ԵՐԵՎԱՆ, 8 մայիսի — Sputnik. Ժամանակակից ամենահայտնի գրողներից Սթիվեն Քինգը ենթադրություն է արել «Գահերի խաղը» ֆանտաստիկ սագայի վերջաբանի վերաբերյալ։
Միլիոնավոր երկրպագուներ ամբողջ աշխարհում սրտատրոփ սպասում են աշխարհի ամենահաջողված հեռտուստանախագծերից մեկի վերջին սերիաներին։ Երկրպագուները չեն դադարում վիճել, թե ով է զբաղեցնելու Երկաթե գահը։
Suppose--just suppose, now--that Jon and Dani BOTH died (along with Cersei, of course). Suppose--just suppose--that a certain little man with a big heart ended up sitting on the Iron Throne?
— Stephen King (@StephenKing) May 6, 2019
«Ենթադրենք, պարզապես ենթադրենք, որ Ջոնն ու Դենին կմահանան (իհարկե, Սերսեան էլ իրենց հետ)։ Ենթադրենք, պարզապես ենթադրենք, որ Երկաթե գահն ի վերջո կզբաղեցնի մեծ սրտով փոքր տղամարդը», – գրել է Քինգը Twitter–ում` ակնարկելով Թիրիոն Լանիսթերին։
Հաջորդ հրապարակման մեջ, մեկնաբանելով օգտատերերի ենթադրությունն այն մասին, որ Երկաթը գահը կարող էր զբաղեցնել Սանսա Ստարկը, գրողը նշել է, որ աղջիկը Վերթերոսում իշխելու համար չափազանց սառն է։
«Գահերի խաղը» սերիալի ութերորդ եթերաշրջանը մեկնարկել է ապրիլի 14–ին։ Այն վեց սերիայից է կազմված։ Orange Cinema Series ֆրանսիական հեռուստացանցը հայտնել է, որ առաջին երկու դրվագը մեկ ժամ են տևելու, իսկ մնացածը` 80 րոպե։
