ԵՐԵՎԱՆ, 16 ապրիլի - Sputnik. Ադրբեջանի ԱԳՆ–ն մեկնաբանել է հայ լրագրողներին իր տարածքում ընդունելու պատրաստակամության վերաբերյալ հարցը։ Այս մասին գրում է «Կոմերսանտ» թերթը։

«Բաքվում միշտ տրամադրված են եղել ստեղծել պայմաններ, որոնք կնպաստեն Ադրբեջանի ու Հայաստանի հասարակությունների միջև հարաբերական փոխըմբռնման մթնոլորտի ստեղծմանն ու ամրապնդմանը», – պարբերականին ասել է Ադրբեջանի ԱԳՆ ներկայացուցիչ Լեյլա Աբդուլաևան։

Նրա խոսքով` այդպիսի հանդիպումները հազվադեպ են լինում, որովհետև ադրբեջանցիները զերծ են մնում դրանցից` «անվտանգության նկատառումներից» ելնելով, բայց իրավիճակը կարող է փոխվել «եթե հայկական կողմն անվտանգության պատշաճ երաշխիքներ տա»։

Ինչ վերաբերում է հակամարտող կողմերի տարածքում կալանքի մեջ գտնվող անձանց հարազատների այցերին, ապա այդ հարցը երկու կողմի համար էր արդիական է։ Օրինակ` Ադրբեջանում բանտարկված է ՀՀ քաղաքացի Կարեն Ղազարյանը։ Բաքվի վարկածով` նա դիվերսանտ է, որը նախորդ տարվա հուլիսին փորձել է երկրի տարածք ներխուժել։ Սակայն Երևանում պնդում են, որ Ղազարյանը բանակում չի ծառայել, այլ սահմանամերձ գյուղի հոգեկան խանգարումներ ունի։

© Photo : press office of the MFA of RF

Մնացականյան–Մամեդյարով–Լավրով հանդիպման արդյունքում համատեղ հայտարարություն է ընդունվել

«Հայաստանի հսկողության տակ գտնվող տարածքներում էլ ադրբեջանցի բանտարկյալներ կան։ Մասնավորապես` Շահբազ Գուլիևն ու Դիլհամ Ասկերովը, որոնց 2014 թվականին կալանավորել էին», – գրում է «Կոմերսանտը»։

Պարբերականը խոսել է նաև ՀՀ ԱԳՆ–ի աղբյուրի հետ, որը հասկացրել է, թե պատրաստ են թույլ տալ ադրբեջանցի բանտարկյալների հարազատներին Հայաստան ու Արցախ այցելել։ Պատասխանելով պարբերականի հարցին` արդյո՞ք Բաքուն չի խոչընդոտի, որ իր քաղաքացիները Հայաստան ու ԼՂՀ գնան, Լեյլա Աբդուլաևան նշել է, որ «Ադրբեջանի իշխանությունը երբեք խիստ սահմանափակում չի դրել քաղաքացիների` Հայաստան, հատկապես օկուպացված ադրբեջանական տարածք այցելելու վրա, բայց իրավիճակը կարող է փոխվել, եթե հայկական կողմը անվտանգության պատշաճ երաշխիքներ տրամադրի»։

Հիշեցնենք` երեկ Ռուսաստանի, Հայաստանի ու Ադրբեջանի արտգործնախարարներն ու ԵԱՀԿ Մինսկի խմբի համանախագահները հանդիպել են Մոսկվայում և համատեղ հայտարարություն ընդունել։ Հայաստանի և Ադրբեջանի ԱԳ նախարարները վերահաստատել են կողմերի մտադրությունը շարունակելու քաղաքական-դիվանագիտական միջոցներով ղարաբաղյան հակամարտության կարգավորման ուղղությամբ ջանքերը: Ընդգծվել է շահագրգռվածությունը հակամարտության գոտում իրադրության հետագա կայունացման ուղղությամբ, մասնավորապես գյուղատնտեսական աշխատանքների ժամանակաշրջանում: Նրանք նաև պայմանավորվել են փոխադարձության հիման վրա միջոցներ ձեռնարկել թույլատրելու կողմերի տարածքում կալանքի մեջ գտնվող անձանց հարազատների այցերը: Նախարարները պատրաստակամություն են հայտնել գործնական միջոցներ ձեռնարկել մարդկանց միջև շփումների հաստատման ուղղությամբ, այդ թվում ԶԼՄ-ների ներկայացուցիչների փոխադարձ այցելությունների միջոցով:

ԵՐԵՎԱՆ, 3 մարտի - Sputnik. Ռուս խաղաղապահները Լեռնային Ղարաբաղի Մարտակերտ բնակավայրի շրջանում իրականացրած ականազերծման աշխատանքների ընթացքում ավելի քան 30 152 մմ բեկորային-ֆուգասային հրետանային արկեր են վնասազերծել։ Տեղեկությունը հայտնում է ՌԴ ՊՆ մամուլի ծառայությունը։

© CC BY 3.0 / LJ user plusninety

Հայ ուխտավորներին ռուս խաղաղապահներն ուղեկցել են Ամարաս

«2020թ. նոյեմբերի 23-ից ի վեր չպայթած զինամթերքից մաքրվել է 1 548 հա տարածք, 484 կմ ճանապարհ, 1 524 շինություն, այդ թվում՝ սոցիալական նշանակության 30 օբյեկտ, հայտնաբերվել ու վնասազերծվել է 24 994 պայթուցիկ առարկա», - ասված է հաղորդագրության մեջ:

Նշվում է, որ հայտնաբերված պայթուցիկ առարկաները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէ տարհանել, ոչնչացվել է տեղում. պայթեցման աշխատանքների ժամանակ պահպանվել են անվտանգության բոլոր անհրաժեշտ միջոցները:

Ռուսական խաղաղապահ զորախմբի մարդասիրական ականազերծման վաշտի անձնակազմը շարունակում է Լեռնային Ղարաբաղում տեղանքը պայթունավտանգ առարկաներից մաքրելու աշխատանքները:

Հաղորդագրության համաձայն՝ մարտական գործողություններից տուժած շրջաններում ռուս խաղաղապահների աջակցությամբ շարունակվում է կենսական կարևորություն ունեցող հաղորդակցությունների վերականգնումը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են