Կարպիս Փափազյան

Մահացել է Գարեգին Նժդեհի թիկնապահը, բարերար Կարպիս Փափազյանը

2579
(Թարմացված է 09:48 26.06.2019)
1988 թվականից նա հայությանն ու հայ մշակույթին աջակցած օտար անհատներին տվել է ՀԲԸՄ «Կարպիս Փափազյան» մրցանակը։

ԵՐԵՎԱՆ, 26 հունիսի — Sputnik. Վիեննայում երկարատև հիվանդությունից հետո երեկ` հունիսի 25–ին, 99 տարեկան հասակում մահացել է հայտնի գործարար, ազգային բարերար, հասարակական գործիչ Կարպիս Փափազյանը։ Այս մասին տեղեկացնում է Ավստրիայի Արարատ Մարզական Միությունը։

Նրա ցանկությամբ է Ավստրիայում հիմնվել  ՀԲԸՄ «Կարպիս Փափազյան» մրցանակը։ Կարպիս Փափազյանը եղել է Գարեգին Նժդեհի թիկնապահը Եվրոպայում։

Փափազյանը ծնվել է 1920 թվականին Բուլղարիայի Սլիվեն քաղաքում։ 1940 թվականին տեղափոխվել է Վիեննա։ 1988 թվականից նա հայությանն ու հայ մշակույթին աջակցած օտար անհատներին տվել է ՀԲԸՄ «Կարպիս Փափազյան» մրցանակը։  «Այս որոշումը ընդունեցի, երբ ՀԲԸՄ նախագահ Ալեք Մանուկյանի հետ հանդիպեցի և ասացի, որ նման մտահղացում ունեմ։ Պետք է գնահատել օտարներին, ովքեր մեզ համար աշխատում են։ Եվ որոշեցի Բարեգործականի հովանու տակ հիմնել այս մրցանակը։ Երբ Ալեք Մանուկյանը հարցրեց, թե ինչու Բարեգործականը ընտրեցիր, ասացի`«Լավերի մեջ լավին ընտրեցի»։

Ալեք Մանուկյանն ասաց, սփյուռքում այսքան կազմակերպություններ կան, և այսքան ծրագրեր ենք անում, ինչպես պատահեց, որ նման գաղափարը դու առաջարկեցիր»։ Ես էլ ասացի, որ մի կույր հավն էլ քուջուջ որ անի, ոսկե հատիկ կգտնի,,-պարբերականներից մեկին պատմել է հայ բարերարը։

Փափազյանին նաև ընտրել են  Ավստրո-Հայկական Մշակութային Ընկերութեան Պատվո անդամ (1979), Վիեննայի Հայ Ուսանողական և Երիտասարդական Միության Պատվո անդամ (1980), Ավստրիայի հայ առաքելական եկեղեցական համայնքի Պատվո անդամ (1985 թ.), «Արարատ» մարզական միության Պատվավոր մարզիկ (2010)։

2579
թեգերը:
Նժդեհ, Մահ, Հայաստան, Եվրոպա
Ըստ թեմայի
Պաշտոնական Երևան. Նժդեհի հուշարձանը քանդելու կոչերը շահարկումներ են և մարգինալների ծուղակ
Ուր էր թե Ադրբեջանն աղավնու չափ խելք ունենար. Նժդեհի արձանը հանգիստ չի տալիս ադրբեջանցիներին
Էդիկ, հայերը քո մեջքին կանգնած են. երկրպագուները սատարել են Նժդեհի խոսքը մեջբերած մարզիկին

«Ցնցված եմ». Փաշինյանը ցավակցություն է հայտնել Բեյրութում զոհվածների հարազատներին

1
Նիկոլ Փաշինյանը խորապես ցավակցել է զոհվածների ընտանիքներին, իսկ տուժածներին` շուտափույթ ապաքինում մաղթել:

ԵՐԵՎԱՆ, 4 օգոստոսի- Sputnik. ՀՀ վարչապետ Նիկոլ Փաշինյանը ցավակցություն է հայտնել Լիբանանին` Բեյրութում տեղի ունեցած պայթյունի համար։
«Ցնցված եմ Բեյրութում տեղի ունեցած պայթյունից։ Խորին ցավակցություն եմ հայտնում զոհվածների ընտանիքներին, իսկ տուժածներին՝ շուտափույթ ապաքինում եմ մաղթում: Մենք հայտնում ենք մեր համերաշխությունն ու աջակցությունը Լիբանանի մեր եղբայրական ժողովրդին»,– գրել է նա։

Հիշեցնենք` Լիբանանի մայրաքաղաք Բեյրութում` նավահանգստի շրջանում, այսօր ուժգին պայթյուն է որոտացել։ Ինչպես պարզվեց պայթյունը որոտացել է Բեյրութի Բուրջհամուդ հայկական թաղամասի մոտ. վնասները շատ մեծ են։

Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է բարձրացել երկինք։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

1
թեգերը:
Վիրավոր, Զոհ, պայթյուն, ցավակցություն, Նիկոլ Փաշինյան, Լիբանան, Բեյրութ
Բեյրութ

Պայթյունից մասնակի վնասվել է նաև Լիբանանում ՀՀ դեսպանության շենքը. Աննա Նաղդալյան

57
(Թարմացված է 22:41 04.08.2020)
Ինչպես հայաշատ թաղամասերում, այնպես էլ ողջ Բեյրութում, պայթյունի հետևանքով ավերածություններն զգալի են։

ԵՐԵՎԱՆ, 4 օգոստոսի - Sputnik. Լիբանանի մայրաքաղաք Բեյրութում` նավահանգստի շրջանում, այսօր տեղի ունեցած ուժգին պայթյունից մասնակիորեն վնասվել է նաև Լիբանանում ՀՀ դեսպանության շենքը: Տեղեկությունը հայտնում է ՀՀ ԱԳՆ մամուլի խոսնակ Աննա Նաղդալյանը։

Լիբանանում հայտնի քաղաքական գործիչ Նիզար Նաջարյանը Բեյրութի պայթյունի զոհ է դարձել

«Հայահոծ թաղամասերում, ինչպես ողջ Բեյրութում, ավերածությունները զգալի են։ Այս պահի դրությամբ նախնական տեղեկություն կա ազգությամբ մեկ հայի մահվան և մի քանիսի՝ տարբեր աստիճանի վնասվածքներ ունենալու մասին՝ հիմնականում տներում՝ ապակիների փշրվելուց»,– Facebook- ի իր էջում գրել է Նաղդալյանը։

Պայթյունը որոտացել է Բեյրութի հայկական թաղամասի հարևանությամբ. Վարդինե Օհանյան

Նրա խոսքով`Լիբանանում ՀՀ դեսպանությունը կապի մեջ է Լիբանանի պատկան մարմինների և տեղի համայնքային կառույցների ղեկավարների հետ:

Հիշեցնենք` Լիբանանի մայրաքաղաք Բեյրութում` նավահանգստի շրջանում, այսօր ուժգին պայթյուն է որոտացել։ Ինչպես պարզվեց պայթյունը որոտացել է Բեյրութի Բուրջհամուդ հայկական թաղամասի մոտ. վնասները շատ մեծ են։
Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է բարձրացել երկինք։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

Լիբանանում ՀՀ դեսպանությունը փորձում է պարզել՝ Բեյրութի պայթյունից հայեր տուժել են, թե ոչ

Պայթյունի ալիքը կոտրել է մի քանի կիլոմետրի վրա գտնվող շինությունների ապակիներն ու դռները։

57
թեգերը:
ՀՀ Արտաքին գործերի նախարարություն. ԱԳՆ, Աննա Նաղդալյան, դեսպանատուն, Տուժածներ, պայթյուն, Լիբանան, Բեյրութ