ԵՐԵՎԱՆ, 23 մարտի – Sputnik, Գոռ Մարգարյան. Սոցցանցերը դառնում են ավելի խելացի, քան օգտատերերը, Քիմ Քարդաշյանի լուսանկարով խաբելը և տղամարդու սիրտը նվաճելն ավելի է բարդանում, հայտնի ապրանքանիշների արտադրանքն արդեն կարողանալու ենք գնել «մեր» Instagram-ից, իսկ Google-ը որոշել է մեզ «լկստվացնել»։ Վիրտուալ աշխարհի անցնող շաբաթվա նորությունների մասին` հերթով։

«Խելացի» սոցցանցը ձեր փոխարեն կընտրի ընկերներին

Սոցցանցերում դժվար չէ գտնել նույն հետաքրքրությունների մարդկանց կամ էլ որոշակի թեմատիկաներով խմբեր, որտեղ հնարավոր է անվերջ զրուցել այդ շրջանակին հետաքրքրող հարցերի շուրջ։

© REUTERS / TT NEWS AGENCY via Reuters

Մեքենան վարորդին թույլ չի տա քնել ու հարբած նստել ղեկի դիմաց. տեսանյութ

Բայց բնական է, որ ինչպես բոլոր բնագավառներում, այնպես էլ այստեղ ավելի հարմար կլինի օգտվել արհեստական բանականության օգնությունից։ Պատկերացնենք այնպիսի սոցցանց, որտեղ ընկերների ժապավենը ձևավորում է արհեստական ինտելեկտը։ Երևակայությանը շատ հեռու մի թույլ տվեք գնալ, քանի որ Yandex-ն անցկացնում է իր Aura սոցցանցի թեստավորումը, որը տարբերվելու է մնացած սոցցանցերից հենց այսպիսի հնարավորություններով։

Aura–ն միավորելու է ընդհանուր նախասիրություններով մարդկանց և ընտրելու է խմբեր` հիմնվելով հետաքրքրությունների և գտնվելու վայրի մասին տեղեկության վրա։

Իսկ կատարած գրառումների հասանելիությունը հնարավոր կլինի սահմանափակել` ըստ սեռի և գտնվելու վայրի։ Վերջապես կհայտնվի այնպիսի հարթակ, որտեղ տղամարդիկ կկարողանան հանգիստ հայհոյել, տարածել 18+ տարիքային սահմանափակմամբ կոնտենտ ու չմտահոգվել, որ ինչ–որ «լավ տղու քուր» կտեսնի դա։

Aura–ն աշխատելու է Yandex-ի բջջային հավելվածում, իսկ թե երբ այն հասանելի կդառնա զանգվածային օգտագործման համար, դեռ պարզ չէ։

WhatsApp–ը կստուգի լուսանկարի իսկությունը

Իսկ WhatsApp մեսենջերը զարգացրել է իր հնարավորությունները և արդեն հնարավոր է Google-ի միջոցով ստուգել լուսանկարի իսկությունը։ Այս նոր ֆունկցիան դեռևս հասանելի չէ: Այն հայտնաբերել է օգտատերերից մեկը, ու ինձ թվում է, որ վաղաժամ բացահայտումը տեղի է ունեցել մեսենջերը մշակողների «թույլ տված» սխալի արդյունքում:

© Photo : Screenshot / Youtube / ScienceVio

Նոր դրոն է ստեղծվել, որը չղջիկի հատկություն ունի. տեսանյութ

Այս ֆունկցիայի միջոցով հնարավոր կլինի մեսենջերից պատկերն անմիջապես ներբեռնել «փնտրտուքների գիգանտ» համարվող Google և ստուգել` արդյո՞ք մոնտաժված է լուսանկարը և գտնել նմանակ նկարներ։

Գործառույթը դուր կգա WhatsApp-ի միջոցով աղջիկ «խոսացնող» տղամարդկանց։ Աղջիկներ, զգուշացեք. արդեն հնարավոր է ստուգել ձեր ուղարկած լուսանկարում դուք եք պատկերված, թե ինչ–որ ինտերնետ–աստղ։

Ամենասիրված ապրանքանիշները հնարավոր կլինի գնել Instagram–ի միջոցով

Ֆեյսբուքյան մեկ այլ, ոչ պակաս հայտնի Instagram գործիքը նոր գործառույթով կզինվի, որը կկոչվի Checkout։ Նոր ֆունկցիայի շնորհիվ օգտատերերը հնարավորություն կունենան գնումներ կատարել անմիջապես գաջեթից։

Instagram–ն ամենապահանջված և ամենաօգտագործվող սոցցանցերից մեկն է։ Եվ շատերն էին այն օգտագործում առևտուր անելու նպատակով։ Հաճախ էին հանդիպում օգտատերեր «վաճառում եմ այս ինչ», «վաճառում եմ այն ինչ» անուններով։ Checkout ֆունկցիայի ակտիվանալուց հետո օգտատերերը իրենց սիրելի սոցցանցի միջոցով կկարողանան ապրանքներ պատվիրել ամենահայտնի ապրանքանիշներից:

© AP Photo / Armin Weigel

Այ քեզ բան. մետրոն դառնում է «խելացի», իսկ տաքսու վարորդը նոր աշխատանք պիտի փնտրի

Նոր գործառույթի միջոցով Ինստագրամի պահանջարկն ավելի կմեծանա, և մարդիկ ստիպված չեն լինի խճճվել օնլայն–խանութներում կամ էլ ապրանքներ պատվիրել կասկածելի օգտատերերից։

Google-ը «վերակենդանացրեց» Բախին

Անհնար է խոսել տեղեկատվական տեխնոլոգիաներից, ստեղծարարությունից ու նորարությունից և շրջանցել Google-ին: Ընկերությունը օր օրի զարգանում է և չի դադարում ապշեցնել հասարակ մահկանացուներին։

Մի հետաքրքիր փաստ։ Յուրաքանչյուր վայրկյանում Google-ում կատարած որոնումների քանակը հասնում է մոտավորապես 63.000–ի։ Իսկ որոնումների 15%-ը նախկինում երբեք չի կրկնվել։ Իրոք ապշեցուցիչ վիճակագրություն է։

Այս շաբաթվա ամենահետաքրքիր նյուզմեյքերը որոնողական հսկան է: Երևի թե բոլորդ էլ ծանոթ եք Google-ի Doodle-ներին, որոնցով ընկերությունը փոխարինում է իր լոգոտիպը որևէ տոնի կամ իրադարձության պատվին։ Ասեմ, որ աշխարհահռչակ կոմպոզիտոր Յոհան Սեբաստյան Բախի ծննդյան կապակցությամբ թողարկվել է արհեստական բանականության հիմքի վրա ստեղծված առաջին դուդլը։

Օգտատերերն առաջնեկի օգնությամբ կարող են իրենց կոմպոզիտոր զգալ, ստեղծագործել և ստեղծել Բախի գլուխգործոցներին շատ նման մեղեդիներ։ Անհրաժեշտ է ընդամենը հավաքել նոտաներ և արհեստական ինտելեկտը այն կվերածի իսկական գլուխգործոցի։ Մշակման ընթացքում էկրանին Բախի անունից հայտարարություններ են հայտնվում, որոնցից տեղեկանում ենք, որ դուդլի ստեղծման համար վերլուծվել են իր ստեղծագործություններից 306–ը: Գուգլյան Բախը նույնիսկ հեգնում է Բեթհովենին` նշելով, որ իր մեղեդիները հեշտ է կրկնօրինակել, քանի որ դրանք հարմոնիկ են` ի տարբերություն Բեթհովենի ստեղծագործությունների։

ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է հայ գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։

«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:

Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին: