Ջուլիան Ասանժը Լոնդոնում Էկվադորի դեսպանատանը

ԱՄՆ-ն չի մեղադրի Ասանժին ԿՀՎ գաղտնի նյութերի արտահոսքի մեջ

51
ԿՀՎ-ն պարզապես չի կարող իրեն թույլ տալ ճանաչել WikiLeaks-ի հիմնադիրի հրապարակած փաստաթղթերի իսկությունը։

ԵՐԵՎԱՆ, 2 հունիսի – Sputnik. ԱՄՆ արդարադատության նախարարությունը մտադիր չէ մեղադրել WikiLeaks-ի հիմնադիր Ջուլիան Ասանժին Կենտրոնական հետախուզական վարչության որոշ գերգաղտնի նյութերի հրապարակման մեջ։ Այս մասին հայտնում է ՌԻԱ Նովոստին՝ հղում անելով Politico թերթին։

2017 թվական մարտի 7-ին WikiLeaks-ը սկսել է հրապարակել Vault 7 ԿՀՎ-ի գաղտնի փաստաթղթերը։ Հայտնում էին, որ այդ հրապարակումը հետախուզական վարչության գաղտնի փաստաթղթերի ամենամեծ արտահոսքը կլինի։ ԿՀՎ-ի շտաբ կայանի մեկուսացված ներքին ցանցից ավելի քան 8,7 հազար փաստաթուղթ ու ֆայլ էր հրապարակվել։

Ամերիկյան թերթը, հղում անելով պաշտոնյային ու տեղեկացված աղբյուրներին հայտնում է, որ դատախազներին չի հաջողվել նոր մեղադրանքներ ներկայացնել Ասանժին մի քանի պատճառներով։ Պատճառներից մեկն այն էր, որ կառավարությունը բավարար ժամանակ չունի դրանք ներկայացնելու համար․ արտաքսման մասի օրենքով՝ անհրաժեշտ է մեղադրանք ներկայացնել առաջին վճռի կայացման պահից 60 օրվա ընթացքում։ Մյուս պատճառը ԿՀՎ-ից արտահոսած և հրապարակված նյութերի բարձր գաղտնիությունն է։

Ավելին, Politico-ի տվյալներով, դատարանում նման գործերի քննարկումը սպառնում, որ ԿՀՎ-ի գաղտնիացված նյութերն էլ ավելի մեծ տարածում կստանան։ Բացի այդ՝ ԿՀՎ-ն երբեք պաշտոնապես չի հաստատել հրապարակված փաստաթղթերի իսկությունը։

«Անկասկած, կան արտահոսքի մասին այնպիսի գործեր, որ տեղեկատվությունը տարածողին մեղադրանք ներկայացնելու համար պետք է դատարանում հաստատվի դրանց իսկությունը, քանի որ դրանք չափազանց կոնֆիդենցիալ են», - թերթին տված հարցազրույցում ասել է ԱՄՆ արդարադատության ազգային անվտանգության գծով գլխավոր դատախազի օգնական Մերի Մաքքորդը։

ԱՄՆ իշխանությունը  մայիսի վերջին մեղադրանք է ներկայացրել Ասանժին լրտեսության ու գաղտնի տեղեկության բացահայտման մասին օրենքի 17 կետերի խախտման մեջ։ Ավելի վաղ նրան մեղադրում էին մեկ կետով՝ համակարգչային ներխուժման մասին հանցավոր համաձայնության գալու համար։ Եթե Ասանժին ԱՄՆ-ին հանձնեն, նրան երկար տարիների ազատազրկում է սպասում։

2010 թվականին, երբ ամերիկյան իշխանությունը հետաքրքրվել էր նրանով, WikiLeaks-ի հիմնադիրը Շվեդիա էր մեկնել, որտեղ մտադիր էր ապաստան ստանալ։ Հետագայում նրան մեղադրել էին սեռական բնույթի հանցագործությունների մեջ։ Ասանժը հերքում էր մեղադրանքները։ 2012 թվականից նա թաքնվում էր Էկվադորի դեսպանատանը՝ վախենալով արտաքսվելուց։

2019 թվականի ապրիլի 11-ին նրան ձերբակալել էին Շվեդիայի ու ԱՄՆ- օրդերներով։ Լոնդոնի դատարանը նրան մեղավոր էր ճանաչել գրավի դիմաց ազատվելու պայմանները խախտելու մեջ ու դատապարտել էր 11 ամիս ազատազրկման։ Արտաքսման հարցի լսումները սկսել են այսօր։

Այժմ դատարանն ԱՄՆ-ից փաստաթղթերի ամբողջական փաթեթին է սպասում, որը թույլ կտար որոշում կայացնել այն մասին՝ թույլ տալ մեղադրյալի արտաքսումը ԱՄՆ, թե ոչ։

51
թեգերը:
Ամերիկայի Միացյալ Նահանգներ
Ըստ թեմայի
Ներողություններով նամակ և ոչ մի ներում․ Լոնդոնում կայացվել է Ասանժի վճիռը
Փաստաբան. Ասանժին կարող են ԱՄՆ արտահանձնել, որտեղ նրան կտտանքներ են սպառնում
Լոնդոնի դատարանը Ասանժին մեղավոր է ճանաչել. WikiLeaks–ի հիմնադիրը մնացել է կալանքի տակ
Լոնդոնում ձերբակալվել է WikiLeaks–ի հիմնադիր Ջուլիան Ասանժը
Իլոն Մասկ

Իլոն Մասկը ստիպված է եղել փոխել երեխայի անունը. նորը պակաս տարօրինակ չէ

52
(Թարմացված է 01:01 26.05.2020)
Ծնողներն ի սկզբանե ուզում էին երեխային կոչել X Æ A-12, սակայն Կոլիֆոռնիայի օրենքներով` երեխային գրանցելու համար նրա անվան մեջ կարելի է կիրառել միայն լատինական տառեր։

ԵՐԵՎԱՆ, 25 մայիսի –Sputnik. Tesla և SpaceX ընկերությունների հիմնադիր, գործարար Իլոն Մասկն ու նրա կինը` կանադացի երգչուհի Գրայմսը, ստիպված են եղել փոխել իրենց նորածին որդու անունը` Կալիֆոռնիայի նահանգի օրենքի պահանջների պատճառով։ Երեխայի անվան հետ կապված նորությունը Instagram–ի իր էջում հայտնել է գործարարի կինը։

Ծնողներն ի սկզբանե ուզում էին երեխային կոչել X Æ A-12, սակայն Կոլիֆոռնիայի օրենքներով երեխային գրացնելու համար նրա անվան մեջ կարելի է կիրառել միայն լատինական տառեր, ապաթարց և տրոհագիծ։

Սակայն Մասկն ու Գրեյմսը երեխային սովորական անունով չեն կնքել, նրանք պարզապես վերջին տառերը փոխարինել են «Xii»–ով։ Տղայի նոր անունը X Æ A-Xii է։

2019–ին Նարեներն ու Դավիթները «հաղթել» են բոլորին

Փոքրիկի մայրը կարծում է, որ նոր անունը նախորդից լավն է, միևնույն ժամանակ Գրեյմսը չի նշել, թե ինչպես է նոր անվանը վերաբերվում Կալիֆոռնիայի օրենսդրությունը։

Ձախողո՞ւմ, թե՞ շոուի մաս. Իլոն Մասկը ներկայացրել է իր նոր Cybertruck պիկապը. տեսանյութ

52
թեգերը:
անուն, երեխա, Իլոն Մասկ
Ըստ թեմայի
Իլոն Մասկը «հիանալի» է անվանել ռուսական ՌԴ-180 հրթիռային շարժիչը
Tesla-ի մեքենաներն ավելի խելացի են դարձել. ի՞նչ նորություն է մոգոնել Իլոն Մասկը
Հայրիկ է դարձել 6–րդ անգամ․ միլիարդատեր Իլոն Մասկը ցույց է տվել նորածին որդուն
Армяно-грузинская граница

Ռուսաստանի քաղաքացի հայերը փակված են մնացել Վրաստանի սահմանին․ ինչ է ասում դեսպանատունը

73
(Թարմացված է 23:21 25.05.2020)
Երևանում Ռուսաստանի դիվանագիտական ներկայացուցչությունը նորից է ներկայացրել է այն տարբերակները, որոնցով քաղաքացիները կարող են Հայաստանից Ռուսաստան վերադառնալ։

ԵՐԵՎԱՆ, 25 մայիսի – Sputnik․ Հայաստանում Ռուսաստանի դեսպանատունը մեկնաբանել է մամուլում հայտնված տեղեկություններն այն մասին, որ ազգությամբ հայ ՌԴ քաղաքացիները Վրաստան մուտք գործելիս մնացել են Բագրատաշենի անցակետում։

Ավելի վաղ այդ մասին գրել էր shamshyan.com կայքը՝ նշելով, որ մոտ 130 մարդ որոշել են Ռուսաստան վերադառնալ անձնական ավտոմեքենաներով, սակայն կորոնավիրուսի շրջանում Վրաստանի հաստատած սահմանափակումների պատճառով մաքսատան ծառայողները թույլ չեն տալիս հատել սահմանը։

Sputnik Արմենիայի թղթակցի հետ զրույցում ՌԴ դեսպանատան մամուլի քարտուղար Ալեքսանդր Գուչկովը նշեց, որ դեսպանատունը մի քանի անգամ նախազգուշացրել է, որ Վրաստանի տարածքով անձնական ավտոմեքենաներով տարանցումն այս պահին անհնար է այդ երկրի իշխանությունների կողմից սահմանված սահմանափակումների պատճառով:

Այդ սահմանափակումները դեռևս գործում են։ Ավելին` այդ մասին տեղեկատվությունը հասանելի է։ Դեսպանատունն այդ քաղաքացիներին Ռուսաստան վերադառնալու մի քանի տարբերակ է առաջարկել՝ ինչպես օդային, այնպես էլ ցամաքային տրանսպորտով, մասնավորապես՝ հարմարավետ ավտոբուսներով։

«Ընդ որում` եթե նրանք պատրաստ լինեն օգտվել դեսպանատան ընձեռած հնարավորություններից, ապա մենք ռուս-հայկական մարդասիրական արձագանքման կենտրոնի հետ համատեղ նրանց համար մշակել ենք այդ կենտրոնի տարածքում իրենց մեքենան անվճար ժամանակավոր պահպանության թողնելու հնարավորություն»,-հիշեցրել է Գուչկովը։

Ինչ վերաբերում է այն հարցին, թե մարդիկ, իբրև թե, չէին կարող գրանցվել մեկնելու համար, նրանց մոտակա չվերթի մասին հաղորդագրություններ չեն եկել և այլն, ապա, Գուչկովի խոսքով, դեսպանատունն ավտոբուսով վերադառնալու ցանկություն հայտնած քաղաքացիների ցուցակներ է կազմել։ Անունները համաձայնեցվել են վրացական կողմի հետ՝ տեղափոխումը կազմակերպելու համար։ Համավարակի և հաստատված սահմանափակումների շրջանում դեսպանատունը այդկերպ երկու խմբի վերադարձ է կազմակերպել։ 

Իսկ «Госуслуги» հարթակում գործարկվել է օդային տրանսպորտով վերադառնալ ցանկացող քաղաքացիների գրանցման համակարգը։ Համակարգը նորմալ է աշխատում, մարդիկ կարող էին դրա միջոցով գրանցվել և ինքնաթիռով գնալ տուն։

Դեսպանատունը կրկին հիշեցնում է, որ տունդարձի կազմակերպման այս ամբողջ աշխատանքն իրականացվում է ՌԴ տարածաշրջանային իշխանությունների, նախարարությունների, գերատեսչությունների հետ համակարգմամբ՝ կառավարությանն առընթեր օպերատիվ շտաբի գլխավորությամբ:

Դեսպանատնից նախազգուշացրել են, որ այս աշխատանքից դուրս ձեռնարկվող մասնավոր գործողությունները ոչ միայն կարող են լուրջ հետևանքներ ունենալ հենց քաղաքացիների համար, այլև տուն վերադառնալու գործընթացի կազմակերպման զգալի խոչընդոտ դառնալ:

Վրաստանն ուզում է լինել առաջին երկիրը, որը կբացի սահմանները զբոսաշրջիկների համար

Նշենք, որ Ռուսաստանի դիվանագիտական ներկայացուցչությունը պարբերաբար տեղեկություններ է հրապարակում առաջիկա չվերթերի և հայրենիք վերադարձի կազմակերպման կարգի մասին: Վերջին մեկ ամսում Հայաստանից Ռուսաստանի տարբեր շրջաններ է մեկնել շուրջ 500 մարդ։

73
թեգերը:
կորոնավիրուս, Բագրատաշեն անցակետ, ավտոմեքենա, հայեր, հայ, Ռուսաստան, Վրաստանի Հանրապետություն
թեմա:
Կորոնավիրուսը Չինաստանում և աշխարհում
Ըստ թեմայի
ՀՀ քաղաքացիների հետ միջադեպ Վերին Լարսում․ դեսպանությունը բացատրեց` ինչ է տեղի ունեցել
Ռուսաստանում ՀՀ դեսպանության անունից կեղծ պատվերներ են արվում
Հայաստանում ՌԴ դեսպանատան հյուպատոսական բաժինը էլեկտրոնային գրանցումը կսկսի «մաքուր էջից»