ԵՐԵՎԱՆ, 4 օգոստոսի — Sputnik. Աշխարհահռչակ իտալացի դերասանուհի և մոդել Մոնիկա Բելուչին խոստովանել է, որ հենց ինքն է որոշել ամուսնալուծվեց ֆրանսիացի դերասան Վենսան Կասելից։ Այդ մասին նա պատմել է Madame Figaro ամսագրին տված հարցազրույցում։

Վեց տարի առաջ հայտնի դարձավ, որ այս հրաշք զույգը բաժանվում է։ Մոնիկան ու Վենսանը 15 տարի միասին են ապրել, թեև հաճախ տարբեր տներում, իսկ երբեմն նույնիսկ տարբեր երկրներում են գտնվել։

Թեև Բելուչին ինքն է նախաձեռնել ամուսնալուծությունը, նա խոստովանել է, որ զգացմունքները նախկին ամուսնու հանդեպ չեն մարել։

«Երբ ստիպված ես բաժանվել որևէ մեկից, դա չի նշանակում, որ իրեն այլևս չես սիրում։ Պարզապես դուք էլ չեք կարող միասին լինել», - պարզաբանել է դերասանուհին։

Կասելից բաժանվելուց հետո դերասանուհին սիրավեպ է  սկսել 37-ամյա քանդակագործ Նիկոլյա Լեֆևրի հետ։ Նա հաճախ է ուղեկցում դերասանուհուն խնջույքների ժամանակ ու լուրեր են պտտվում, որ զույգը պատրաստվում է ամուսնանալ։

Խոսելով պլաստիկ վիրահատությունների մասին` Բելուչին ասել է, որ դեմ չէ դրանց, ու նույնիսկ չի բացառել, որ ապագայում կարող է դիմել վիրահատության օգնությանը։ Բայց նաև ընդգծել է, որ տարիքային փոփոխությունները միայն օգնում են իր կարիերային ու թույլ են տալիս նորովի բացահայտել դերասանական տաղանդը։

© Sputnik / Екатерина Чеснокова

«Հիասքանչ ես». 54-ամյա Մոնիկա Բելուչին ցուցադրել է կրծքերն ու ոտքերը. լուսանկարներ

«Կնճիռներն ու աչքի տակի պարկերը նոր կերպար են ստեղծում։ Հիմա ես պատրաստ չեմ վիրաբույժի մոտ գնալ երիտասարդության «չափաբաժին» ստանալու համար», - ասել է նա։

Դերասանուհին չի խորշում ծերանալուց ու կարծում է, որ միշտ իր տարիքից մեծ է երևացել։ Ավելին, երբ նա 16 տարեկան էր, ուսուցիչները ստիպում էին մաքրել կոսմետիկան, քանի որ նա մեծ կնոջ տեսք ուներ։ Իսկ տատը խրախուսում էր թոռան սերը շպարի, մատնահարդարման ու բարձրակրունկ կոշիկների հանդեպ։

Նշենք՝ Մոնիկա Բելուչին 54 տարեկան է, նրա դերասանական կարիերան շարունակում է վերելք ապրել։ Վերջերս նա Բոնդի ընկերուհու դերն է կատարել, որից հետո նկարահանվել է Էմիր Կուստուրիցայի ֆիլմում։ Ռեժիսորն ասում է, որ Բելուչիի աչքերում կրակ կա, բայց նա անմեղ տեսք ունի։

Կարմիր հագած Բելուչին խորհուրդ է տալիս` կերեք, խմեք, զբաղվեք սեքսով և շատ ծիծաղեք

ԵՐԵՎԱՆ, 3 մարտի – Sputnik. Ավարտվեց «Հայրենիքի փրկության շարժման» անդամների հանդիպումը ՀՀ նախագահ Արմեն Սարգսյանի հետ։ «Հայրենիք» կուսակցության ղեկավար Արթուր Վանեցյանը հանդիպումից հետո լրագրողներին հայտնեց, թե ինչ է խոստացել ՀՀ նախագահը։

«Նախագահի հետ հանդիպման ժամանակ քննարկվել են հարցեր, որոնք կապված են Զինված ուժերի ԳՇ պետի ազատման դիմումը Սահմանադրական դատարան ուղարկել-չուղարկելու հետ։ Նախագահը լսեց մեր հարցերը, տեսակետները, նշեց, որ առաջիկա ժամերին իր որոշման մասին կհայտնի»,-ասաց Վանեցյանը։

Հավելենք, որ նախագահի հետ հանդիպմանը մասնակցում էին «Հայրենիք» կուսակցության նախագահ Արթուր Վանեցյանը, ՀՅԴ անդամ Արծվիկ Մինասյանը, ՀՀԿ-ական Վահրամ Բաղդասարյանը և Հայրենիքի փրկության շարժման վարչապետի միասնական թեկնածու Վազգեն Մանուկյանը։

© Photo : official site of the MoD of RA

Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ

ՀՀ նախագահի մամուլի ծառայությունը երեկ հայտնեց, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը, միաժամանակ առաջնորդվելով Սահմանադրության 169-րդ հոդվածի 1-ին մասի 4-րդ կետով` ՀՀ նախագահն առանձին դիմումով դիմելու է ՍԴ` «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով։

Ավելի վաղ «Մեկ Հայաստան» կուսակցության նախագահ, Հայրենիքի փրկության շարժման ներկայացուցիչ Արթուր Ղազինյանը գրել էր, որ Արմեն Սարգսյանն ու Նիկոլ Փաշինյանը երեկ եկել են համաձայնության՝ իրավական աճպարարության միջոցով իրագործելու Նիկոլ Փաշինյանի` Օնիկ Գասպարյանին զբաղեցրած պաշտոնից ազատելու ցանկությունը։ Մասնավորապես, ըստ հաստատված ծրագրի, Արմեն Սարգսյանը կդիմի ՍԴ, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։

Ղազինյանի խոսքով` նման սխեմա կիրառվել է նաև 2018թ-ին Մովսես Հակոբյանին զբաղեցրած պաշտոնից ազատելու համար։ ՀՀ ԱԺ նշված օրենքում կատարվել է լրացում, համաձայն որի` բարձրագույն հրամանատարական կազմի` զինվորական պաշտոնից ազատումը կարող է իրականացվել` անկախ այն հանգամանքից՝ առկա են սույն հոդվածի 1-ին մասում սահմանված հիմքեր, թե ոչ։

© Photo : press office of the Government of RA

Փաշինյան-Մարուքյան հանդիպումը հետաձգվել է

Նրա խոսքով` սա նշանակում է, որ Օնիկ Գասպարյանին զբաղեցրած պաշտոնից ազատելու ՀՀ վարչապետի որոշումը կմտնի օրինական ուժի մեջ, և Օնիկ Գասպարյանը իրավաբանորեն կդադարի լինել ՀՀ ԶՈւ Գլխավոր շտաբի պետ։

Հիշեցնենք` Հայաստանի ներքաղաքական իրադրությունը սրվեց, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ 

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ հեղափոխությունը պաշտպանելու համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը  առաջարկությունը կրկին ուղարկեց ՀՀ նախագահին։