Սուդանի նախագահ Օմար ալ Բաշիրը կալանավորվել է. նա «անվտանգ վայրում» է
(Թարմացված է 20:22 11.04.2019)
Արաբական հանրապետության կառավարությունը լուծարվել է, մինչ նոր ընտրություններն իշխանություն է իրականացնելու անցումային գործադիր մարմինը` Աուֆի գլխավորությամբ։ԵՐԵՎԱՆ, 11 ապրիլի — Sputnik. Սուդանի նախագահ Օմար ալ Բաշիրը կալանավորվել է: Այս մասին հայտարարել է Սուդանի պաշտպանության նախարար Ավադ բեն Աուֆը, փոխանցում է Reuters–ը։
Արաբական հանրապետության կառավարությունը լուծարվել է, մինչ նոր ընտրություններն իշխանություն է իրականացնելու անցումային գործադիր մարմինը` Աուֆի գլխավորությամբ։
«Ռեժիմը չի լուծում առկա խնդիրները, այդ պատճառով որոշում է կայացվել, որ երկու տարի անցումային շրջանում զինված ուժերը կղեկավարեն երկիրը։ Երկրի տարածքում արտակարգ ռեժիմ է հայտարարվել երեք ամիս ժամկետով։ Օդային տարածքը մեկ օրով փակվել է», –ասել է Աուֆը։
Նրա խոսքով` ալ Բաշիրը պահվում է «անվտանգ վայրում»։ Նախարարը նաև հայտարարել է` ստեղծվելու է ռազմական խորհուրդ, որը ղեկավարելու է երկիրը երկու տարվա «անցումային շրջանի» ընթացքում։
Խարթումում, որոշ տվյալների համաձայն, Օմար ալ Բաշիրի շարջապատից ձերբակալվել է ավելի քան 100 մարդ, այդ թվում` վարչապետ Մուհամեդ Թահեր Իիլյան, նախագահի գվարդիայի ղեկավար, պաշտպանության նախկին նախարար Աբդել Ռահիմ Մուհամեդ Հուսեյնը, իշխող «Ազգային կոնգրես» կուսակցության ղեկավար Ահմեդ Հարունը, Սուդանի նախկին փոխնախագահ Ալի Օսման Թահան։
Նախորդ տարվա դեկտեմբերին Սուդանում ժողովրդական բողոքի ակցիաներ էին ընթանում, որոնք սկզբում տնտեսական բնույթ ունեին։ Ցուցարարները կոչ էին անում իշխանությանն իջեցնել հացի և այլ սննդամթերիքի գները։
Հետզհետե սկսել են նաև հայտնվել քաղաքական պահանջներ, որոնք վերաբերում էին Օմար ալ Բաշիրի գրեթե միանձնյա կառավարման ռեժիմի դեմ։ Վերջինս արդեն 30 տարի է զբաղեցնում է նախագահի պաշտոնը։
Ընդդիմադիրներն ու իրավապաշտպանները հայտնում են, որ վերջին ամիսների ընթացքում մոտ 60 մարդ սպանվել են, հարյուրավորները` տուժել, մի քանի հազարը` ձերբակալվել։
Իլոն Մասկը որոշել է նոր քաղաք կառուցել Տեխասում. քաղաքապետը դոժի տիտղոս կունենա
(Թարմացված է 10:18 03.03.2021)
Ամերիկացի միլիարդատերը դեռ անցյալ տարվա վերջին Կալիֆոռնիայից տեղափոխվել էր Տեխաս, որտեղ գտնվում են «Tesla»-ի ստորաբաժանումները։ԵՐԵՎԱՆ, 3 մարտի – Sputnik. Ամերիկացի գործարար, «Tesla» և «SpaceX» ընկերությունների հիմնադիր Իլոն Մասկը Ստարբեյզ (Starbase) անվանումով քաղաք է կառուցելու Տեխասում։ Նա իր որոշման մասին գրել է Twitter-ում։
Creating the city of Starbase, Texas
— Elon Musk (@elonmusk) March 2, 2021
Գործարարը նշել է, որ քաղաքն ավելի մեծ կլինի, քան Բոկա Չիկա գյուղը, որտեղ գտնվում է «SpaceX» տիեզերակայանը:
Միլիարդատիրոջ խոսքով՝ իր ստեղծած քաղաքում լավ վերաբերմունքի կարժանանան շները, իսկ քաղաքապետը դոժի տիտղոս կունենա (իտալական տիտղոս, որը նման է անգլերեն «dog» (շուն) բառին):
Իլոն Մասկը խոստացել է ինքնակառավարվող մեքենաներ թողարկել ու ասել է դրանց գինը
Հիշեցնենք, որ անցյալ տարվա վերջին Մասկը հայտնել էր, որ Կալիֆոռնիայից տեղափոխվել է Տեխաս, որտեղ գտնվում են «Tesla»-ի և «Boring Company»-ի ստորաբաժանումները, ինչպես նաև «SpaceX» մասնավոր տիեզերակայանը։
Իլոն Մասկը չիպավորել է կապիկին. կենդանին համակարգչային խաղեր է խաղում
թեգերը:
Ո՞րն է ամենաօգտակար ապուրը. սննդաբանի խորհուրդը
(Թարմացված է 14:45 02.03.2021)
Սննդաբանի խոսքով ՝ այս ապուրը օգտակար է առողջության համար և նպաստում է իմունիտետի բարձրացմանը: ԵՐԵՎԱՆ, 3 մարտի – Sputnik. Ամենաօգտակար ապուրը ոսպով ապուրն է։ Այս մասին «Զվեզդա» հեռուստաալիքի եթերում ասել է դիետոլոգ Օլգա Դեկերը։
Նրա խոսքով՝ ոսպով ապուրը հարուստ է սպիտակուցներով։
«Չնայած բուսական ծագմանը` այն պարունակում է 12 ամինաթթու, բայց մենք կարող ենք այս ապուրին ավելացնել նաև կենդանական սպիտակուցներ, ինչպիսին է, օրինակ, միսը», - բացատրել է նա ու հավելել՝ ճաշատեսակը հարուստ է նաև մանրաթելերով և ընդհանուր առմամբ օգտակար է առողջության և իմունիտետի համար:
Սննդաբանի խոսքով՝ ամենաօգտակար երկրորդ ուտեստը մսային արգանակով և բանջարեղենով ապուրն է, որի մեջ կարելի է օգտագործել ինչպես թարմ, այնպես էլ սառեցված բանջարեղեն:
Նա խորհուրդ է տվել նաև ավելացնել կանաչ լոբի, դդմիկ, նեխուր, այսինքն՝ ածխաջրերի նվազագույն պարզ խումբ: Իսկ միսն ապուրին նաև սպիտակուցներ և ճարպեր կտա։