Ներկայացվել է նոր սմարթֆոն՝ պտտվող տեսախցիկով. տեսանյութ
(Թարմացված է 18:16 11.04.2019)
Կորեական Samsung-ը ներկայացրել է սմարթֆոն, որի հիմնական առանձնահատկությունը պտտվող տեսախցիկն է։ԵՐԵՎԱՆ, 11 ապրիլի— Sputnik. Երեկ` ապրիլի 10–ին, միաժամանակ երեք քաղաքում` Միլանում, Բանգկոկում և Սան Պաուլոյում, Samsung ընկերությունը ներկայացրել է իր նոր սուպերսմարթֆոնը։ Սարքը կոչել են Samsung Galaxy A80 և օժտել պտտվող տեսախցիկով, որը կարողանում է դառնալ և՛ դիմային, և՛ հիմնական։ Շնորհանդեսը օնլայն ռեժիմով հեռարձակվել է ընկերության պաշտոնական կայքում։
48 մեգապիքսել կետայնությամբ տեսախցիկները կարգավորվում են ինքնուրույն, երբ օգտատերը միացնում է տեսանկարահանման ռեժիմը։ Եթե ընտրված է սելֆի ռեժիմը, շարժական հարթակը պտտվում է։
Ընկերության աշխատակիցները պնդում են, որ А80-ի օպտիմալացնող արհեստական բանականությունը կօգնի սմարթֆոնին արագ լիցքավորվել և առանց վերալիցքավորման աշխատել ավելի երկար, քան նախորդ մոդելները։
Սմարթֆոնի ոսկեգույն, արծաթագույն և սև տարբերակները շուկայում կհայտնվեն մայիսի 29–ից, իսկ մանրածախ գնման դեպքում արտադրողն առաջարկում է սմարթֆոնի համար վճարել մոտ 370 000 դրամ։
Հիշեցնենք, որ Samsung ընկերությունը հիմնվել է 1938 թվականին Հարավային Կորեայում և հասել է հսկայական նվաճումների տեխնիկայի ոլորտում։
Իլոն Մասկը որոշել է նոր քաղաք կառուցել Տեխասում. քաղաքապետը դոժի տիտղոս կունենա
(Թարմացված է 10:18 03.03.2021)
Ամերիկացի միլիարդատերը դեռ անցյալ տարվա վերջին Կալիֆոռնիայից տեղափոխվել էր Տեխաս, որտեղ գտնվում են «Tesla»-ի ստորաբաժանումները։ԵՐԵՎԱՆ, 3 մարտի – Sputnik. Ամերիկացի գործարար, «Tesla» և «SpaceX» ընկերությունների հիմնադիր Իլոն Մասկը Ստարբեյզ (Starbase) անվանումով քաղաք է կառուցելու Տեխասում։ Նա իր որոշման մասին գրել է Twitter-ում։
Creating the city of Starbase, Texas
— Elon Musk (@elonmusk) March 2, 2021
Գործարարը նշել է, որ քաղաքն ավելի մեծ կլինի, քան Բոկա Չիկա գյուղը, որտեղ գտնվում է «SpaceX» տիեզերակայանը:
Միլիարդատիրոջ խոսքով՝ իր ստեղծած քաղաքում լավ վերաբերմունքի կարժանանան շները, իսկ քաղաքապետը դոժի տիտղոս կունենա (իտալական տիտղոս, որը նման է անգլերեն «dog» (շուն) բառին):
Իլոն Մասկը խոստացել է ինքնակառավարվող մեքենաներ թողարկել ու ասել է դրանց գինը
Հիշեցնենք, որ անցյալ տարվա վերջին Մասկը հայտնել էր, որ Կալիֆոռնիայից տեղափոխվել է Տեխաս, որտեղ գտնվում են «Tesla»-ի և «Boring Company»-ի ստորաբաժանումները, ինչպես նաև «SpaceX» մասնավոր տիեզերակայանը։
Իլոն Մասկը չիպավորել է կապիկին. կենդանին համակարգչային խաղեր է խաղում
թեգերը:
Ո՞րն է ամենաօգտակար ապուրը. սննդաբանի խորհուրդը
(Թարմացված է 14:45 02.03.2021)
Սննդաբանի խոսքով ՝ այս ապուրը օգտակար է առողջության համար և նպաստում է իմունիտետի բարձրացմանը: ԵՐԵՎԱՆ, 3 մարտի – Sputnik. Ամենաօգտակար ապուրը ոսպով ապուրն է։ Այս մասին «Զվեզդա» հեռուստաալիքի եթերում ասել է դիետոլոգ Օլգա Դեկերը։
Նրա խոսքով՝ ոսպով ապուրը հարուստ է սպիտակուցներով։
«Չնայած բուսական ծագմանը` այն պարունակում է 12 ամինաթթու, բայց մենք կարող ենք այս ապուրին ավելացնել նաև կենդանական սպիտակուցներ, ինչպիսին է, օրինակ, միսը», - բացատրել է նա ու հավելել՝ ճաշատեսակը հարուստ է նաև մանրաթելերով և ընդհանուր առմամբ օգտակար է առողջության և իմունիտետի համար:
Սննդաբանի խոսքով՝ ամենաօգտակար երկրորդ ուտեստը մսային արգանակով և բանջարեղենով ապուրն է, որի մեջ կարելի է օգտագործել ինչպես թարմ, այնպես էլ սառեցված բանջարեղեն:
Նա խորհուրդ է տվել նաև ավելացնել կանաչ լոբի, դդմիկ, նեխուր, այսինքն՝ ածխաջրերի նվազագույն պարզ խումբ: Իսկ միսն ապուրին նաև սպիտակուցներ և ճարպեր կտա։