Համակարգչի առաջ նստած մարդ

Ինֆորմացիան ուղեղից համակարգիչ հնարավոր է փոխանցել երակների միջոցով. տեսանյութ

141
(Թարմացված է 18:44 09.04.2019)
Խելահեղ արագությամբ զարգացող տեխնոլոգիական աշխարհն ապացուցում է, որ ոչ հեռու ապագայում մարդը համակարգչի հետ կշփվի... մտքի ուժով։ Արդեն ներկայացվել է առաջին իմպլանտը, որը մարդուն թույլ կտա համակարգչի հետ հաղորդակցվել առանց դիպչելու և վիրահատական միջամտության։

ԵՐԵՎԱՆ, 9 ապրիլի— Sputnik. Synchron ընկերության հետազոտողներն առաջարկում են համակարգչի հետ «շփվելու» համար օգտագործել երակները։ Նրանք վստահեցնում են, որ արյունատար անոթների միջով հնարավոր է ուղեղին հասցնել հատուկ իմպլանտ, որն էլ կհանդիսանա նոր նեյրոինտերֆեյսի հիմքը։ Այս մասին նշված է ընկերության պաշտոնական կայքում։

Հիմնական առանձնահատկությունը, որով նորարարությունը տարբերվում է մինչ այս ստեղծված իմպլանտներից, առանց վիրահատության մարմնի մեջ տեղադրումն է։ Սա շատ կարևոր է այն մարդկանց համար, որոնք շփման կարիք ունեն, բայց միևնույն ժամանակ ունեն առողջական լուրջ խնդիրներ։ Առաջիկայում փորձարկումներ կանցկացնեն այն կամավորների հետ, որոնք պատրաստ են օգնել գիտությանը։

Նախնական տվյալներով` պարզ է դարձել, որ իմպլանտը 14 օրվա ընթացքում արմատավորվում է մարդու մարմնում։ Գործընթացի համար օգտագործվելու է լծային արյունադարձ երակը։ Միայն այն ժամանակ, երբ գիտնականները հաստատ համոզված կլինեն, որ անոթների հետ խնդիր չկա, այդ դեպքում մասնակիցը կկարողանա շարունակել իր առաքելությունը։

Երբ իմպլանտը հասնի նպատակին, դրանից հետո կսկսվեն երկարատև մարզումները, որոնք թույլ կտան փորձարկումների մասնակիցներին յուրացնել համակարգիչը մտքի ուժով կառավարելու հմտությունները։ Ճիշտ այնպես, ինչպես ֆանտաստիկ ֆիլմերում ու գրքերում։

Չնայած նրան, որ ամեն ինչ հրաշալի է թվում, կա պացիենտների գաղտնիությունը խախտելու վտանգ, քանի որ ստացվում է, որ նրանց մտքերը հնարավոր կլինի մոնիտորինգի ենթարկել։ Այդուհանդերձ, գիտնականները վստահ են, որ իրենց փորձը հաջողությամբ կպսակվի։

 

141
թեմա:
Տեխնիկա և նորարարություններ (37)
Ըստ թեմայի
Այ քեզ բան. սմարթ սրճարանները բազմանում են, ռոբոտը ծնող է դառնում. ո՞վ է շոու անում
Այ քեզ բան. մարդիկ «քնաբեր» գիշերանոց են ստեղծել, «չինացին» սայթաքել է, 5G–ն` գործարկվել
Ընդամենը 17 րոպե, և սմարթֆոնն ամբողջությամբ լիցքավորված է. տեսանյութ
Սմարթֆոնի ցանկացած գաղտնաբառ ու PIN կոդ կարելի է գողանալ
Samsung–ը «կոտրած սմարթֆոնի» պատերազմ է հայտարարել Apple-ին