Թռչող ավտոմեքենա

Այ քեզ բան. թռչող մեքենաները կմրցեն օդում, «տպած» մեքենայով կերթևեկեն ու ռոբոտին չեն նկատի

315
(Թարմացված է 10:37 07.07.2019)
Ընդամենը մեկ տարի անց թռչող մեքենաները մրցույթի դուրս կգան, չի բացառվում, որ մոտ ապագայում հետախուզության գնան ռոբոտները, իսկ տպիչով սարքված մեքենաների թիվն էլ ավելանա։ Մի խոսքով, այն, ինչ կկարդաք այս հոդվածում, գուցե ֆանտաստիկ ժանրի ֆիլմ թվա, մինչդեռ իրականությունն է։

ԵՐԵՎԱՆ, 7 հուլիսի – Sputnik, Գոռ Մարգարյան. Այս շաբաթ պարզվեց, որ ռոբոտները ոչ միշտ են ունենում բարդ մեխանիզմ, Lamborghini-ի համար պարտադիր չէ 300 հազար դոլար ծախսել, իսկ ինչ–որ մեկը չի ափսոսում 90 հազար դոլար վճարել 80-ականներին ստեղծված խաղի համար: Հիմա ամեն ինչի մասին՝ հերթով:

Երկնքում թռչող ավտոմեքենաների մրցավազք է անցկացվելու

Միայն պատկերացրեք այսպիսի տեսարան. 10 թռչող ավտոմեքենա 7 հարկանի շենքի բարձրության վրա մրցում են անհավանական արագությամբ ու փորձում են իրար շրջանցել: Ֆանտաստիկ ժանրի ֆիլմ է հիշեցնում, այնպես չէ՞։ Այնինչ 2020 թվականին հնարավոր կլինի մասնակցել նման մրցույթի, որն անցկացվելու է Airspeeder մրցավազքային սերիայի շրջանակում և լինելու է «Ֆորմուլա-1»–ի բարձրտեխնոլոգիական տեսակը, նույնիսկ ավելի վտանգավոր: Այս մասին հայտնում է cnet-ը:

Կազմակերպիչները դեռ ոչինչ չեն ասում, թե ինչպես են պատրաստվում ապահովել օդաչուների և հանդիսատեսի անվտանգությունը, չէ՞ որ այդ բարձրության վրա և այդպիսի արագությամբ վթարը իրոք աղետալի հետևանքներ կարող է ունենալ:

Մրցավազքերին մասնակցելու են Alauda ավստրալիական ընկերության արտադրած թռչող ավտոմեքենաները: Ընկերությունն արդեն ստեղծել է մի քանի նախատիպ, որոնք բազմաթիվ փորձարկումներ են անցել:

Ճյուղերից պատրաստված ռոբոտը մեծանա, ծա՞ռ է դառնալու

Այսօր որևէ մեկին շատ դժվար է զարմացնել տարօրինակ արտաքին ունեցող ռոբոտով: Չնայած դրան՝ ճապոնացիների մոտ, կարծես թե, հաջողվում է: Նրանք արտասովոր ռոբոտներ են ստեղծել փայտից ու ձեռքի տակ եղած այլ նյութերից:

Զարգացած արհեստական բանականության համակարգի շնորհիվ ռոբոտը կարողանում է քայլել: Այս մասին գրել է IEEE Spectrum-ը:

Տոկիոյի համալսարանի գիտնականները հայտարարել են, որ ռոբոտատեխնիկայի ստեղծման գործընթացը պարտադիր չէ, որ դժվար լինի, ու ստեղծել են մի քանի ճյուղից պատրաստված ռոբոտիկին:

Մինչ ռոբոտների մոդելը ստեղծելը դրանց սովորեցնում են տեղաշարժվել հատուկ համակարգչային սիմուլյատորի շնորհիվ: Մոդելի մասին տվյալները նեյրոցանց բեռնելու համար գիտնականները վերցնում են համապատասխան չափի մի քանի ճյուղ և ռոբոտի մարմին են ստեղծում: Այս ամենը ենթարկվում է 3D սքանավորման: Ստացված մոդելները հայտնվում են հատուկ համակարգչային ծրագրում, որը դրանք հավաքում է մեկ ամբողջության մեջ և սկսում է ուսուցման գործընթացը:

Հարց է ծագում` իսկ մարդկանց ինչի՞ն են պետք նման ռոբոտները: Ասե՛մ։ Դրանք հնարավոր է օգտագործել հետախուզության համար այնպիսի վայրերում, որոնք անհասանելի են մարդկանց համար։ Այս ռոբոտները փոքր են, աննկատ և, կարելի է ասել, ձուլվում են բնությանը։

90 հազար դոլարով վաճառվել է աշխարհի ամենահազվագյուտ խաղը

Ամենաթանկ և ամենահազվագյուտ խաղը վաճառվել է eBay աճուրդում: Խաղի անվանումը Extra Terrestrials է և նախատեսված է եղել Atari 2600 խաղային կոնսոլի համար: Ի դեպ, անհայտ գնորդը 90 հազար դոլար վճարել է խաղի ոչ օրիգինալ, այսպես կոչված «пиратский» տարբերակի համար: Այս մասին տեղեկացնում է polygon-ը:

Խաղը ստեղծվել է 1982 թվականին Սթիվեն Սփիլբերգի «Այլմոլորակային» ֆիլմի հիման վրա: Խաղի նպատակն էր գլխավոր հերոսին անցկացնել տարբեր իրավիճակների միջով, օգնել նրան, որ հավաքի միջմոլորակային հեռախոսը, որպեսզի կապ հաստատի իր հարազատ մոլորակի հետ: Խաղը տապալվել էր, ու շատերն այս նախագծի անհաջողությունը կապում են 1983 թվականին Atari ընկերության ֆինանսական մեծ կորուստների հետ:

Իսկ ինչ վերաբերում է խաղի վաճառված կրկնօրինակին, ասեմ, որ այն ստեղծվել է 1984 թվականին և օրիգինալի ռիմեյքն է: Ընդհանուր առմամբ ստեղծվել էր 200 քարտրիջ, որոնցից 4-ն էին միայն պահպանվել: Ասեմ ավելին՝ eBay-ում հայտնված կրկնօրինակը աշխատում է՝ չնայած նրան, որ բնականաբա՛ր օգտագործված է եղել:

Երբեմն իսկապես զարմացնում է հնության հանդեպ մարդկանց ունեցած մոլուցքը, ախր նույնիսկ ամենագերժամանակակից խաղի գինը 200 դոլարը չի գերազանցում:

Պետք չէ գնել Lamborghini, եթե ունեք 3D տպիչ

Ամերիկացի գիտնական Ստերլինգ Բակուսն իր 11-ամյա որդու հետ որոշել է ապացուցել, որ հնարավոր է ունենալ շատ թանկ մեքենա՝ չծախսելով 100 հազարավոր դոլարներ: Դրա համար անհրաժեշտ է միայն տեխնիկական կրթություն և 3D տպիչ: Հայր ու որդի այս մտքին են եկել այն բանից հետո, երբ համակարգչային խաղերից մեկում տեսել են նորագույն Lamborghini Aventador մեքենայի մոդելը։ Բակուսները որոշել են իրենց ավտոտնակում տպել այդ նույն մեքենայից, որի իսկական տարբերակը 300 հազար դոլար է: Այս մասին գրել է 3D Printing Media Network-ը:

Նրանք գնել են երեք տպիչ, ապա համացանցից ներբեռնել են ավտոմեքենայի սխեմաներն ու մոդելները: Երկու տպիչներն օգտագործվել են պլաստմասե հատվածների պատրաստման համար, իսկ երրորդը՝ ավելի ամուր հումքից պատրաստվող դետալների: Իսկ բացակայող մասերը գնել են, դե իհարկե, eBay-ից:

Ընդհանուր առմամբ նախագծի համար ծախսել են մոտավորապես 20 հազար դոլար, ինչը 15 անգամ քիչ է, քան իրական սպորտային մեքենան: Փաստորեն ստացվել է բավականին էժան Lamborghini, որը պատրաստված է եղել էկոլոգիապես մաքուր, կոշտ և ամուր պլաստիկից, բացի իհարկե անիվներից, փոխանցման տուփից և շարժիչից: Ստերլինգը վստահեցնում է, որ ավտոմեքենան պատրաստ է, դրանով հնարավոր է արդեն երթևեկել, բայց թեստ դրայվ դեռ չեն արել։ Ասում է` մեքենան դեռ կատարելագործելու կարիք ունի:

Տեղեկատվական տեխնոլոգիաների և նորարարությունների ոլորտում շաբաթվա ընթացքում այլ իրադարձություններ էլ են տեղի ունեցել, որոնց մասին մենք արդեն գրել ենք, այնպես որ խորհուրդ կտամ կարդալ ևս մի քանի լուր, որոնք չեն վրիպել մեր աչքից։

Չինաստանի համար հատուկ iPhone կթողարկվի

Microsoft-ը տարօրինակ ձևով է ներկայացրել իր նոր օպերացիոն համակարգը

Android-ի նամակագրությունում Snapchat-ի ոճով էֆեկտներ են ավելացել

315
թեգերը:
Խաղ, ռոբոտ, ավտոմեքենա
թեմա:
Տեխնիկա և նորարարություններ (170)
Ըստ թեմայի
Այ քեզ բան. մարդիկ «քնաբեր» գիշերանոց են ստեղծել, «չինացին» սայթաքել է, 5G–ն` գործարկվել
Այ քեզ բան. անօդաչուների բանակը համալրվել է «մողեսով», ովքե՞ր են մահանալու «Գահերի խաղում»
Այ քեզ բան. ի՞նչ կմախք կա Tesla-ի գզրոցում, Huawei-ի նորույթն ու Yandex-ի «թիթիզ» գաղափարը
Այ քեզ բան. Facebook-ը մարդուն շփոթում է ուտելիքի հետ, իսկ Photoshop-ի թշնամին էլ տնից է
Բալթիկ ծով

Կհաջողվի՞ ռուսական գազը փոխարինել ամերիկյանով

65
«Հյուսիսային հոսք-2» գազատարի կառուցման նախագծի շուրջ կրքերը դեռ չեն հանդարտվում։ Փորձագետները քննարկում են ռուսական գազն ամերիկյան հեղուկ բնական գազով (ՀԲԳ) փոխարինելու հավանականության հարցը։

Ալեքսանդր Սոբկո, ՌԻԱ Նովոստի

Վերջին շրջանում «Հյուսիսային հոսք-2»–ի շինարարության ավարտի հետ կապված խնդիրների ֆոնին ԶԼՄ–ներում ավելի հաճախ է լսվում հետևյալ կարծիքը. «Առանց ռուսական մատակարարումների Եվրոպան ավելի շատ կվճարի ամերիկյան թանկարժեք ՀԲԳ–ի համար»։

Այս դրույթի քննադատները ծիծաղում են և ասում` նույն ամերիկյան ՀԲԳ–ն եվրոպական գազի բորսայում վաճառվում է նույն գնով (իսկ այսօր ընդհանրապես գերցածր), որ գնով վաճառվում են մյուս գազերը։

Ո՞վ է ճիշտ։ Կյանքը, ինչպես միշտ, ավելի բարդ է, քան հասարակ սխեմաները։ Առաջարկում ենք պարզել։

Սկզբում հիշեցնենք, որ «Հյուսիսային հոսք-2»–ը, մեծ հաշվով, կառուցվում է ուկրաինական տարանցման մեծ մասը փոխարինելու համար, քանի որ ապագայում ռուսական գազի արտահանման (վերջին տարիների «ստանդարտ» 200 մլրդ խմ–ի համեմատ) զգալի աճ ակնկալել չարժե։ Բացի այդ, ուկրաինական տարանցումը (համենայն դեպս առայժմ) թույլ է տալիս ներկայիս ծավալներից ավելի շատ տեղափոխել։ Այդ պատճառով թվում է, թե պահանջարկի և առաջարկի հավասարակշռության տեսանկյունից ոչինչ չի փոխվի։

Նավթային կոլապս. խոշոր ընկերությունները սնանկացման հայտեր են ներկայացում

Ավելին`ուկրաինական տարանցման 4 տարվա համար վճարված է (տարեկան 40 մլրդ խմ), իսկ «Հյուսիսային հոսք-2»–ը 55 մլրդ հզորություն կունենա։ Այսինքն` մտորումների ներկա փուլում «Հյուսիսային հոսք-2»–ի կառուցման ավարտից հիպոթետիկ հրաժարումն ընդմիշտ կամ որոշ ժամանակով կհանգեցնի միայն «Գազպրոմի» ակնհայտ ֆինանսական կորուստների (չէ՞ որ շինարարության համար խոշոր գումարները պարզապես ստիպված կլինեն դուրս գրել), բայց չի օգնի ստիպել Եվրոպային ռուսական գազի փոխարեն գնել ամերիկյան ՀԲԳ–ն։

Այնպես որ եթե ելնենք այն դրույթից, որ ամերիկյան կողմը, դժվարություններ ստեղծելով «Հյուսիսային հոսք-2»–ի համար, մտադիր է իր ՀԲԳ–ի համար նոր նշաձող ստանալ (մոտ 50 մլրդ խմ գազ), դա մեկ բան է նշանակում` «Հյուսիսային հոսք-2»–ի արգելափակմանը պետք է հաջորդի ուկրաինական տարանցման դադարեցումը (էական չէ` ինչ պատճառով. խողովակի մաշվածություն, տարանցման մեծ սակագին, թե այլ հանգամանքներ)։

Նախ` ամեն դեպքում գազը (և ՀԲԳ–ն) կթանկանա, շուկայից 50 մլրդ խմ գազ հեռացնելը բավականին զգալի ծավալ է համաշխարհային առևտրի համար։ Իսկ բորսայի ավելի բարձր գները անխուսափելիորեն բարձր շահութաբերության կհանգեցնեն նաև ամերիկյան ՀԲԳ–ի վաճառքի դեպքում։

Երկրորդ` պետք է հիշեցնել, որ հեղուկ գազի իր ընթացիկ տարանցման շրջանակում ԱՄՆ–ն ամեն դեպքում երաշխավորված վճար է ստանում հեղուկացնելու համար։ Գլոբալ ցածր գնանշումներից տուժում են թրեյդերները։ Այսինքն` Միացյալ Նահանգները, մեծ հաշվով, անհրաժեշտություն չունի որևէ կերպ խթանելու ՀԲԳ–ի վաճառքը արդեն իսկ կառուցած գործարաններից։

Նավթային պատերազմ. Վաշինգտոնը խախտել է գլխավոր արգելքը

Առավել կարևոր է ՀԲԳ–ի նոր պայմանագրեր կնքելը։ Բայց քանի որ հիմա ՀԲԳ–ի ամերիկյան ներմուծողները բախվել են մի իրավիճակի, երբ վառելիք չեն գնում, բայց վճարում են հեղուկացման պարտադիր գումարը (իսկ դա ՀԲԳ–ի վերջնական գնի շուրջ կեսն է), դժվար է որևէ մեկին համոզել, որ պայմանագիր կնքի նոր խմբաքանակների համար։ Իսկ չիրականացված նախագծերը շատ են։ Այստեղ էլ պետք կգար եվրոպական շուկան։

Այստեղից էլ բխում է այն թվացյալ հակասությունը, որի մասին գրել էինք ամենասկզբում։ Այո, հիմա ամերիկյան ՀԲԳ–ն, ինչպես և ցանկացած այլ գազ, իսկապես ցածր գներով է վաճառվում, այդ թվում` Եվրոպայում։ Շուկայում ճգնաժամ է, բայց արտադրանքն ամեն դեպքում իրացնել է պետք, գործարաններն արդեն կառուցվել են, իսկ թրեյդերները պայմանագիր են կնքել «հեղուկացրու կամ վճարիր» պայմանով։

Մյուս կողմից Եվրոպան ևս պետք է հասկանա, որ ամերիկյան էժան գազն ավելցուկ է, որը այլ հանգամանքներում շատ արագ կգնան ասիական` հաճախ ավելի եկամտաբեր շուկաներ։ Երաշխավորված մատակարարումներ են ցանկալի. կնքեք երկարաժամկետ պայմանագիր և վճարեք ավելի շատ։

Այստեղ հարկ է նշել, որ ներկա պահին գազի գնագոյացման երեք հիմնական տարբերակ կա` սպոտային, նավթի հետ կապված և ամերիկյան ՀԲԳ–ի համար, որը հիմնված է ԱՄՆ–ի ներսում գազի գնի և հեղուկացման վճարի վրա։

Համարվում է, որ եթե շուկան վերադառնա նորմային, բորսայական գինը կլինի մոտ 200 դոլար 1000 խմ–ի դիմաց։ Գազի գները մոտավորապես նույնքան կլինեն նաև նավթի հետ կապված, երբ նավթը լինի մեկ բարելի դիմաց 50 դոլար։ Ամեն դեպքում հիմա «Գազպրոմն» արդեն գազի մեծ մասը ԵՄ–ում վաճառում է բորսայական գներով, այդ պատճառով պետք է կողմնորոշվել հենց այդ գներով, ոչ թե նավթի հետ փոխկապակցվածության։

Իսկ ի՞նչ գնով է մատակարարվելու ամերիկյան ՀԲԳ–ն։ Գինը կախված է ԱՄՆ–ում գազի (այն տատանվում է, և դա անորոշության հիմնական գործոնն է), հեղուկացման և Եվրոպա մատակարարման գնից։ Հաշվարկային մանրամասների մեջ չխորանալով` կարելի է խոսել 1000 խմ–ի դիմաց 220-270 դոլարի մասին։

Այլ կերպ ասած, եթե ի սկզբանե 2013 թվականին ամերիկյան ՀԲԳ–ն մյուս մատակարարումներից ավելի մատչելի էր թվում (այն ժամանակ նավթն ու հեղուկ գազն ավելի թանկ էին), ապա ներկայիս պայմաններում (էժանացած նավթ, ՀԲԳ–ի բարձր մրցակցություն) այն ավելի թանկ է ստացվում։

Եվս մեկ հարց։ Իսկ ինչո՞ւ Եվրոպան պետք է գնի հենց ամերիկյան ՀԲԳ–ն և ոչ թե Կատարինը կամ Ռուսաստանինը։ Առավել ևս, որ զարմանալի չի լինի, եթե առաջիկայում Կատարի գազի մի մասը վաճառվի բորսայական շուկայի գներով։

Եթե մի կողմ դնենք ԵՄ–ի և ԱՄՆ–ի հարաբերությունների հատուկ հարաբերությունների հետ կապված ասպեկտները, նման պատճառներ չկան։ ԵՄ–ն հավանական դեֆիցիտը կարող է լրացնել ցանկացած գազով։

Նավթն իր հետևից ռուսական գազի գները ներքև չի տանի. ահա թե ինչու

Հնարավոր է` հիմա այդ պատճառով է խոսվում փոխարինման մասին. հենց ամերիկյան ՀԲԳ–ի (օրինակ` 10-20 մլրդ գազի կամ «Հյուսիսային հոսք-2»–ի հզորության 20-40 տոկոսի չափով) մի քանի տերմինալներ Գերմանիայում` խողովակաշարի շինարարության ավարտի թույլտվության փոխարեն։

Ամփոփենք։

Նախ` ռուսական գազի փոխարինումը ամերիկյան ՀԲԳ–ով հնարավոր է միայն երկու պայմանների միաժամանակյա կատարման դեպքում` «Հյուսիսային հոսք-2» նախագծի փակում և ուկրաինական տարանցման դադարեցում։ Այդ դեպքում ռուսական արտահանման սահմանափակումը կպահպանի գները գազի ամբողջ շուկայում։

Երկրորդ` ամեն դեպքում ամերիկյան ՀԲԳ–ն ոչ թե մի քանի անգամ, այլ 10-30 տոկոսով թանկ կլինի շուկայի մյուս գազերից, հնարավոր է նաև` նույն գնի լինի. ամեն ինչ կախված է գազի ներամերիկյան գներից։ Սակայն ԱՄՆ–ից ՀԲԳ–ի մատակարարման երկարաժամկետ պայմանագրեր կնքելու դեպքում Եվրոպան ստանձնում է ողջ ռիսկը` կապված ԱՄՆ–ում գազի ներքին գների հետ։

Միևնույն ժամանակ ամերիկյան էժան ՀԲԳ–ն (և մնացած բոլորը), որն այսօր տեսնում ենք Եվրոպայում, շուկայում գազի ավելցուկի հետևանք է. թրեյդերները այն վաճառում են, որպեսզի մասնակի փոխհատուցեն ամերիկյան ՀԲԳ–ի գնման պայմանագրերով նախատեսված վնասները: Իսկ եթե Եվրոպան երաշխավորված մատակարարումներ ցանկանա ԱՄՆ–ից, ստիպված կլինի վճարել ամերիկյան ՀԲԳ–ի գնագոյացման բանաձևով, իսկ հրաժարվել արդեն չի կարողանա։

Եվ վերջինը` սեփական ՀԲԳ–ն Եվրոպայի վզին փաթաթելով` ԱՄՆ–ն նախևառաջ մտածում է ոչ թե ընթացիկ մատակարարումների, այլ հեռանկարների մասին։ Խոսքը հեղուկացման նոր գործարանների և ՀԲԳ–ի մատակարարման երաշխավորված պայմանագրերով դրանց ապահովման մասին է։ Գործարանների կառուցումը տևում է շուրջ 4 տարի։ Իսկ հենց այդ ժամանակ կավարտվի Ուկրաինայի հետ գործող տարանցման պայմանագիրը։

«Գազային արմագեդոն». ի՞նչ է կատարվում համաշխարհային շուկայում

65
թեգերը:
գազ, ԱՄՆ, Ռուսաստան
Վլադիմիր Մուսայելյան

Մահացել է Վլադիմիր Մուսայելյանը՝ Բրեժնևի անձնական լուսանկարիչը

45
(Թարմացված է 21:44 28.09.2020)
Լեոնիդ Բրեժնևի ամենահայտնի կադրերն արել է 60 տարի ՏԱՍՍ-ում աշխատած ֆոտոլրագրողը։

ԵՐԵՎԱՆ, 28 սեպտեմբերի - Sputnik. 81 տարեկան հասկանում մահացել է ՏԱՍՍ-ի ֆոտոթղթակից Վլադիմիր Մուսայելյանը, որը 14 տարի եղել է ԽՄԿԿ ԿԿ գլխավոր քարտուղար Լեոնիդ Բրեժնևի անձնական լուսանկարիչը։

Ձկնապուր Բրեժնևին և պաղպաղակ Պուտինին. Կրեմլի խոհարարի համար լավաշն ամենաօգտակար հացն է

«Մեր լուսանկարչական աշխարհում անդառնալի կորուստ է եղել։ Կյանքից հեռացել է տաղանդավոր թղթակից ու մեծատառով մարդ Վլադիմիր Մուսայելյանը։ Չեմ հանդիպել մարդու, որը կարող է նրա մասին որևէ վատ բան ասել»,- գրել է ֆոտոլրագրող Անատոլի Խրուպովը Facebook-ի իր էջում։

Մուսայելյանը գրեթե 60 տարի աշխատել է ՏԱՍՍ-ում։ Այդ ընթացքում նա լուսանկարել է առաջին տիեզերական անձնակազմերի պատրաստությունը, հրթիռների գործարկումը, Բայկոնուրի կառուցումը։

1982 թվականին Բրեժնևի մահից հետո Մուսայելյանը լուսանկարել է պետության այլ առաջին դեմքերի՝ Անդրոպովին, Չեռնենկոյին, Ռիժկովին, Լուկյանովին, Լիգաչովին և այլ մարդկանց։ Լուսանկարել է ՌԴ ու ԽՍՀՄ ժողովրդական պատգամավորների հավաքները։

Նա բազում մրցանակներ է ստացել, իսկ 2019 թվականին արժանացել է նախագահական Պատվո շքանշանի՝ «հայրենական լրատվամիջոցների զարգացման մեջ մեծ ներդրումի ու երկար տարիների արդյունավետ գործունեության համար»։

Պատմության անհայտ էջերը. մահափորձ Բրեժնևի դեմ

45
թեգերը:
Վլադիմիր Մուսայելյան, լուսանկարիչ, Լեոնիդ Բրեժնև
Ըստ թեմայի
Ժերար Դեպարդիեն կմարմնավորի Լեոնիդ Բրեժնևին խորվաթ ռեժիսորի ֆիլմում
Տարիներ անցան. ինչպես է «համով» Զառան համբուրվել Բրեժնևի հետ. պատվաբեր էր, բայց տհաճ
Լեոնիդ Բրեժնևի վարորդական իրավունքը մոտ 12 մլն դրամով դրվել է աճուրդի. լուսանկարներ
Ադրբեջանական զրահատեխնիկա, արխիվային լուսանկար

Ինչ կորուստներ ունի Ադրբեջանը

291
(Թարմացված է 01:50 29.09.2020)
Ադրբեջանն իր իսկ սանձազերծած ռազմական գործողությունների հետևանքով արդեն 80 զրահատեխնիկայից է զրկվել։

ԵՐԵՎԱՆ, 29 սեպտեմբերի – Sputnik. ՀՀ ՊՆ մամուլի խոսնակ Շուշան Ստեփանյանը Facebook–ի իր էջում ներկայացրել է հայկական զինուժի կողմից խոցված սպառազինությունը սեպտեմբերի 28-ի, ժամը 21:00-ի դրությամբ։ 

Ըստ այդմ` Ադրբեջանը կորցրել է 19 ԱԹՍ, 4 ուղղաթիռ, 80 զրահատեխնիկա, 1 ինքնաթիռ և 82 ավտոտրանսպորտ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

291
թեգերը:
ինքնաթիռ, անօդաչու թռչող սարք, տանկ, Ադրբեջան
թեմա:
Ադրբեջանական ագրեսիա Արցախում. 2020