Բորիս Ջոնսոնը

Բորիս Ջոնսոնը հաղթել է Մեծ Բրիտանիայի վարչապետի ընտրությունների առաջին ռաունդում

31
(Թարմացված է 20:00 13.06.2019)
Մեծ Բրիտանիայի նախկին արտգործնախարար, Պահպանողական կուսակցության կողմից Համայնքների պալատի պատգամավոր Բորիս Ջոնսոնը ամենաշատ ձայներն է հավաքել կուսակցության նոր առաջնորդի ու երկրի վարչապետի պաշտոնի համար քվեարկությունում։

ԵՐԵՎԱՆ, 13 հունիսի — Sputnik. Բրիտանացի պահպանողականները կուսակցության նոր առաջնորդի ընտրությունների առաջին ռաունդն են անցկացրել։ Ամենաշատ քվեները ստացել է Մեծ Բրիտանիայի նախկին արտգործնախարար Բորիս Ջոնսոնը։ Այս մասին հայտնում է The Guardian պարբերականը։

Այսօր առավոտյան առաջին փուլում քվեարկել են Համայնքների պալատի Պահպանողական կուսակցության 313 պատգամավորները։ Բորիս Ջոնսոնը 114 քվե է հավաքել։

Երկրորդ տեղում 43 քվեներով ներկայիս արտգործնախարար Ջերեմի Հանթն է: Երրորդ տեղում` 37 ձայնով բնապահպանության նախարար Մայքլ Գուովը։

Ընտրությունների երկրորդ փուլը տեղի կունենա հունիսի 18-ին: Պահպանողականների առաջնորդի ընտրությունը երկու փուլով է անցնում։ Առաջին փուլին մասնակցում են միայն կուսակցության պատգամավորները. նրանք մի քանի ռաունդով են քվեարկում։

Մինչ հունիսի 20–ը պետք է երկու թեկնածու մնա, ու Պահպանողական կուսակցության մոտ 160 հազար անդամները ընտրելու են այդ երկու թեկնածուներից։

31
Ըստ թեմայի
Մեծ Բրիտանիայի վարչապետը հայտարարել է, որ հրաժարական է տալու
Թերեզա Մեյը կարող է հրաժարական տալ. պատճառը հայտնի է
ԵԱՀԿ-ն դիտարկում է անցկացնելու Արցախի ու Ադրբեջանի շփման գծում