Շրի Լանկա

Դանիայի ամենահարուստ մարդը 3 երեխային կորցրել է Շրի Լանկայի ահաբեկչությունների հետևանքով

244
Շրի Լանկայում տեղի ունեցած ահաբեկչությունների հետևանքով մահացել են գործարարի 4 երեխաներից երեքը։

ԵՐԵՎԱՆ, 22 ապրիլի – Sputnik. Դանիայի ամենահարուստ մարդը` Անդերս Հոլք Պոուլսենը, հայտնել է, որ Շրի Լանկայում տեղի ունեցած ահաբեկչության հետևանքով մահացել են իր չորս երեխաներից երեքը։ Այս մասին տեղեկացնում է Daily Mail–ը։

Շրի Լանկայի ահաբեկչությունների հետևանքով մահացածների թիվը հասել է համարյա 300–ի, ևս 500 տուժել են։ Ձերբակալել են 24 մարդու։

Պաուլսոնը Bestseller ցանցի սեփականատերն է, նրան են պատկանում նաև Asos ընկերության բաժնեստոմսերի մեծ մասը։ Նա խոշոր հողատարածքներ ունի Շոտլանդիայում։

Գործարարի կարողությունը 5 միլիարդ ֆունտ է գնահատվում։

Մի քանի օր առաջ նա պատմել էր, որ իր մահից հետո կարողությունը թողնելու է զավակներին` Ալմային, Աստրիդին, Ագնեսին ու Ալֆրեդին։ Հայտնի չէ` ահաբեկչությունների հետևանքով որ երեխաներն են մահացել։ Հայտնի է, որ Պոուլսենն ընտանիքի հետ ճանապարհորոդում էր Շրի Լանկայում։

Ռումբերը գրեթե միաժամանակ պայթել են երեք հյուրանոցներում ու երեք եկեղեցիներում։ Ավելի ուշ ևս երկու ռումբ պայթել են մայրաքաղաքի մոտակա ավանում։ Ծայրահեղական խմբավորումներից ոչ մեկն ունեցածի համար պատասխանատվություն չի ստանձնել։ Երկրում արտակարգ իրավիճակ է հայտարարվել։

Երեկ ՀՀ վարչապետ Նիկոլ Փաշինյանը և ՀՀ նախագահ Արմեն Սարգսյանը ցավակցական հեռագրեր են հղել Շրի Լանկայի ժողովրդավարական սոցիալիստական Հանրապետության նախագահ Մաիտրիպալա Սիրիսենային:

244
թեգերը:
Շրի Լանկա
թեմա:
Պայթյուններ Շրի Լանկայում (20)
Ըստ թեմայի
Սարսափելի կադրեր Շրի Լանկայից, որտեղ 8 պայթյուններին զոհ է գնացել ավելի քան 180 մարդ
Արյուն և համատարած սուգ. Շրի Լանկայում Զատկի տոնը ողբի է վերածվել. լուսանկարներ
Հայերի առկայությունը Շրի Լանկայի պայթյունների զոհերի կամ վիրավորների շրջանում ճշտվում է
«Ռոմա»

«Ռոման» Մխիթարյանի փոխանցումը «հավերժացրել» է գրաֆիկայով

29
Իտալիայի Ա սերիայի 31-րդ տուրի խաղում «Ռոման» նվազագույն 2:1 հաշվով հաղթանակ տարավ «Պարմայի» նկատմամբ։

ԵՐԵՎԱՆ, 10 հուլիսի –Sputnik. «Ռոմա» իտալական ֆուտբոլային ակումբի մամուլի ծառայությունը Ա սերիայի եզրափակիչ խաղում հաղթական գոլի գրաֆիկական պատկերն է պատրաստել։ Գրաֆիկան տեղադրված է ակումբի Facebook–յան էջում։

Իտալիայի Ա սերիայի 31-րդ տուրի խաղում «Ռոման» նվազագույն 2:1 հաշվով հաղթանակ տարավ «Պարմայի» նկատմամբ։

Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ

Հայաստանի հավաքականի ավագ և «Ռոմայի» կիսապաշտպան Հենրիխ Մխիթարյանն այդ խաղում առանձնացավ գոլով և գոլային փոխանցմամբ։ Ընդմիջումից առաջ 31-ամյա հայ կիսապաշտպանը հավասարեցրեց հաշիվը։

Երկրորդ խաղակեսում Հենրիխը արեց իր «ֆիրմային» անցումն ու փոխանցում կատարեց Ժորդան Վերետուին, որը կարողացավ մեծ հեռավորությունից գնդակն ուղարկել դարպասը։

Մխիթարյանը գեղեցիկ գոլ խփեց, սակայն չկարողացավ «Ռոմային» փրկել պարտությունից․ տեսանյութ

Հիշեցնենք, որ Հենրիխ Մխիթարյանը Լոնդոնի «Արսենալ» ակումբի ֆուտբոլիստ է, սակայն հանդես է գալիս իտալական «Ռոմայի» կազմում վարձակալության իրավունքով։ Իտալական ակումբը երկարաձգել է վարձակալությունը մինչև ընթացիկ խաղաշրջանի փաստացի ավարտը, ինչպես նաև 2020/21 խաղաշրջանի համար նախնական պայմանավորվածություն ձեռք բերել «Արսենալի» հետ կիսապաշտպանին վարձակալելու համար։

29
թեգերը:
«Ռոմա» ֆուտբոլային ակումբ, գոլ, Հենրիխ Մխիթարյան
թեմա:
Հենրիխ Մխիթարյան
Ըստ թեմայի
«Ռոմայի» և «Արսենալի» հայտնի և անհայտ պայմանավորվածությունները. ինչ է սպասվում Մխիթարյանին
Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ
Հայաստանի առաջին խմբի առաջնությունը դադարեցվեց. 5 ակումբ և 58 անձ որակազրկվեցին
Երիտասարդ, արխիվային լուսանկար

Առօրյա ո՞ր գործողություններն են վտանգավոր COVID-19-ի տարածման համար

99
(Թարմացված է 21:16 09.07.2020)
Ամերիկացի գիտնականները ստեղծել են կորոնավիրուսի «ռիսկի սանդղակ»՝ մարդկանց առօրյա գործողություններից ելնելով։ Սանդղակից պարզ է դառնում, որ սրճարան կամ մարզադահլիճ այցելելը շատ ավելի վտանգավոր է, քան ուտելիք պատվիրելը։

ԵՐԵՎԱՆ, 10 հուլիսի - Sputnik. Բժիշկները կորոնավիրուսի «ռիսկի սանդակ» են մշակել, որը ցույց է տալիս, թե որքանով են վտանգավոր մարդկանց առօրյա գործողությունները՝ կորոնավիրուսով վարակվելու տեսանկյունից։

Metro պարբերականը գրում է՝ ամերիկացի գիտնականները ցուցակ են կազմել, որում մարդկանց ամենօրյա գործողությունները COVID-19-ով վարակման սպառնալիքի տեսանկյունից գնահատվում են 10 բալանոց համակարգով։

Ըստ այդմ՝ նվազ ռիսկեր են պարունակում ուտելիք պատվիրելը, մեքենայի լիցքավորումը, թենիս խաղալը և արշավները։ Փոքր-ինչ ավելի վտանգավոր է համարվում սուպերմարկետ գնալը, գոլֆ խաղալը, հյուրանոցում բնակվելը, բժշկի և ռեստորան այցելելը։ Ցուցակում հաջորդիվ ծովափնյա հանգիստն է, ընկերների հետ ընթրիքը, ազգականներին այցելելը և գրասենյակում աշխատելը։

Գիտնականները կանխատեսո՞ւմ էին համավարակի բռնկումը

Իսկ ահա վարսահարդարին այցելելը, հարսանիքի կամ թաղման մասնակցելը և ընկերների հետ գրկախառնությունները կարող են լուրջ հետևանքներ ունենալ։

Տեխաս նահանգի գիտնականները ամենավտանգավորը համարում են կինոթատրոն և մարզադահլիճ այցելելը, բազմամարդ երեկույթները և փաբերում ու բարերում ժամանակ անցկացնելը։

Կորոնավիրուսից հետո խանգարումնե՞ր են ի հայտ գալիս. գիտնականների նոր բացահայտումը

Միջազգային վիճակագրական տվյալներով՝ աշխարհում կորոնավիրուսով վարակվածների թիվը գերազանցում է 12,2 միլիոնը, մահացել են ավելի քան 553 հազարը։

99
թեգերը:
Ռեստորան, գիտնական, ԱՄՆ, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Կորոնավիրուսի կարող է վտանգավոր լինել սրտի համար. ռուս գիտնական
Գիտնականներին հաջողվել է գտնել կորոնավիրուսի թույլ կողմերը
Գիտնականները գտել են աշխարհում զանգվածային մահացության ամենահավանական պատճառներից մեկը
Գիտնականները հայտարարել են, որ կորոնավիրուսին 100%-ով հակազդող հակամարմին են հայտնաբերել
Բժիշկ

Գլխով բժշկի քթին հարվածած 29-ամյա երիտասարդին մեղադրանք է առաջադրվել

0
(Թարմացված է 11:27 10.07.2020)
«Արաբկիր» ԲԿ–ում բուժում ստացող երեխաներից մեկի հայրը բժշկի հետ զրույցի ժամանակ վիճաբանել էր ու հարվածել նրան։

ԵՐԵՎԱՆ, 10 հուլիսի — Sputnik. ՀՀ քննչական կոմիտեն տեղեկացնում է, որ 28-ամյա երիտասարդին մեղադրանք է առաջադրվել բժշկի մասնագիտական գործունեությանը խոչընդոտելու համար։

«2019թ. դեկտեմբերի 12-ին՝ ժամը 12:30-ի սահմաններում, «Արաբկիր» բժշկական համալիր-երեխաների և դեռահասների առողջության ինստիտուտի վերակենդանացման բաժանմունքի վարիչն իր աշխատասենյակում նույն բաժանմունքում բուժվող հիվանդի ծնողներին իրենց որդու առողջական վիճակի վերաբերյալ տեղեկություններ է ներկայացրել։ Այդ ընթացքում վերջինիս հայրը՝ Երևանի 29-ամյա բնակիչը, վիճաբանության մեջ է մտել բժշկի հետ»,–նշված է ՔԿ–ի հաղորդագրության մեջ։

Վիճաբանության ժամանակ 29-ամյա երիտասարդը առողջության համար ոչ վտանգավոր բռնություն է գործադրել բժշկի նկատմամբ. գլխով դիտավորությամբ մեկ անգամ հարվածել է վերջինիս քթին՝ պատճառելով ֆիզիկական ցավ:

29-ամյա երիտասարդին մեղադրանք է առաջադրվել՝ ՀՀ քրեական օրենսգրքի 130.1-րդ հոդվածի (բուժաշխատողների մասնագիտական, ինչպես նաև ոչ մասնագիտական օժանդակող գործունեությանը խոչընդոտելը) 1-ին մասով: Նրա նկատմամբ որպես խափանման միջոց է ընտրվել ստորագրություն չհեռանալու մասին:

Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել դատարան:

Նշենք, որ դեպքը մեծ հնչեղություն էր ստացել. առողջապահության նախարար Արսեն Թորոսյանը նույնպես անդրադարձել էր դրան` ասելով, որ բժիշկների դեմ բռնությունները պետք է դատապարտվեն`  անկախ դեպքի մանրամասներից:

Նման քայլի դիմողները, ըստ նրա, պետք է պատժվեն։ Մինչ բժշկի հետ վիճաբանությունը երիտասարդը կոտրել էր ընդունարանի բժշկի սեղանի ապակին, վնասել վիրաբուժականի դուռը, պատռել սեղանին դրված մեկ այլ հիվանդի պատմագիրը:

0
թեգերը:
հայր, Մեղադրանք, ծեծ, բժիշկ, Երևան