Սմարթֆոն

Նոր սմարթֆոնը կծալվի երկու տեղից. սարքի էսքիզները հայտնվել են համացանցում

229
(Թարմացված է 21:06 25.03.2019)
Ճապոնացիները որոշել են գերազանցել չինացիներին ու կորեացիներին և պատրաստվում են նոր սմարթֆոն ստեղծել, որը ճկվելու երկու տարբերակ կունենա։

ԵՐԵՎԱՆ, 25 մարտի — Sputnik. Ճապոնական Sharp ընկերությունը պատենտավորել է արտասովոր կառուցվածքով ծալվող սմարթֆոն։ LetsGoDigital պարբերականը սմարթֆոնի` ինտերնետ «հոսած» էսքիզների հիման վրա ստեղծել է սարքի եռաչափ պատկերը։

Прототип смартфона от компании Sharp
Sharp ընկերության նոր սմարթֆոնի կոնցեպտը

Սմարթֆոնը ծալվելու երկու հնարավորություն կունենա։ Առաջին դեպքում էկրանն ամբողջությամբ «կթաքնվի» կորպուսի մեջ, իսկ երկրորդի դեպքում էկրանի որոշ հատվածը տեսանելի կմնա, որպեսզի երևան զանգերի և ուղարկված հաղորդագրությունների վերաբերյալ տեղեկությունները։

Прототип смартфона от компании Sharp
Sharp ընկերության նոր սմարթֆոնի նախատիպը

Համացանցում հայտնված էսքիզներում չի երևում, թե որտեղ է գտնվելու դիմային տեսախցիկը. ամենայն հավանականությամբ ներկառուցված կլինի էկրանի տակ։

Պետք է նշել նաև, որ ոչ ամբողջովին ծալվելու դեպքում մեծանում է էկրանը քերծելու կամ վնասելու վտանգը։ Ընկերությունը, ամենայն հավանականությամբ, քայլեր կձեռնարկի իր արտադրանքը նման խնդիրներից ապահովագրելու ուղղությամբ։

Հիշեցնենք, որ այս տարվա փետրվարի 20–ին կորեական Samsung ընկերությունը ներկայացրել էր իր առաջին ծալվող սմարթֆոնը, որի արժեքը մոտ 2 հազար դոլար է։ Ընդամենը մի քանի օր անց չինական Huawei–ը ներկայացրել էր ծալվող սմարթֆոնի իր տարբերակը, որն արժե 2600 դոլար։

229
թեգերը:
ՏՏ
թեմա:
Տեխնիկա և նորարարություններ (37)
Ըստ թեմայի
2 էկրանով սմարթֆոն, թե՞ ֆիլմ մոնտաժող հեռախոս. տեխնոհսկաները նոր «ռումբեր» են պատրաստել
Այ քեզ բան. մետրոն դառնում է «խելացի», իսկ տաքսու վարորդը նոր աշխատանք պիտի փնտրի
Արաբ տղամարդիկ իրենց կանանց կշարունակեն հետևել սմարթֆոնով
Այ քեզ բան. էժան սմարթֆոնը վերանում է, մեքենան` թռչում, տիեզերագնացն էլ տպած միս է ուտում