ԵՐԵՎԱՆ, 1 ապրիլի — Sputnik. Ուկրաինայի նախագահի ընտրության քվեների 45,45% –ի մշակումից հետո պարզվել է, որ առաջատարը դերասան Վլադիմիր Զելենսկին է։ Այս մասին հայտնում է ՌԻԱ Նովոստին։
ԿԸՀ–ի նախնական տվյալով` Զելենսկու օգտին են քվեարկել ընտրողների ավելի քան 30 տոկոսը։ Սա բավարար չէ հաղթանակի համար, այդ պատճառով երեք շաբաթ անց կկայանա ընտրության երկրորդ փուլը։
Ընդհանուր առմամբ 6 միլիոն 728 հազար 298 ընտրող է մասնակցել ընտրությանը։ Ուկրաինայի գործող նախագահ Պյոտր Պորոշենկոն ստացել է 16,65% քվե, իսկ Յուլյա Տիմոշենկոն` 13,13%։
Մեկնաբանելով ընտրություններից նախնական արդյունքները` Զելենսկին ասել է, որ «մայդաններ չի հավաքելու», եթե ուկրաինացիներն իրեն դեմ լինեն, բայց պատրաստ է երկրորդ փուլից առաջ բանավեճ անցկացնել Պորոշենկոյի հետ, որը դերասանին անվանել է «Կոլոմոյսկու խամաճիկը» (գործարար Իգոր Կոլոմոյսկի)։
