Օզիլի հարսանեկան արարողությունը

Օզիլն ամուսնացել է միսս Թուրքիայի հետ. Մխիթարյանի թիմակցի հարսանիքին զվարճացել է Էրդողանը

1820
(Թարմացված է 12:10 08.06.2019)
Ֆուտբոլիստն ու Թուրքիայի նախագահը բարեկամական հարաբերություններ ունեն։ Անցած տարի Օզիլն իր ստորագրությամբ մարզաշապիկ էր նվիրել Էրդողանին, ինչը բուռն քննարկման թեմա էր դարձել։

ԵՐԵՎԱՆ, 8 հունիսի – Sputnik. Թուրքիայի նախագահ Ռեջեփ Թայիփ Էրդողանը ներկա է եղել Լոնդոնի «Արսենալի» կիսապաշտպան Մեսութ Օզիլի և նրա ընտրյալի` թուրքական ծագում ունեցող շվեդ մոդել Ամինե Գյուլշեի հարսանեկան արարողությանը, որի տեսանյութը հրապարակվել է Twitter–ում։

​Արարողությունը տեղի է ունեցել Ստամբուլում։ Ինչպես նշում է Daily Mail–ը, Թուրքիայի նախագահը ելույթ է ունեցել` մաղթելով երջանկություն և համատեղ տարիների երկար կյանք։

Պարբերականը գրում է նաև, որ ֆուտբոլիստն ու քաղաքական գործիչը բարեկամական հարաբերություններ ունեն։ Անցած տարի Օզիլն իր ստորագրությամբ մարզաշապիկ էր նվիրել Էրդողանին։ Դրանից հետո Գերմանիայի հավաքականի շտաբում (Օզիլը խաղում էր Գերմանիայի հավաքականում) կասկածի տակ դրեցին աշխարհի առաջնության խաղերում ֆուտբոլիստին ներառելու անհրաժեշտությունը։ Գերմանական թերթերն Օզիլին քննադատեցին Թուրքիայի նախագահ Ռեջեփ Թայիփ Էրդողանի հետ համատեղ լուսանկարվելու համար:2018 թվականի հուլիսին Օզիլը հայտարարեց, որ հեռանում է Գերմանիայի ազգային հավաքականից։

Այսօր Մեսութ Օզիլը խաղում է Լոնդոնի «Արսենալում», սակայն խոսակցություններ կան, որ ամառային տրանսֆերի շրջանում նա կարող է լքել թիմը, ինչպես և իր թիմակից Հենրիխ Մխիթարյանը։

Օզիլի հարսնացուն` Ամինե Գյուլշեն, թուրքական ծագում ունեցող շվեդ դերասանուհի է, մոդել և «Միսս Թուրքիա 2014» գեղեցկության մրցույթի հաղթող։

Ծնվել և մեծացել է Շվեդիայում։ Թուրքիան է ներկայացրել նաև «Միսս աշխարհ 2014» մրցույթում։

  • Էրդողանը ներկա է եղել Օզիլի հարսանեկան արարողությանը
    Էրդողանը ներկա է եղել Օզիլի հարսանեկան արարողությանը
    © REUTERS / HANDOUT
  • Էրդողանը ներկա է եղել Օզիլի հարսանեկան արարողությանը
    Էրդողանը ներկա է եղել Օզիլի հարսանեկան արարողությանը
    © REUTERS / UMIT BEKTAS
  • Էրդողանը ներկա է եղել Օզիլի հարսանեկան արարողությանը
    Էրդողանը ներկա է եղել Օզիլի հարսանեկան արարողությանը
    © REUTERS / HANDOUT
1 / 3
© REUTERS / HANDOUT
Էրդողանը ներկա է եղել Օզիլի հարսանեկան արարողությանը
1820
թեգերը:
Ռեջեփ Թայիփ Էրդողան, Թուրքիա, հարսանիք
Ըստ թեմայի
Ինչքա՜ն եմ սպասել. Շանթը Քրիստինեին ամուսնության առաջարկ է արել Գառնու տաճարի մոտ
Մինչև վերջ սիրահետել է հայ ամուսնուն. Ստոցկայան չի պատասխանել Հայաստանի մասին հարցին
Սիրուշոն և Լևոն Քոչարյանը նշել են ամուսնության 10 տարին. լուսանկար
Ինչո՞ւ էին Հայաստանում հարսի գլխին եռացրած ջուր լցնում․ հարսանեկան հին ու նոր ավանդույթներ