Պակիստան

Պակիստանն արգելել է հնդկական ֆիլմերը

79
(Թարմացված է 16:25 09.08.2019)
Քաշմիրի շուրջ հերթական սրացման ֆոնին Պակիստանի կառավարությունը որոշել է հարևան երկրի հետ մշակութային շփումները լիովին դադարեցնել։

ԵՐԵՎԱՆ, 9 օգոստոսի — Sputnik. Պակիստանի իշխանությունը դադարեցրել է Հնդկաստանի հետ երկաթուղային հաղորդակցությունը և արգելել է հնդկական ֆիլմեր ցուցադրել կինոթատրոններում։

«Ոչ մի հնդկական կինո չի ցուցադրվի Պակիստանի կինոթատրոններում։ Ներկայացումները, ֆիլմերն ու հնդկական մշակույթին առնչվող ցանկացած այլ բան ամբողջությամբ կարգելվի Պակիստանում»,–Twitter–ի իր էջում գրել է Պակիստանի վարչապետի տեղեկատվական հարցերով խորհրդական Ֆիրդու Աշիկ Ավանը։

Պակիստանի երկաթուղային տրանսպորտի նախարար Շեյխ Ռաշիդ Ահմեդն էլ հայտարարել է Samjhota Express գնացքի ուղերթերի չեղարկման մասին։ Դա Հնդկաստանն ու Պակիստանը կապող միակ երկաթուղային երթուղին է։ «Քանի դեռ ես երկաթուղային տրանսպորտի նախարարն եմ, Samjhota Express գնացքն այլևս չի երթևեկելու», – հայտարարել է պաշտոնյան։

Օրերս Հնդկաստանը չեղարկել է Սահմանադրության 370-րդ հոդվածը, որը հատուկ կարգավիճակ էր տալիս Ջամու և Քաշմիր շրջանին (թույլ էր տալիս ունենալ առանձին սահմանադրություն, պետական դրոշ ու ինքնավար ներքին կառավարում)։

Հնդկաստանի քաղաքացին Հայաստանում բացած գրասենյակի միջոցով թալանել է ԱՄՆ 60 քաղաքացիների

79
թեգերը:
արգելք, երկաթուղի, հնդկական ֆիլմ, Պակիստան
Ըստ թեմայի
Ինչպիսի՞ն կլինի 2019թ-ը. Վանգան նախազգուշացրել է ծանր ժամանակների մասին
Էժան աշխատուժը` որպես առաջընթացի խոչընդոտ. ո՞ւմ են խանգարում հնդիկները Հայաստանում
Երևանի անտունների կացարանում էլ են «հնդիկներ» բնակվում ու չեն ուզում հեռանալ Հայաստանից
Ահաբեկչությունը Հնդկաստանի և Հայաստանի հարևանների համար ելք չէ. հարցազրույց դեսպանի հետ
Մանեկեններ

Վրաստանում գործող հագուստի խանութների հանդերձարանները կփակվեն

31
(Թարմացված է 00:16 27.05.2020)
Ընկերության ներկայացուցիչները քայլեր են ձեռնարկում, որպեսզի կանխեն կորոնավիրուսի տարածումը։

ԵՐԵՎԱՆ, 27 մայիսի – Sputnik. Վրաստանի մի շարք խանութների հաճախորդները չեն կարողանա գնումներ կատարելուց առաջ փորձել հագուստը։ Retail Group Georgia ընկերության տնօրեն Ռեզո Մագալաշվիլին «Բիզնեսպրեսնյուսի» հետ զրույցում ասել է, որ խանութների հանդերձարանները կփակվեն։

Խոսքը վերաբերում է Zara, Massimo Duti, Oisho, Bershka, Stradivarius և Վրաստանում ներկայացված մի շարք ապրանքանիշներին։ Որոշման պատճառը կորոնավիրուսի համավարակն է։ Արգելքն ուժի մեջ կմտնի, երբ սահմանափակումները կչեղարկվեն ու առևտրի կենտրոնները կբացվեն։

«Մեծ ռիսկ կա, որ վարակը կարող է տարածվել նաև հագուստի միջոցով, այդ պատճառով էլ կանխարգելիչ միջոցներ կկիրառվեն», - ասել է Մագալաշվիլին։

Նա նշել է նաև, որ հագուստը վերադարձնելու դեպքում այն անպայման կախտահանվի։

Հիշեցնենք` Վրաստանը մայիսի 23-ին որոշեց չերկարաձգել արտակարգ դրության ռեժիմը, սակայն մի շարք սահմանափակումներ կգործեն մինչև հուլիսի 15-ը։ Օրինակ` հագուստի և կոշիկի խանութներն այժմ կարող են միայն առցանց աշխատել։

Մայիսի 26-ի դրությամբ՝ Վրաստանում 732 մարդ է վարակվել կորոնավիրուսով։

Բարի գալուստ ապագա. նստել եմ թախտին, սպասում եմ առաքմանը, նրանք ինձ հաց ու ջուր են բերում

31
թեգերը:
կորոնավիրուս, խանութ, Վրաստանի Հանրապետություն
թեմա:
Կորոնավիրուսը Չինաստանում և աշխարհում
Ըստ թեմայի
Բալիի փոխարեն «Զում», կամ հայաստանյան առցանց հարսանիքն արտակարգ դրության պայմաններում
Կորոնավիրուսը բոլորի տուն «կմտնի», կամ վարակը ստիպում է հիշել «տալոնով» հացը
Սերիալներ, շաուրմա, կարկանդակներ․ ինչ են որոնել և պատվիրել հայերը արտակարգ դրության օրերին
Առցանց առևտուր ու բժշկություն. ինչ է փոխել կորոնավիրուսը Հայաստանի աշխատաշուկայում
Բեթղեհեմում գտնվող տաճարը բացվել է Հայ առաքելական եկեղեցու հոգևորականների ներկայությամբ

Բեթղեհեմում գտնվող տաճարը բացվել է Հայ առաքելական եկեղեցու հոգևորականների ներկայությամբ

28
(Թարմացված է 23:52 26.05.2020)
Բացման արարողությանը ներկա են եղել տաճարի պատասխանատու երեք եկեղեցիների ղեկավարները։

ԵՐԵՎԱՆ, 26 մայիսի - Sputnik. Բեթղեհեմի Սուրբծննդյան տաճարը եռամսյա դադարից հետո բացվել է հավատացյալների համար։ Տեղեկությունը ՌԻԱ Նովոստիին է հայտնել Երուսաղեմի աջակցության մահմեդական–քրիստոնեական հիմնադրամի նախագահ Հաննա Իսսան։

Տաճարը փակ էր մարտի 5-ից։ Իսսան ասել է, որ մի քանի քրիստոնյա հոգևորականներ են հետևել եկեղեցու բացման արարողությանը։ Ներկա են եղել տաճարի պատասխանատու երեք եկեղեցիների ղեկավարները (Երուսաղեմի ուղղափառ եկեղեցի, Երուսաղեմի Հայոց պատրիարքություն, Երուսաղեմի լատինական պատրիարքարանի կաթոլիկ եկեղեցի – խմբ․)։

Տաճարը քրիստոնյա աշխարհի ամենանշանակալի սրբավայրերից է, ըստ ավանդության` կառուցված է Հիսուս Քրիստոսի ծննդյան վայրում։

Ավելի վաղ հայտնի էր դարձել, որ կորոնավիրուսի համավարակի պատճառով երկու ամիս փակ մնալուց հետո բացվել է նաև Երուսաղեմի Սուրբ Հարության տաճարը։

28
թեգերը:
տաճար, Բեթղեհեմ
Ըստ թեմայի
Միրանը համբուրում է Մայր տաճարի դուռը, բայց չի խաչակնքվում. ինչո՞ւ է նա պահպանում Անին
Հայկական եկեղեցին` ոչխարների փարախ. ինչպես Խարբերդի հայերը փրկեցին մշակութային կառույցը
Ստամբուլի հայկական եկեղեցին վառելու փորձի հարցը Թուրքիայի խորհրդարան է հասել