Ժան Պօղոսեան

Ժընեւի մէջ ներկայացուած են սուրիահայ նկարիչ եւ քանդակագործ Ժան Պօղոսեանի աշխատանքները

106
(Թարմացված է 23:44 01.06.2019)
ՄԱԿ-ի կեդրոնին մէջ Ժան Պօղոսեան ցուցահանդէսին ներկայացուցած տպաւորիչ արուեստի գործերը իմաստալից են, ոչ միայն անոնց գեղարուեստական ստեղծագործութեան եւ կատարման առումով, այլեւ ՄԱԿ-ի հետ առնչութեամբ:

ԵՐԵՒԱՆ, 31 մայիսի-Sputnik. Նկարիչ Ժան Պoղոսեան կրակը կ’օգտագործէ որպէս գործիք, փոխակերպման իր ստեղծագործութիւններուն մէջ:  Հաւասար յարմարաւէտ գործածութեամբ ներկապնակով կամ կրակ փչող սարքով ներկայացուցած է իր նկարները վերջին ցուցահանդէսին՝ « Cessez Le Feu»,  որ ներկայիս կը գտնուի ոչ պակաս դիտարժան վայրի մէջ, քան Ժընեւի Միացեալ ազգերու երկրորդ գլխաւոր  շէնքին մէջ: Այս մասին կը հաղորդէ «Forbes»-ը:

Ժան Պօղոսեան ցուցահանդէսին ներկայացուցած տպաւորիչ արուեստի գործերը իմաստալից են, ոչ միայն անոնց գեղարուեստական ստեղծագործութեան եւ կատարման առումով, այլեւ ՄԱԿ-ի հետ  առնչութեամբ:

Պօղոսեան ոգեշնչուած է  ՄԱԿ-ի դերով, քանի որ ատոր 17 միջազգային նպատակները , կը նպաստեն  աւելի լաւ աշխարհ դարձնելու համար: Ի հարկէ, այս արդիւնքին հասնելու նպատակներն են յաւակնոտ եւ լայնածաւալ, քանի որ ատոնք կը ներառեն աղքատութիւնը, անհաւասարութիւնը, եղանակի  փոփոխութիւնը, աղտոտումը, կրթութիւնը եւ առողջութիւնը, գումարած , բոլորին համար, աւելի լաւ սնունդ եւ միջավայրի մաքրութիւնը:

Անհրաժեշտ փոփոխութիւններ կատարելու համար անհրաժեշտ է ժամանակ եւ ջանք, եւ կը պահանջէ համաշխարհային համագործակցութիւն: Սակայն մարտահրաւէրներուն արձագանքելու պարագային  կ’անդրադառնայ միջազգային բարեկեցութեան, եւ Ժան Պօղոսեան կը ցանկայ, որ այս ցուցահանդէսը ըլլայ այդ գործընթացքի առանցքային մասը:

Ստեղծելով  շարք մը գործեր `այրուած գիրքերէն մինչեւ կրակով ստեղծուած նկարներ, ան իր գեղարուեստական հմտութիւնը կը ներդնէ ՄԱԿ-ի մշակութային, ընկերային եւ մարդասիրական առաքելութեան:

Պօղոսեանի համար այս գիրքերը վկայութիւնն են անոր հայկական ժառանգութեան, ուր հնագոյն ձեռագիրներու եւ գիրքերու սրբութիւնը մշակոյթի համար անբաժանելի են: Չնայած հալածանքներուն եւ ցեղասպանութեան, այս գործերը իսկապէս ճշմարիտ վերապրողներ են: Ան նաեւ կը ցանկայ ընդգծել, որ գիրքերը դեռեւս թուայնացուած են եւ հնչեղութիւն ունին: Թէեւ փչացած եւ վնասուած են, անոնք դեռեւս կը հրաւիրեն մեզ բացայայտելու այն, ինչ ներսը կը գտնուի:

106
թեգերը:
Միացյալ Ազգերի Կազմակերպություն (ՄԱԿ)
թեմա:
Sputnik Արմենիան` արևմտահայերենով (229)
Ըստ թեմայի
Խաղամոլութիւն, թէ լարուածութիւն. չարիքի դէմ պայքարին ի՞նչն է սխալը Հայաստանի մէջ
Հայկն ու Կարինէն կը պատմեն իրենց գաղտնիքները. լուսնոտութիւնը դժոխքի պատմութիւն չէ
Արժանթինահայ միլիարատիրոջ գործընկերը հսկայական շէնք պիտի կառուցէ Երեւանի մէջ
Այս հայուն մասին ամբողջ Սիպիրը գիտէ. ինչպէս վագրը սկսաւ մայր համարել բժիշկ Դալլաքեանը
Սուրբ Կիրակոս եկեղեցին կը վերանորոգուի. հայերը վերստին կրցած են եկեղեցի մուտք գործել