Հռոմի պապը համբուրեց Հարավային Սուդանի նախագահի ոտքերը

Հռոմի պապը համբուրեց Հարավային Սուդանի նախագահի ոտքերը. տեսանյութ

163
Հռոմի Ֆրանցիսկոս պապը հանուն խաղաղության պատրաստ է ամեն ինչի։ Նա ապացուցել է դա, երբ ծնկի է եկել համբուրելու Հարավային Սուդանի երկու առաջնորդների ոտքերը` հույս ունենալով լուծել նրանց տարաձայնությունները և վերջ դնել երկրում քաղաքացիական արյունալի պատերազմին։

ԵՐԵՎԱՆ, 12 ապրիլի – Sputnik. Հանուն ազգային համերաշխության Հռոմի Ֆրանցիսկոս պապը Վատիկանի սուրբ Մարթայի տանը համբուրեց Հարավային Սուդանի ղեկավարների ոտքերը։ Այդ երկրում 2013 թվականից արյունոտ հակամարտություն է ընթանում։

Դրանից առաջ Պապը աֆրիկյան երկրի առաջնորդներին` գործող նախագահ Սալվա Կիիրին և մայիսի 12-ին պարտավորությունները ստանձնող ապագա փոխնախագահներ Ռիեկ Մաչարին և Ռեբեկա Նյանդենգուին (Սուդանի Ազատագրման ժողովրդական բանակի լեգենդար առաջնորդ` Ջոն Գարանգի այրի) խաղաղության կոչ էր արել:

2018 թվականի սեպտեմբերին քաղաքական գործիչները համաձայնագիր էին ստորագրել Հարավային Սուդանում հակամարտության դադարեցման մասին` խոստանալով երկրում խաղաղություն պահպանել, փոխանցում է ՌԻԱ Նովոստին։

«Խաղաղության պայմանագիր ստորագրած Ձեզ երեքին խնդրում եմ, որպես եղբայր` խաղաղություն պահպանեք: Ես խնդրում եմ ամբողջ սրտով, եկեք առաջ գնանք: Դեռ շատ խնդիրներ կլինեն, բայց մի՛ վախեցեք։ Առաջ գնացեք, լուծե՛ք խնդիրները։ Ձեր միջև պայքար կլինի, բայց ժողովրդի առաջ միասին եղեք։ Այդպես դուք հասարակ քաղաքացուց ազգի հայրեր կդառնաք», – ասել է Պապը։

Սրբազան Քահանայապետը կոչ է արել «մեկընդմիշտ մարել պատերազմի կրակը» և սկսել ազգի խաղաղ ապագա կերտել։

163
թեգերը:
Հռոմի Սրբազան Քահանայապետ Ֆրանցիսկոս պապ
Ըստ թեմայի
Հռոմի պապը սայթաքել է և ընկել. ինչպե՞ս է իրեն զգում 81–ամյա քահանայապետը
Գարեգին Բ–ն ու Հռոմի պապը հանդիպել են. լուսանկարներ
Նեցուկ լինել եղբայր մուսուլմաններին. Հռոմի պապը ցավակցել է ահաբեկչությունից տուժածներին