Սմարթֆոնով տղամարդ

Այ քեզ բան․ տղամարդը հատուկ հեռախոս կունենա, Մարսը «կմոտենա», իսկ շապիկը կզինվի օդորակիչով

371
(Թարմացված է 17:03 29.07.2019)
Իլոն Մասկի թիմը հասնում է ավելի մեծ հաջողությունների, բայց այս անգամ՝ տիեզերական մասշտաբների։ Ճապոնական արտադրության հատուկ շապիկները չեն թողնի, որ մարդիկ շոգեն կամ մրսեն, իսկ տղամարդիկ կկարողանան խոսել «առնական» հեռախոսներով։

ԵՐԵՎԱՆ, 27 հուլիսի – Sputnik, Գոռ Մարգարյան․ Այս շաբաթ պարզվեց, որ SpaceX ընկերության ղեկավար Իլոն Մասկը շատ մոտ է իր վաղեմի երազանքին, իսկ ռուսական բանակը հնարավոր է` զինվի հատուկ «տղամարդկային» հեռախոսներով։ Հիմա ամեն ինչի մասին՝ հերթով։

Ուշադրություն. դռները փակվում են, հաջորդ կայարանը՝ Մարս

Հուլիսի 26-ին SpaceX ընկերությունը փորձարկել է Starship տիեզերանավի Starhopper կոչվող հրթիռի նախատիպը։ Այն 20 մետր կտրվել է գետնից և վայրէջք կատարել հատուկ հարթակի վրա։ Փորձարկումները տևել են մոտ մեկ րոպե։

Starhopper-ի մեջ ներկառուցված է Raptor շարժիչ, որն աշխատում է հեղուկ մեթանով։ Կրող հրթիռը «բաց են թողել» SpaceX Boca Chica փորձարարական տարածքից։

Հաջող թռիչքից անմիջապես հետո ընկերության նախագահ Իլոն Մասկը հայտարարել է, որ Starhopper-ը հաջորդ թեստի ժամանակ բարձրանալու է 200 մետր։ Այս փորձարկումների հաջողությունները Մասկին ավելի են մոտեցնում իր վաղեմի երազանքին, այն է՝ մարդկանց մի խումբ ուղարկել Մարս։

Իսկ ինչ վերաբերում է Starship տիեզերանավին, ապա փորձնական թռիչքը նախատեսվում է այս տարվա աշնանը։ Այս ամենից հետո մնում է միայն և սպասել, թե երբ պիտի վերջապես մարդն առաջին անգամ ոտք դնի Մարսի վրա։

Գնիր շապիկ, կոնդիցիոները կստանաս անվճար

Հատկապես այս շոգ օրերին բոլորս էլ երազել ենք կամ երազում ենք ունենալ հովացման շարժական համակարգ, որը մեզ հետ կլինի ամեն տեղ։ Sony-ին ներկայացրել է առաջին դյուրակիր կոնդիցիոները։ Ընկերությունն արդեն փող է հավաքում նախագծի համար, որը տեղադրվելու է շապիկի օձիքին։ Այս մասին գրված է ընկերության պաշտոնական կայքում։

Կոնդիցիոներն այնքան հզոր է, որ կարող է մարմնի ջերմությունը հասցնել մինչև 23 աստիճանի։ Reon Pocket սարքում տեղադրված է Bluetooth 5.0 մոդուլ, որի միջոցով հնարավոր կլինի սմարթֆոնի օգնությամբ կառավարել սարքը։ Այն աշխատում է երկու ռեժիմով՝ տաքացման ու սառեցման, և կարող է ավտոմատ միանալ։

Նախագիծն իրագործելու համար պահանջվող ավելի քան 600 հազար դոլարից 45 տոկոսն արդեն հավաքվել է։ Թողարկումից հետո գաջեթի արժեքը կկազմի մոտավորապես 140 000 դրամ։ Արժեքում ներառվելու են սարքն ու ձեր նախընտրած չափի հատուկ շապիկը։ Սպասվում է, որ Ճապոնիայում սարքը շուկայում կհայտնվի 2020 թվականի գարնանը։

«Գերառնական» հեռախոս` միայն տղամարդկանց համար

BQ ռուսական ընկերությունը Ռազմածովային նավատորմի և օդադեսանտային զորքերի օրվա կապակցությամբ հատուկ զինծառայողների համար հեռախոս է գործարկել, որը կոչվում է BQ 2432 Tank SE։ Այս մասին հայտնում է 3Dnews-ը։

Կոճակներով սարքը լիովին համապատասխանում է ռուսական բանակում թույլատրվող պահանջներին, այսինքն` չունի ձայնագրիչ, ֆլեշ–կուտակիչ, տեսախցիկ, Bluetooth, համացանցի հասանելիություն և MMS։

«Տղամարդկային» դիզայնով հեռախոսը հատուկ այնպես է մշակվել, որ ընդգծվի ռուսական բանակին պատկանելու փաստը և ունենա առավելագույն ամրություն ու անցանց աշխատելու երկարատևություն։

Սարքն ունի երկու լապտերիկ, բարձրախոս և 2500 միլիամպերանոց մարտկոց, ինչի շնորհիվ հեռախոսն առանց հավելյալ լիցքավորման կարող է մի քանի շաբաթ շարունակ աշխատել։

Ապարատի արտաքին հատվածը պլաստիկից է, բայց ամրացված է մետաղական գամերով, իսկ սնուցման բնիկը պաշտպանված է ռետինե խցանով, որպեսզի պաշտպանի փոշուց ու կեղտից։

Այս «առնական» սարքի արժեքն էլ մոտավորապես 13 հազար դրամ է։

Տեղեկատվական տեխնոլոգիաների և նորարարությունների ոլորտում շաբաթվա ընթացքում այլ իրադարձություններ էլ են տեղի ունեցել, որոնց մասին մենք արդեն գրել ենք, այնպես որ խորհուրդ կտամ կարդալ ևս մի քանի լուր, որոնք չեն վրիպել մեր աչքից։

Ամերիկյան «կծած խնձորը» մեկ միլիարդ դոլարով գնել է Intel-ի մի մասը

Samsung-ը հայտնել է` երբ է մեկնարկելու ծալվող սմարթֆոնի վաճառքը

Hyundai-ն արևային մարտկոցներով ու սմարթֆոնով կառավարվող նոր մեքենա է ներկայացրել

Google-ը գտնված թերությունների համար պատրաստվում է մինչև 150 հազար դոլար վճարել

Toyota-ն պատրաստվում է լուսնագնացներ արտադրել

371
թեգերը:
Այ քեզ բան, հեռախոս, Մարս, օդորակիչ, տղամարդ
թեմա:
Տեխնիկա և նորարարություններ (170)
Ըստ թեմայի
«Գիրք չի կարդում...». ի՞նչ պետք է անի ծնողը, որպեսզի երեխան սմարթֆոնը փոխարինի գրքով
Hyundai-ն արևային մարտկոցներով ու սմարթֆոնով կառավարվող նոր մեքենա է ներկայացրել
Samsung-ը հայտնել է` երբ է մեկնարկելու ծալվող սմարթֆոնի վաճառքը
Գառնի

Բացահայտեցի մի նոր զբոսաշրջային երկիր. ՀՀ-ն և Հորդանանը տուրիզմի ոլորտում կհամագործակցեն

1
(Թարմացված է 15:06 30.07.2021)
Երկու երկրների միջև զբոսաշրջության ոլորտում համագործակցելուն ուղղված հուշագիր ստորագրվեց։

ԵՐԵՎԱՆ, 30 հուլիսի - Sputnik. Տուրիզմի հայկական ֆեդերացիայի նախագահ Մեխակ Ապրեսյանը Հորդանանի զբոսաշրջության ոլորտի փորձագետ Ադել Ամինի հետ լրագրողներին ներկայացրեց զբոսաշրջության ոլորտում Հայաստանի և Հորդանանի համագործակցության հնարավորությունները։

«Ուզում եմ ուրախությամբ տեղեկացնել, որ մոտ 3 ամիս է մենք Հորդանանի հետ ակտիվ կապեր ենք սկսել զբոսաշրջության ոլորտում համագործակցությունն ակտիվացնելու ուղղությամբ։ Պարոն Ադել Ամինի միջոցով մենք կապ ենք հաստատել Հորդանանի զբոսաշրջության ասոցիացիայի հետ և այս ընթացքում մի քանի անգամ առցանց քննարկումներ ենք ունեցել»,–ասաց Ապրեսյանը։

Նրա խոսքով` Հորդանան այցելությունների վիճակագրական ցուցանիշը Հայաստանի համար դեռ գովելի չէ, բայց ներուժը շատ մեծ է, և հույս կա, որ կարող են այն արդյունավետորեն օգտագործել և բազմապատկել։ «Հորդանանը մեզ համար կարող է զբոսաշրջության լավ շուկա հանդիսանալ»,–ասաց Ապրեսյանը։

Հորդանանի զբոսաշրջության ոլորտի փորձագետ Ադել Ամինն էլ նշեց, որ արդեն 3–րդ անգամ է այցելում Հայաստան և իր համար անսպասելի էր այն, ինչ տեսել է այստեղ։

«Ձեր երկիրը մեր երկրի նման փոքր է, բայց շատ հարուստ մշակութային ժառանգություն ունի։ Ես Հայաստան էի եկել բիզնես նպատակներով, բայց տեսնելով զբոսաշրջային պոտենցիալը, որոշեցի այդ ուղղությամբ աշխատել։ Ես Հայաստանում ինձ համար բացահայտեցի մի նոր զբոսաշրջային երկիր»,–ասաց նա։

Ամինը նաև տեղեկացրեց, որ Հորդանանում մեծ հայկական համայնք կա, որը շատ հարգված է, ուստի իրենց երկիրը ուրախ կլինի ընդունել հայ զբոսաշրջիկներին։

Երևանյան հնագույն քարայրը. ինչպես Հրազդանի ձորը դարձնել զբոսաշրջության կենտրոն

Նա նաև նշեց, որ հորդանանցիները որպես կանոն տարվա մեջ ճամփորդում են երկու անգամ, հիմնականում արձակուրդային ժամանակահատվածում։

«Ճիշտ է Հորդանանն այդքան հարուստ երկիր չէ, բայց հորդանանցիները սիրում են նոր զբոսաշրջային երկրներ բացահայտել։ Նրանք ասում են` «արժեք` ծառայությունների դիմաց», այսինքն` պատրաստ են վճարել, եթե իրենց հարազատ ու արժեքավոր բան տեսնեն»,–ասաց նա։

«Գառնի–Գեղարդն» անցյալում է. ի՞նչն է պակասում երիտասարդ զբոսաշրջիկներին Հայաստանում

Մոտ ապագայում նախատեսվում են փոխադարձ ճանաչողական այցեր կազմակերպել զբոսաշրջային օպերատորների և լրագրողների մասնակցությամբ։ Ժամկետների հետ կապված դեռ քննարկումներ են ընթանում, որպեսզի դա հնարավորինս մոտ ապագայում լինի։

Ասուլիսի վերջում երկու երկրների միջև զբոսաշրջության ոլորտում համագործակցելուն ուղղված հուշագիր ստորագրվեց։

1
թեգերը:
Հորդանան, Հայաստան, զբոսաշրջություն, Զբոսաշրջիկ
Ըստ թեմայի
Զբոսաշրջություն անիվների վրա. հանդիպել են ՀԿԵ-ի և տուրիստական ընկերությունների ղեկավարները
Հայաստանում ոչ բոլոր զբոսաշրջիկները կկարողանան պատվաստվել. նախարարություն
Քերոբյանը մտածում է բժշկական զբոսաշրջության մասին. նրան ոգեշնչել են իրանցիների հերթերը
Ռդ ԱԳՆ

Ռուսաստանին մտահոգում է հայ-ադրբեջանական սահմանին ստեղծված իրավիճակը

97
(Թարմացված է 13:34 30.07.2021)
Ռուսաստանի ԱԳՆ -ն կոչ է անում կողմերին ձեռնպահ մնալ գործողություններից, որոնք կարող են հանգեցնել իրավիճակի հետագա վատթարացմանը:

ԵՐԵՎԱՆ, 30 հուլիսի - Sputnik. Ռուսաստանի ԱԳՆ–ն  հայտարարում է, որ լրջորեն անհանգստացած են հայ-ադրբեջանական սահմանի առանձին հատվածներում վերջերս տեղի ունեցած զինված միջադեպերից, որոնք հանգեցրել են մարդկային զոհերի։

Ռուսաստանի ԱԳՆ Տեղեկատվության և մամուլի դեպարտամենտի փոխտնօրեն Ալեքսանդր Բիկանտովի հայտարարությունում ասվում է, որ իրավիճակը սահմանին շարունակում է լարված մնալ, սակայն Ռուսաստանը պատրաստ է հետագայում ևս անհրաժեշտ աջակցություն ցուցաբերել իրավիճակի կարգավորման համար, մասնավորապես մասնակցել սահմանազատման և սահմանագծման աշխատանքներին։

Մոսկվայում մտադիր են ակտիվորեն աշխատել Անդրկովկասը կայունության, անվտանգության և բարգավաճման գոտի դարձնելու ուղղությամբ ։

Ռուսաստանի ԱԳՆ - ն կոչ է անում կողմերին ձեռնպահ մնալ գործողություններից, որոնք կարող են հանգեցնել իրավիճակի հետագա վատթարացմանը:

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Այսօր` հուլիսի 30–ին, Խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

97
թեգերը:
Սահման, Ռուսաստան, հայ-ադրբեջանական, Ադրբեջան, Հայաստան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Սահմանի վրա ճնշումներով Անկարան ու Բաքուն փորձում են զիջումներ կորզել Հայաստանից․ փորձագետ
Սահմանին տեսալուսանկարահանում անելու համար 100 հազար դրամ տուգանք կսահմանվի
Համայնքների ղեկավարները ԶԼՄ–ներին տեղեկություն չտան սահմանի մասին. առաջարկ կառավարությանը
Больница

Արցախից ծանր գանգուղեղային վնասվածքով Երևան է տեղափոխվել 3-ամյա երեխա

0
Ներկա պահին երեխայի վիճակի մեջ դրական տեղաշարժ կա, սկսել է ինքնուրույն շնչել։

ԵՐԵՎԱՆ, 30 հուլիսի - Sputnik. Արցախից ծանր գանգուղեղային վնասվածքով Երևանի «Սուրբ Աստվածամայր» ԲԿ է տեղափոխվել 3-ամյա երեխա: Տեղեկությունը Facebook–ի էջում հայտնում է ԲԿ–ի մամուլի ծառայությունը։

Նշվում է, որ փոքրիկը նախ տեղափոխվել է Ստեփանակերտի հիվանդանոց, որտեղ նրան ցուցաբերվել է առաջին բուժօգնություն, ապա վիճակը կայունացնելուց հետո ռեանիմոբիլով տեղափոխվել է Գորիս։ Գորիսում փոքրիկին սանավիացիայով դիմավորել ու Երևան են հասցրել «Սուրբ Աստվածամայր» ԲԿ-ի բժիշկները:

«Վիճակը ընդունման պահին գնահատվում էր ծանր, միացված էր արհեստական շնչառության սարք: Ներկա պահին վիճակի մեջ դրական տեղաշարժ կա, գիտակցությունը տեղն է, սկսել է շնչել ինքնուրույն»,–նշված է հաղորդագրության մեջ:

Դեպքի առնչությամբ այս պահին այլ մանրամասներ չեն հաղորդվում։ Հայտնի չէ, թե երեխան ինչից է տուժել։

0