ՀՀ անձնագիր

Նոր սկանդալ ԱՄՆ-ում. հարյուրավոր հայկական անձնագրերով բանկային խարդախություններ են արվել

2365
(Թարմացված է 00:32 03.06.2019)
Խարդախության մասին գործով ութ մարդ է կալանավորվել, ևս մեկը՝ 29-ամյա Արտակ Օխոյանը պատրաստ է հանձնվել։

ԵՐԵՎԱՆ, 2 հունիսի – Sputnik. Ամերիկյան իշխանությունն ութ մարդ է ձերբակալել։ Նրանք խարդախության ու հարյուրավոր հայկական անձնագրերի միջոցով Bank of America-ից ու Wells Fargo-ից 1,5 միլիոն դոլար են գողացել։

Իշխանությունը փնտրում է այս գործով իններորդ մեղադրյալին։

ԱՄՆ-ի իմիգրացիոն ու մաքսային մարմնի անցկացրած հետաքննությունը պարզել է, որ մեղադրյալները այլ վերցրել էին այլ մարդկանց իսկական հայկական անձնագրերը։ Նրանք սեփական լուսանկարներով էին փոխարինել անձնագրերի նկարներն ու դրանցով 36 բանկային հաշիվներ բացել։

Քննության տվյալների համաձայն՝ մեղադրյալները, օգտագործելով բացթողումները, որոնք առկա են բանկերի կանոններում, մի հաշվից մյուսին գումարներ էին փոխանցում ու հետո արագ հանում էին Լաս Վեգասի և այլ վայրերի խաղատների բանկոմատներից։

Մեղադրականում նշվում է, ոչ մեղադրյալները 331 անձնագիր են կեղծել Ամերիկայի բանկից 1,5 միլիոն դոլար գողանալու համար։ Նրանց հաջողվել է  1,12 միլիոն դոլար հանել տարբեր հաշիվներից։

Բացի այս գործից, մեղադրյալներից  երեքը կասկածվում են «Ուելս ֆարգոյի» գործով նույնանման խարդախություն անելու մեջ։ Դրա հետևանքով «Ուելս ֆարգոն» մոտ 370 000 դոլար էր կորցրել։

Ձերբակալվածների մեջ են՝ Արա Մալխասյանը (48 տարեկան), Սմբատ Խեչումյանը (38 տարեկան), Սվետա Խեչումյանը (45 տարեկան, Խեչումյանի քույրն է ու Մալխասյանի կինը), Հարություն Պետրոսյանցը (30 տարեկան), Արթուր Հարությունյանը (34 տարեկան), Խաչատուր Չոբանյանը (38 տարեկան), Ջիվան Հախնազարյանը (49 տարեկան) և Արման Գրիգորյանը (37 տարեկան):

Իններորդ մեղադրյալը՝ 29 –ամյա Արտակ Օխոյանն իր փաստաբանի միջոցով համաձայնվել է հանձնվել դաշնային իշխանությանը։

Նշենք, որ հանցավոր համաձայնությամբ բանկային խարդախություն անելու համար օրենքով սահմանված առավելագույն պատիժը 30 տարի ազատազրկումն է։

2365
թեգերը:
Ամերիկայի Միացյալ Նահանգներ
թեմա:
Վթար, պատահար, սպանություն, գողություն (2448)
Ըստ թեմայի
Ջրատարում հայտնաբերված նորածնի մորը Էջմիածնի ոստիկանները հայտնաբերել են
Խոշոր վթար Երևանում. Mercedes-ը քանդել է շինությունը, վարորդի վիճակը ծանր է. լուսանկարներ
Խոշոր վթար Երևանում. 5 մարդ տեղափոխվել է հիվանդանոց. լուսանկարներ
Օրենքով գող Արսեն Երևանսկին գաղութում բանկետ է կազմակերպել․ տեսանյութ
ԱՄՆ-ն չի մեղադրի Ասանժին ԿՀՎ գաղտնի նյութերի արտահոսքի մեջ
Հայերի ստեղծած գլուխգործոցները Թուրքիայում. ինչի՞ մասին զբոսաշրջիկներին չեն պատմում
Հայաստան գալու ժամանակը. հանգիստ, որն անմոռանալի կլինի, կամ որտեղ վայելել ամառը
Կապանցիները պետք է զգուշանան, քանի պարզված չէ դեղնավուն հեղուկի ծագումն ու բաղադրությունը
Դավա և Օլգա Բուզովա

Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն

9
Վիդեոբլոգեր Դավան բացառիկ է նրանով, որ բավականին կարճ ժամանակահատվածում նրան հաջողվեց համացանցում գրեթե 12 միլիոն հետևորդ հավաքել։

ԵՐԵՎԱՆ, 1 հունիսի – Sputnik. Բլոգեր և երգիչ Դավայի (Դավիթ Մանուկյան) մասին հասարակության մեծ մասն իմացավ

անցած տարվա աշնանը, երբ նա նկարահանվեց ռուս ճանաչված երգչուհի Օլգա Բուզովայի տեսահոլովակում։ Հենց այն ժամանակ լուրեր տարածվեցին, որ արտիստներն անտարբեր չեն միմյանց նկատմամբ։

Դեկտեմբերին արդեն Օլգան խոստովանեց բլոգերի հետ սիրավեպի մասին։ Դրանից հետո նրանք գրեթե մշտապես միասին են հանդես գալիս՝ սոցիալական ցանցերում, փոքրիկ հումորային համարներում և տեսահոլովակներում կամ պարզապես աշխատավայրից, կամ հանգստավայրից հրապարակած լուսանկարներում։

«Չէ՞ որ նա հայ է». Բուզովայի սիրեցյալի քույրը գաղտնիքներ է հայտնել

Բուզովայի երկրպագուների մեծաթիվ բանակը բաժանվել է երկու ճամբար. նրանց մի մասը Դավային դուրսպրծուկ ու ալֆոնս են համարում, որը որոշել է հայտնի դառնալ ռուսական փոփ-բեմի արքայադստեր հաշվին, մյուսները՝ ի  դեմս երիտասարդի, տեսնում են այն երկար սպասված արքայազնին, որին Բուզովան արժանի է։

Այս զույգի հարաբերությունները ռուսական շոու-բիզնեսում ամենաքնննարկվողներից են։

Ի՞նչ է հայտնի Դավայի մասին

Դավիթ Մանուկյանը հայտնի է դարձել առաջին հերթին որպես վիդեոբլոգեր, բայց երիտասարդը նաև սեփական երգերն է թողարկում։ Ընդ որում, դրանցից մեկը, որը կոչվում է «Հարբած կլինեմ» , կարճ ժամանակում այնքան հայտնի է դարձել, որ Բուզովան, դեռ անձամբ ծանոթ չլինելով Դավայի հետ, պարել է այդ երգի տակ և տեսանյութը տեղադրել Instagram-ի իր էջում։

«Այն ժամանակ դեռ ծանոթ չէինք, նա պարզապես stories էր նկարում։ Առաջին անգամ ես նրան գրեցի և ասացի՝ շնորհակալ եմ, որ լսում եք իմ երգը, շատ հաճելի է։ Հետո, որոշ ժամանակ անց, նա ինձ գրեց և դեր առաջարկեց իր «Лайкер» տեսահոլովակում,-պատմել է Դավան «Алена блин!» հաղորդման ընթացքում։

Դավիթ Մանուկյանը ծնունդով Նովոսիբիրսկից է, տեղափոխվել է Մոսկվա ընդամենը երկու տարի առաջ։ Նա խոստովանել է, որ այդ ժամանակ Instagram սոցիալական ցանցում ընդամենը մոտ հինգ հազար հետևորդ ուներ։ Բայց շուտով, ընդամենը երկու տարում, արտիստի հետևորդների թիվը հասավ գրեթե 12 միլիոնի։

Այդ ֆենոմենալ թռիչքի շնորհիվ 27-ամյա երիտասարդը հայտնվեց շատերի ուշադրության կենտրոնում։  Վերջերս բլոգերը նկարահանվեց ճանաչված երգիչ Եգոր Կրիդի Love is երգի տեսահոլովակում։ Ամենայն հավանականությամբ՝ երկու տաղանդավոր երիտասարդների համագործակցությունը այդքանով չի սահմանափակվի։

Շատերը զարմացած են Դավայի դերասանական տաղանդով, բայց երիտասարդը բավական հարուստ ստեղծագործական փորձ ունի։ Բանն այն է, որ նա պրոֆեսիոնալ պարող է։ Հայազգի երիտասարդը երեք տարեկանից պարով է զբաղվել, անգամ սպորտային-պարահանդեսային պարերի Ռուսաստանի չեմպիոն է եղել։ Վնասվածքների պատճառով ստիպված է եղել թողնել սպորտային կարիերան (Դավան ողնաշարի երեք ճողվածք ունի. մեծ դեր է խաղացել նաև անձնական հիասթափությունը։

Ի դեպ, հենց պարի շնորհիվ է Դավան հանդիպել իր առաջին սիրուն՝ պարահանդեսային պարերի ներկայիս չեմպիոն Վալերիա Աղիկյանին։ Այն ժամանակ Դավան 16 տարեկան էր, ընտրյալը՝ 15։ Նրանց հարաբերությունները երկար չեն տևել. երկու տարի անց բաժանվել են։

«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա

Նույն «Алена блин!» հաղորդման ընթացքում Մանուկյանը խոստովանել է, որ ուժեղ սթրեսի պատճառով հաճախ նոպաներ էր ունենում։ Արտիստի խոսքով՝ ինքը ուժգին սիրահարված էր Վալերիային, անգամ պատրաստվում էր առաջարկություն անել նրան, մինչդեռ աղջիկը օգտագործում էր իրենց հարաբերությունները առաջնություններից առաջ իրեն հունից հանելու համար։

«Նա իմ հակառակորդի պարային զույգն էր, և մրցումներից առաջ ինձ հաճախ լուսանկարներ էին ուղարկում, որտեղ Վալերիային ինչ-որ մեկը գրկում էր։ Դա ինձ ահավոր հունից հանում էր»,-ասել է նա։ Չնայած դրան, իր «Վերջին պարը» երգը Դավան նվիրել է առաջին սիրուն։

Ինչ վերաբերում է Բուզովայի հետ հարաբերություններին և անհավասար եկամուտներին, արտիստը (ինչպես և ինքը՝ Օլգան) մշտապես ընդգծում է, որ սիրելի կինն իրեն աջակցում է միայն բարոյապես, իսկ նյութական ծախսերը միշտ ինքն է հոգում։ Ի դեպ, երիտասարդներն ապրում են Մանուկյանի վարձակալած բնակարանում։

«Ես ոչ մի կնոջից փող չեմ վերցրել։ Երբեք նման բան չի եղել։ Եթե մենք Օլյայի հետ որևէ տեղ ենք գնում, միշտ ես եմ վճարում։ Հակառակ դեպքում ես ինձ տղամարդ չեմ զգա։ Իմ փրոդաքշընի համար ես մեծ գումարներ եմ ծախսում՝ գովազդ, նկարահանումներ։ Ճիշտ այդքան էլ ծախսում եմ Օլյայի վրա։ Ռեստորանում հաշիվը տարբեր է լինում՝ 20-ից մինչև 80 հազար ռուբլի՝ կախված տեղից»,-խոստովանել է նա։

Արտիստի խոսքով՝ ինքը հեռու գնացող շատ ծրագրեր ունի, իսկ Օլգայից իրեն միայն հոգեբանական աջակցություն է պետք։

9
թեգերը:
տեսահոլովակ, սեր, երգիչ, Օլգա Բուզովա, Դավիթ (Դավա) Մանուկյան
Ըստ թեմայի
Մոսկովյան բանկ ներխուժած տղամարդը պահանջել է փող և Բուզովային. տեսանյութ
«Մանդարինկա». Բուզովան բլոգեր Դավիթ Մանուկյանի հետ ամանորյա երգ է թողարկել
Օլգա Բուզովան հաստատել է` իր ընտրյալը հայ հայտնի բլոգեր Դավիթ Մանուկյանն է
Օլգա Բուզովան ծննդյան 34–ամյակը նշում է հայ սիրեցյալի հետ. տեսանյութ
Машина Скорой помощи в Тбилиси

Թբիլիսիի գազալցակայաններից մեկում պայթյուն է որոտացել

6
(Թարմացված է 23:49 01.06.2020)
Դեպքի վայր են մեկնել հրշեջները, փրկարարները, շտապօգնության բրիգադն ու ոստիկանները։

ԵՐԵՎԱՆ, 1 հունիսի – Sputnik. Վրաստանի մայրաքաղաք Թբիլիսիի գազալցակայաններից մեկում այսօր երեկոյան պայթյուն է որոտացել, կա տուժած։ Տեղեկությունը հայտնում է ՌԻԱ Նովոստին։

«Մեկ մարդ է տուժել։ Հրդեհն արդեն մեկուսացվել է», – հայտնում են տեղական հեռուստաալիքները։

Ռուսների «թուղթուգիրն» ու աշխարհի վերջը. հողը փախչում է գերտերության ոտքերի տակից

Նշվում է, որ դեպքի վայր են մեկնել պարեկային ծառայության աշխատակիցները, հրշեջները, փրկարարներն ու բժիշկները։ Պայթյունի պատճառն առայժմ հայտնի չէ։

Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա

6
թեգերը:
պայթյուն, գազալցակայան, Թբիլիսի, Վրաստանի Հանրապետություն
Ըստ թեմայի
Պայթյուն Շիրակի մարզի գազալցակայաններից մեկում. 40 տարեկան տղամարդ է մահացել
Տեխասում պայթել է Իլոն Մասկի տիեզերանավի նախատիպը. տեսանյութ
Լոս Անջելեսում պայթյունի հետևանքով 11 մարդ է տուժել
Ռուբեն Հայրապետյան

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

0
(Թարմացված է 00:12 02.06.2020)
Ռուբեն Հայրապետյանը փաստաբանը հույս ունի, որ այս քրեական գործով կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ։

ԵՐԵՎԱՆ, 2 հունիսի – Sputnik. Հայաստանի ֆուտբոլի ֆեդերացիայի նախկին ղեկավար Ռուբեն Հայրապետյանի ընտանիքին պատկանող «Հարսնաքար» համալիրի նախկին տնօրեն Հայկ Շահնազարյանի կողմից Ընկերության առանձնապես խոշոր չափերով գույքը խարդախությամբ հափշտակելու փաստի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ: Տեղեկությունը հայտնում է Հայրապետյանի փաստաբան Ամրամ մակինյանը։

«Հույս ունենք, որ այս քրեական գործով նույնպես կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ…»,– Facebook–ի իր էջում գրել է նա։

Մակինյանը հիշեցրել է` Հայկ Շահնազարյանն այն նույն անձն է, որին իբրև թե խոշտանգել ու ապօրինի ազատությունից զրկել են Ռուբեն Հայրապետյանի կազմակերպմամբ։

«Սակայն Հայրապետյանի առնչությունը նշվածին դատարանը չհաստատեց, փոխարենը օրեր անց քրեական գործ հարուցվեց Հայկ Շահնազարյանի կողմից առերևույթ առանձնապես խոշոր չափերի խարդախություն կատարելու փաստի առթիվ։ Ափսոսում եմ, որ քննչական կոմիտեի մամուլի ծառայությունը մոռացել է հանրությանը հայտնել նաև այս մասին, ինչպես արվեց Ռուբեն Հայրապետյանին առերևույթ մեղադրելու դեպքում…»,– եզրափակել է փաստաբանը:

Ավելի վաղ հայտնել էինք, որ Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները։ Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով  (ինքնիրավչություն): Նա գտնվում է հետախուզման մեջ:

Ռուբեն Հայրապետյանին կանչել են հարցաքննության, իսկ նա Հայաստանում չէ

0
թեգերը:
Ամրամ Մակինյան, Ռուբեն Հայրապետյան, Հայաստան
Ըստ թեմայի
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան