվերթները հնարավոր կլինի իրականացնել, ուստի բոլորը չեղյալ հայտարարելու մասին որոշում է ընդունվել։

Երևան-Մոսկվա չվերթի ուղևորներից մեկն ասել է, որ իր իրերի մեջ ռումբ կա. նա հանձնվել է

Ուղևորներին առաջարկել են ամբողջովին փոխհատուցել տոմսի արժեքը, ուրիշ ամսաթվով տոմս ամրագրել։ Ընկերությունը ներողություն է հայցել պատճառած անհարմարությունների համար։

Լրատվամիջոցներում տարածված տեղեկատվությունը ուսումնասիրվում է. Քաղավիացիայի կոմիտե

Ավելի վաղ British Airways–ի օդաչուները հայտարարել են սեպտեմբերի 9-ին, 10-ին և 27-ին գործադուլ անցկացնելու մտադրության մասին, որն ուղղված է աշխատավարձի շուրջ առաջացած դժգոհությունների դեմ։

22
թեգերը:
ուղևոր, գործադուլ, չվերթ
Ըստ թեմայի
Տարեվերջին ռուսական ավիաընկերությունները կարող են 10 տոկոսով թանկացնել տոմսերը
«Շերեմետևոյում» երկու ինքնաթիռ բախվել են միմյանց. տեսանյութ
«RyanAir»–ը շատ է հետաքրքրված Հայաստանով. ե՞րբ ընկերությունը մուտք կգործի հայկական շուկա
«Պոբեդայի» ինքնաթիռի` Գյումրիում կատարած կոշտ վայրէջքի դեպքով զբաղվում է ՌԴ ավիացիան