Թուրքիայի Էդիրնե քաղաքի սինագոգը

Հայկական թեմայով ցուցահանդէս` Թուրքիոյ Էտիրնէ քաղաքի հրէական սինակոկին մէջ

45
(Թարմացված է 19:18 27.03.2019)
«Էտիրնէն եւ հայ համայնքը» խորագիրով ցուցահանդէսը բացուած է Էտիրնէի մէջ գործող հրէական Մեծ սինակոկին մէջ:

ԵՐԵՒԱՆ, 27 մարտի-Sputnik. Թուրքիոյ եւրոպական հատուածի` Թրակիայի տարածքին մէջ, Պուլկարիոյ եւ Յունաստանի սահմանակից Էտիրնէ (պատմ.` Ատրիանապոլիս) քաղաքին մէջ տեղի ունեցած է ցուցահանդէս`  նուիրուած Էտիրնէի երբեմնի հայ համայնքին:

«Էտիրնէն եւ հայ համայնքը» խորագիրով ցուցահանդէսը բացուած է Էտիրնէի մէջ գործող հրէական Մեծ սինակոկին մէջ:

Ցուցահանդէսին համար, ուր ներկայացուած էին լուսանկարներ եւ բացիկներ, հիմք  ծառայած է ծագումով Էտիրնէէն հայ Առաքէլեան ընտանիքի ժառանգներէն ֆրանսաբնակ Ռոյ Առաքէլեանի`  Էտիրնէի հայերուն վերաբերող աշխատութիւնը:

Ռաքէլ Մեշուլամի խնամակալութեամբ իրականացուող ցուցահանդէսի բացումին ներկայ  գտնուած են Էտիրնէի ոստիկանապետ Ալի Քեմալ Քուրթը, Էտիրնէի Հիմնադրամներու շրջանային կառոյցի ղեկավար Օսման Գիւներէնը եւ Թուրքիոյ մէջ հրեայ համայնքի նախկին ղեկավարներէն Սիլվիօ Օւատիան:

Կազմակերպիչներն ընդգծած են, որ սինակոկի մէջ կը փորձեն ներկայացնել ոչ միայն հրէական այլ նաեւ Էտիրնէի բազմամշակոյթ անցեալին մէջ իրենց ուրոյն տեղն ունեցած այլ մշակոյթներու վերաբերեալ տեղեկութիւններ:

Յատկանշական է, որ ցուցահանդէսը պիտի գործէ մինչեւ ապրիլի 28 եւ Հայոց Ցեղասպանութեան յիշատակման օրն ալ`  ապրիլ 24-ին, բաց պիտի ըլլայ այցելուներուն համար:

Աղբիւր`    Ermenihaber.am

45
թեգերը:
Հայաստան, Թուրքիա
թեմա:
Sputnik Արմենիան` արևմտահայերենով (102)
Ըստ թեմայի
Ատրպէյճանական դիրքապահներու աչքին առջեւ հայր ու որդի կախարդական արքայանարինջ կ’աճեցնեն
Կլատիս Պերեճիքլեան՝ Նոր Հարաւային Ուէյլզի Առաջին Կին Վարչապետը
Ինչ իմ աչքով չտեսայ, ձեր աչքերով կը տեսնեմ. Սօս Սարգսեանի երազանքը կատարուեցաւ
«Հատուկ օր և հատուկ մարդ մեր ընտանիքում». նախագահը շնորհավորել է կնոջը