Կարօ Փայլան

Հայ ժողովուրդի վէրքը կրնայ ապաքինիլ միայն՝ Թուրքիոյ մէջ արդարութիւն տիրելով. Կարօ Փայլան

133
(Թարմացված է 18:36 12.04.2019)
Կարօ Փայլան կ’առաջարկէ Հայոց ցեղասպանութիւնը դարձնել Թուրքիոյ խորհրդարանի հարց։

ԵՐԵՒԱՆ, 12 ապրիլի - Sputnik. Թուրքիոյ խորհրդարանի հայ երեսփոխան Կարօ Փայլան, Հայոց ցեղասպանութեան վերաբերեալ Իտալիոյ պատգամաւորներու պալատի որոշումէն եւ Ֆրանսայի նախագահի հրամանագիրը ստորագրելէն ետք, Twitter-ի իր էջին վրայ գրառում մը կատարած է:

«Որպէսզի Հայոց ցեղասպանութիւնը դադրի Իտալիոյ, Ֆրանսայի, նաեւ ԱՄՆ-ի Քոնկրէսին մէջ քննարկման թեմա ըլլալէն, պէտք է դարձնել այն երկրի թեման, ուր այդ ամենամեծ յանցագործութիւնը տեղի ունեցած է: Այսինքն այն պէտք է դարձնենք Թուրքիոյ խորհրդարանի հարցը»,- գրած է Փայլան:

Հայ պատգամաւորի դիտարկմամբ` հայ ժողովուրդի վէրքը կրնայ ապաքինիլ միայն՝ Թուրքիոյ մէջ արդարութիւն տիրելով: Անատոլիոյ հայերը արդէն 104 տարի է` արդարութեան կը սպասեն:

Յիշեցնենք, որ Ֆրանսայի նախագահ Էմանուէլ Մաքրոն ապրիլ 10-ին ստորագրած էր ապրիլի 24-ը Հայոց ցեղասպանութեան յիշատակի ազգային օր ճանչնալու մասին հրամանագիրը:

Իսկ Իտալիոյ պատգամաւորներու պալատն ապրիլի 10-ին ընդունած էր բանաձեւ, որմով երկրի կառավարութեան կոչ կ՛ուղղէ ճանչնալու Հայոց ցեղասպանութիւնը եւ խնդրին տալ միջազգային հնչեղութիւն:

Բանաձեւին կողմ քուէարկած էր 382 պատգամաւոր, ձեռնպահ մնացած էր 43-ը, իսկ դէմ ձայներ չեն եղած:

133
թեմա:
Sputnik Արմենիան` արևմտահայերենով (208)
Ըստ թեմայի
Հայոց Ցեղասպանութեան ճանաչումը ԱՄՆ-ի արտաքին քաղաքականութեան մէջ նոր էջ կը բանայ
Հայաստանի երեխաներուն մեծ մասը մանկապարտէզ չի յաճախեր. ԵՈՒՆԻՍԵՖ–ը մտահոգութիւն կը յայտնէ
Վիճաբանութիւն` հայ համայնքին հետ հանդիպման ժամանակ. Փաշինեան կը փորձէր հանգստացնել