Նիկոլ Փաշինյանը` Ստրասբուրգում

Վիճաբանութիւն` հայ համայնքին հետ հանդիպման ժամանակ. Փաշինեան կը փորձէր հանգստացնել

805
(Թարմացված է 12:42 12.04.2019)
ՀՀ վարչապետ Նիկոլ Փաշինեան Սթրազպուրկ կատարած աշխատանքային այցի ժամանակ հանդիպած է տեղի հայ համայնքի ներկայացուցիչներուն հետ:

ԵՐԵՒԱՆ, 11 ապրիլի — Sputnik. Վիճաբանութիւն մը տեղի ունեցած է Հայաստանի վարչապետ Նիկոլ Փաշինեանի ու հայ համայնքի հետ հանդիպման ժամանակ, Սթրազպուրկի մէջ :

Ամէն ինչ սկսած է, երբ համայնքի ներկայացուցիչներէն մէկը երկար ու յամառօրէն փորձած է համոզել վարչապետը, որ ընտրակաշառքներու դէպքեր կ’ըլլան նաեւ հիմա` «Թաւշեայ յեղափոխութենէն» յետոյ: Որպէս օրինակ ան բերած էր Հայաստանի գիւղերէն մէկուն մէջ վերջերս կայացած ընտրութիւնները:

Ի պատասխան անոր Փաշինեան առաջարկած է զինք Հայաստան գալ ու յայտնել ոստիկանութեան յանցագործութեան մասին:

«Բայց, եթէ յանկարծ պարզուի, որ այդ հաղորդագրութիւնները չեն համապատասխաներ իրականութեան, ապա կրնան ձեզ նստեցնել», – ըսած է վարչապետը` դիմելով այդ տղամարդուն:

Բայց համայնքի ներկայացուցիչը չէր յանձնուիր ու կը շարունակէր ըսածը պնդել: Հանդիպման միւս մասնակիցները չախորժեցան  նման յամառութենէ, քանի որ անոնք ալ կ’ուզէին Փաշինեանին հարց ուղղել:

Անոնք չէին լսեր ՀՀ վարչապետի պատասխաններն ու կը պոռային իրար վրայ: Հետաւաբար Փաշինեան ստիպուած էր ընդհատել իր ելոյթն ու հանգստացնել հաւաքուածները:

Ապրիլ 10–11 Փաշինեան աշխատանքային այցով Սթրազպուրկ կը գտնուի: Այնտեղ ան մասնակցած է Եւրոպայի խորհուրդի խորհրդարանական վեհաժողովի գարնանային նստաշրջանին:

805
թեգերը:
Եվրախորհրդի խորհրդարանական վեհաժողով (ԵԽԽՎ), Նիկոլ Փաշինյան
թեմա:
Sputnik Արմենիան` արևմտահայերենով (111)
Ըստ թեմայի
Երբ հարսը «պատանդ կը մնայ», մինչեւ փեսան գումարը ճարէ․ պարտքով երջանկանալու նուրբ արուեստը
Երեւանը անապատ կը դառնա՞յ, թէ՞ քաղաքապետարանը կը պայքարի օլիկարխներու կառուցածին դէմ
Հայոց Ցեղասպանութեան ճանաչումը ԱՄՆ-ի արտաքին քաղաքականութեան մէջ նոր էջ կը բանայ