Բրյուսել. արխիվային լուսանկար

Կհանդիպեն արդյո՞ք Փաշինյանն ու Թրամփը. Զոհրաբյանը խոսել է վարչապետի` ԱՄՆ այցի մասին

189
(Թարմացված է 13:43 22.08.2019)
ՀՀ ԱԳ նախարար Զոհրաբ Մնացականյանն անդրադարձել է ՀՀ վարչապետի` ԱՄՆ նախանշված այցին և ԱՄՆ նախագահի ու պետքարտուղարի հետ հնարավոր հանդիպմանը։

ԵՐԵՎԱՆ, 22 օգոստոսի — Sputnik. ԱՄՆ նախագահ Դոնալդ Թրամփի ու Պետքարտուղար Մայք Պոմպեոյի հետ ՀՀ վարչապետ Նիկոլ Փաշինյանի հնարավոր հանդիպման շուրջ պայմանավորվածություն այս պահին ձեռք չի բերվել։ Այս մասին այսօր կառավարության նիստի ավարտին, լրագրողների հետ զրույցում հայտնեց ՀՀ ԱԳ նախարար Զոհրաբ Մնացականյանը։

«ԱՄՆ նախագահ Թրամփի և պետքարտուղար Պոմպեոյի հետ հանդիպում մեր արտաքին քաղաքական օրակարգում կա։ Կլինի, երբ կլինի»,– ասաց նախարարը։

Լրագրողների դիտարկմանը, թե ՀՀ դիվանագիտական կորպուսին չի հաջողվում կազմակերպել Փաշինյանի հանդիպումը ԱՄՆ ղեկավարների հետ, Մնացականյանը չհամաձայնեց` ասելով. «սխալ են ասում»։

«Թրամփի և Պոմփեոյի հետ հանդիպում չենք ունեցել, բայց դրանից մեր հարաբերությունների մակարդակը ԱՄՆ–ի հետ չի նվազել»,– ասաց Մնացականյանը։

Հիշեցնենք` սեպտեմբերի 22-ին նախանշված է ՀՀ վարչապետ Նիկոլ Փաշինյանի այցը ԱՄՆ` ՄԱԿ–ի գլխավոր ասամբլեայի շրջանակներում։

Լոս Անջելեսի ժամանակով ժամը 16.00-ին Փաշինյանը հանդիպելու է հայ համայնքի հետ։

189
թեգերը:
Զոհրաբ Մնացականյան, Միացյալ Ազգերի Կազմակերպություն (ՄԱԿ), ԱՄՆ, Դոնալդ Թրամփ, Նիկոլ Փաշինյան
Ըստ թեմայի
Սարգսյան. «ԱՄՆ-ի նախագահ Դոնալդ Թրամփի վարչակազմն ամենաիսրայելամետ վարչակազմն է»
Թրամփի մամուլի քարտուղարը տուժել է ԱՄՆ-ԿՀԺԴ առաջնորդների հանդիպման միջադեպի ընթացքում
Քաղաքականության փոփոխություն չի լինի. ԱԳ նախարարը` Փաշինյանի հայտարարության մասին