ԵՐԵՎԱՆ, 7 սեպտեմբերի — Sputnik. Ռուսաստանի և Ուկրաինայի միջև բանտարկյալների փոխանակման ընթացակարգը սկսվել է։ Այս մասին հայտնում են ռուսական տելեգրամ ալիքները։ Ռուսական կողմից մի քանի ավտոբուսներ դուրս են եկել Լեֆորտովոյի քննչական մեկուսարանից։ Լրագրողները տեղեկացնում են, որ Կիևի մոտ գտնվող հանգստավայրից դուրս են բերել մի քանի ռուսաստանցիների։
Flightradar-ի տվյալներով՝ ռուսաստանցիներին տեղափոխող ինքնաթիռը, որոնց ազատ արձակելու մասին պայմանավորվել են Մոսկվան և Կիևը, մեկնել է ուկրաինական «Բորիսպոլ» օդանավակայանից։ Ռուսաստանի քաղաքացիները հայրենիք են մեկնել «Ռոսիա» հատուկ ջոկատի ինքնաթիռով։
Ավելի վաղ «Ռոսիայի» ինքնաթիռը` ուկրաինացի բանտարկյալներով, վայրէջք է կատարել «Բորիսպոլ» օդանավակայանում։ Սպասվում է, որ Ուկրաինային կհանձնեն նաև ռեժիսոր Օլեգ Սենցովին։
