ԱՄՆ-ի «կործանիչ» շանտաժը․ ինչո՞վ կավարտվի Անկարայի ու Վաշինգտոնի նյարդերի խաղը
(Թարմացված է 11:57 07.04.2019)
Դիտորդները կարծում են, որ Թուրքիան Ռուսաստանի հետ այդքան հեռու գնացած գործարքից հետո դժվար թե հրապարակավ շրջվի Վաշինգտոնի կողմ։ ԵՐԵՎԱՆ, 7 ապրիլի — Sputnik, Աշոտ Սաֆարյան․ Երբ Թուրքիան ստորագրեց ռուսական С–400 զենիթահրթիռային համալիրների գնման գործարքը, ԱՄՆ-ի ճնշումը սկսեց օրեցօր մեծանալ։ Ու որքան մոտենում է հրթիռների մատակարարման ժամկետը, այնքան կոշտանում է Վաշինգտոնի արձագանքը։ Ռազմական փորձագետ Լեոնիդ Ներսիսյանը չի բացառում, որ ինչ–որ պահի ամերիկացիները կարող են Թուրքիային ձեռնտու առաջարկ անել С-400-ին համարժեք Patriot համալիրներ ձեռք բերելու առնչությամբ։
«Բայց Ռուսաստանի հետ գործարքում այդքան հեռու գնացած թուրքական կողմը դժվար թե հրապարակավ շրջվի Վաշինգտոնի կողմ։ Անկարայի համար չափազանց մեծ կլինեն վարկանիշային ու ֆինանսական կորուստները։ Հատկապես, որ արդեն մասամբ վճարել է С-400 համար», - Sputnik Արմենիայի հետ զրույցում ասաց Ներսիսյանը։
Հիշեցնենք՝ օրերս ԱՄՆ-ն հայտարարել է, որ փաստացի դադարեցվում է Թուրքիայի մասնակցությունը F-35 հինգերորդ սերնդի կործանիչի ստեղծման ու գնման ծրագրին։ Իսկ ԱՄՆ փոխնախագահ Մայք Փենսն էլ ավելի հեռու է գնացել` հայտարարելով, որ Թուրքիան պետք է ընտրություն կատարի ՆԱՏՕ-ի ու ռուսական համալիրների գնման միջև։
©
Photo : press office of the President of RA
Ներսիսյանն այդ կապակցությամբ կարծում է, որ ամերիկյան նորագույն կործանիչների մատակարարման դադարեցումը բավականին լուրջ հարված կլինի Թուրքիայի համար։ Ի դեպ, այդ կործանիչների պես դաժան հարձակողական զենքը, Հայաստանի համար շատ ավելի մեծ սպառնալիք է, քան զենիթահրթիռային համալիրները։
Չնայած Վաշինգտոնի խիստ դիրքորոշմանը՝ Թուրքիայի հետ գործարքի վերաբերյալ վերաբերմունքը միանշանակ չէ։ Պետք չէ մոռանալ, որ ԱՄՆ նախագահը բիզնեսմեն է ու դեմ չէր լինի ավելորդ միլիարդներ վաստակել Թուրքիային F-35 մատակարարելու հաշվին։ Փորձագետի խոսքով՝ ամերիկյան վերնախավն այժմ երկու ճամբարի է բաժանված` Թուրքիայի հետ համագործակցությունը շարունակելու կողմնակիցներ և կործանիչների գործարքը սառեցնելու կողմնակիցներ։
«Ամերիկացիները շանտաժի են ենթարկում Թուրքիային՝ սպառնալով հրաժարվել F-35 մատակարարել, թուրքերն իրենց հերթին վախեցնում են, որ Ռուսաստանից հինգերորդ սերնդի Су-57 կործանիչներ կգնեն` հարմարեցնելով դրանք սեփական ԶՈւ-ի պահանջներին։ Բայց չեմ կարծում, որ ԱՄՆ-ն կհրաժարվի գործարքից։ Շատ տարօրինակ կլիներ հրաժարվել այդքան լուրջ շուկայից ու նվիրել Ռուսաստանին», - կարծում է Ներսիսյանը։
©
Sputnik / Алексей Витвицкий
Այդ պնդման օգտին է խոսում նաև Թուրքիայի արտգործնախարարի հայտարարությունն այն մասին, որ Թրամփն անձամբ զանգահարել է Էրդողանին ու խոստացել հարթել F-35-ի մատակարարման հետ կապված հարցերն ու քննարկել Patriot համալիրների մատակարարման հնարավորությունը։
Մեր զրուցակցի կարծիքով՝ ինչ–որ պահի ամերիկացիները կարող են Թուրքիային ձեռնտու առաջարկ անել С-400-ին համարժեք Patriot համալիրների համար։ Հայտնի է, որ ժամանակին Թուրքիան հրաժարվել է Patriot-ից չափազանց բարձր գնի պատճառով։ Ամեն դեպքում դիվանագիտական մենամարտին քիչ է մնացել, ամեն ինչ պարզ կլինի, երբ կստանան С-400-ի առաջին խմբաքանակը։ Այդ ժամանակ հնարավոր կլինի տեսնել ամերիկացիների իրական արձագանքը` առանց բլեֆի ու ճնշման։
Ո՞րն է ամենաօգտակար ապուրը. սննդաբանի խորհուրդը
(Թարմացված է 14:45 02.03.2021)
Սննդաբանի խոսքով ՝ այս ապուրը օգտակար է առողջության համար և նպաստում է իմունիտետի բարձրացմանը: ԵՐԵՎԱՆ, 3 մարտի – Sputnik. Ամենաօգտակար ապուրը ոսպով ապուրն է։ Այս մասին «Զվեզդա» հեռուստաալիքի եթերում ասել է դիետոլոգ Օլգա Դեկերը։
Նրա խոսքով՝ ոսպով ապուրը հարուստ է սպիտակուցներով։
«Չնայած բուսական ծագմանը` այն պարունակում է 12 ամինաթթու, բայց մենք կարող ենք այս ապուրին ավելացնել նաև կենդանական սպիտակուցներ, ինչպիսին է, օրինակ, միսը», - բացատրել է նա ու հավելել՝ ճաշատեսակը հարուստ է նաև մանրաթելերով և ընդհանուր առմամբ օգտակար է առողջության և իմունիտետի համար:
Սննդաբանի խոսքով՝ ամենաօգտակար երկրորդ ուտեստը մսային արգանակով և բանջարեղենով ապուրն է, որի մեջ կարելի է օգտագործել ինչպես թարմ, այնպես էլ սառեցված բանջարեղեն:
Նա խորհուրդ է տվել նաև ավելացնել կանաչ լոբի, դդմիկ, նեխուր, այսինքն՝ ածխաջրերի նվազագույն պարզ խումբ: Իսկ միսն ապուրին նաև սպիտակուցներ և ճարպեր կտա։
2 մլն դոլար փոխհատուցում. Մեգան Մարքլը շահել է բրիտանական պարբերականի դեմ դատը
(Թարմացված է 01:10 03.03.2021)
Դատավորը The Mail on Sunday–ի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։ԵՐԵՎԱՆ, 3 մարտի – Sputnik. Բրիտանիայի արքայազն Հարրիի կինը` Մեգան Մարքլը, դատարանում վերջնական հաղթանակ է տարել Mail On Sunday և MailOnline պարբերականները ներկայացնող Թերթերի միության դեմ։ Այս մասին հայտնում է Express պարբերականը։
©
AFP 2020 / BEN STANSALL
Հրապարակված վճռում դատավոր Մարկ Ուորբին պարբերականի գործողությունները ճանաչել է միջամտություն Սասեքսի դքսուհու մասնավոր կյանքին, ինչպես նաև նրա հեղինակային իրավունքների ոտնահարում։
Դատավորը վճռել է, որ պատասխանող կողմը պետք է վճարի դատական ծախսերի 90%–ը, այն է` 1,87 մլն դոլար։
Սասեքսի դքսուհին խնդրել է նաև իրեն փոխանցել նամակի պատճենները, ոչնչացնել դրա բոլոր հիշատակումներն ու պահանջել թերթում ներողություն հրապարակել իրեն վիրավորանք հասցրած նյութերի համար։ Դատարանը դեռ փետրվարի 11-ին էր որոշում կայացրել այն մասին, որ պարբերականները խախտել են գաղտնիությունն ու Մեգանի հեղինակային իրավունքները։
«Նրա հետ Հարրին ծաղկել է»․ Մեգան Մարքլի մասին գրքի հեղինակ
2019 թվականի փետրվարին Մարքլի նամակից որոշ հատվածների հրապարակումը դերասանուհու ու իր հոր (որը ներկա չի գտնվել 2018 թվականի մայիսի 19-ին կայացած նրա հարսանյաց արարողությանը) հարաբերությունների շուրջ հերթական սկանդալի առիթ դարձան։ ԶԼՄ–ների հրապարակած Թոմաս Մարքլի բազմաթիվ արտահայտություններից կարելի է եզրակացնել, որ դուստրը խզել է նրա հետ բոլոր հարաբերությունները։ Հայրը The Mail on Sunday–ին է փոխանցել նամակի տեքստը, որում դքսուհին մեղադրում էր նրան ստի և դստեր մասին կեղծ, սենսացիոն հարցազրույցների վրա գումար աշխատելու փորձի մեջ։
Հայկական կոնյակի դեմ մեծ աշխատանք է տարվում, իսկ գինին կարող է համաշխարհային բրենդ դառնալ
(Թարմացված է 09:41 03.03.2021)
Որտեղ են և որոնք են Հայաստանի գինեգործական հազարամյա ավանդույթների վերածնման հնարավորությունները։ «Բիզնեսի դիալեկտիկա» հաղորդաշարի հյուրն է Իջևանի գինու և կոնյակի գործարանի գործադիր տնօրեն Ատոմ Եգորյանը։ «Հայկական գինին բրենդ դարձնելու հնարավորությունը հենց մեր հողում է, որի համար անհրաժեշտ է, որ գինեգործներն առավելապես աշխատեն միմիայն հայկական` էնդեմիկ խաղողի սորտերով»,– կարծում է Իջևանի գինու և կոնյակի գործարանի գործադիր տնօրենը։
Ի՞նչ ենք մենք ուտում․ հայ գիտնականները հաստատել են անուրախ ենթադրությունները
Ատոմ Եգորյանի խոսքով` միջազգային շուկայում հայ գինեգործներն ապացուցել են, որ հայկական գինին լուրջ մարտահրավերներ կարող է նետել մրցակիցներին, հետևաբար գինեգործությանը է՛լ ավելի մեծ ուշադրություն պետք է հատկացնել։
«Հավի ոտքերի վրա». ինչու են հայաստանյան թռչնաֆաբրիկաները դոփում տեղում
Այնուամենայնիվ, ըստ հյուրի, մեր հիմնական մրցակցային առավելությունը հայկական կոնյակն է՝ չնայած աշխարհում մեծ աշխատանք է տարվում «հայկական կոնյակ» բրենդի դեմ։
Հայաստանից արտահանվող գինին ու կոնյակը խնդրի են բախվել. հարցը քննարկվում է ԵԱՏՄ–ում