Չինաստանի քիմգործարանում տեղի ունեցած պայթյունի զոհերի թիվն աճում է
(Թարմացված է 10:57 23.03.2019)
Հաջողվել է պարզել 26 մահացածի ինքնությունը։ Ավելի վաղ հայտնում էին 62 զոհի մասին։
ԵՐԵՎԱՆ, 23 մարտի – Sputnik. Չինաստանի Ցզյանսու արևելյան նահանգի քիմգործարանում տեղի ունեցած պայթյունի զոհերի թիվը հասել է 64-ի, անհետ կորածների թիվը 28 է։ ՌԻԱ Նովոստիի փոխանցմամբ` այսօր հրավիրված ասուլիսի ժամանակ այս մասին հայտնել է Յանչենի քաղաքապետ Ցաո Լուբաոն։
©
REUTERS / CHINA STRINGER NETWORK
Ներկա պահին հաջողվել է պարզել 26 մահացածի ինքնությունը։ Ավելի վաղ հայտնում էին 62 զոհերի մասին։
Այժմ տուժածներից 21-ը ծայրահեղ վիճակում են, ևս 73-ը` ծանր։
Ցաո Լուբաոն մեկնաբանել է նաև մյուս տուժածների հետ կապված իրավիճակը, որոնց թիվը, իշխանությունների տվյալներով, գերազանցում է 600-ը։
«Քաղաքի 16 հիվանդանոցներ բուժօգնության են դիմել 617 մարդ, որոնցից 523–ը թեթև վնասվածքներ են ստացել, հիմնականում` քերծվածքներ կամ գլխի, որովայնի և վերջույթների շրջանում կտրած վերքեր», – հայտնել է քաղաքապետը` ավելացնելով, որ բժիշկների վերահսկողության տակ հիվանդանոցներում 143 մարդ է շարունակում մնալ։
Հիշեցնենք, որ պայթյունը տեղի է ունեցել Սյանշույ գավառում Յանչեն քաղաքային շրջանի «Չենցզյագան» քիմիական արդյունաբերական պարկի տարածքում «Ցզյանսու Տյանցզի» քիմիական գործարանում տեղական ժամանակով ժամը 14:00-ին սահմաններում: Պայթյունն այնքան հզոր է եղել, որ չինացի սեյսմոլոգիական գործակալությունը 14:48-ին գրանցել է 2,2 մագնիտուդով երկրաշարժ:
Ինչպես ավելի վաղ ՌԻԱ Նովոստիին հայտնել էին Չինաստանի ԱԳՆ–ից, զոհվածների և տուժածների թվում օտարերկրյա քաղաքացիների մասին տվյալներ դեռ չկան։
Պուտինը, Լավրովն ու Շոյգուն գերիների հարցում հետևողական են. ՀՀ ԱԳ նախարար
(Թարմացված է 17:19 03.03.2021)
ՀՀ ԱԳ նախարարը նաև հավելեց, որ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։ԵՐԵՎԱՆ, 3 մարտի - Sputnik. Գերիների վերադարձի հումանիտար, կարևորագույն հարցի քաղաքականացումն անընդունելի է։ Այսօր ԱԺ–ում կառավարության հետ հարցուպատասխանի ժամին այս մասին ասաց ՀՀ ԱԳ նախարար Արա Այվազյանը`անդրադառնալով Ադրբեջանի նախագահի այն հայտարարությանը, թե Ադրբեջանը հայ բոլոր գերիներին վերադարձրել է։ Իսկ այդ երկրում մնացած անազատության մեջ գտնվող մյուս անձինք հանցագործներ են` դիվերսանտներ։
Այվազյանը շեշտեց, որ Ալիևի հայտարարության անընդունելիությունն արդեն հաստատվել է նաև տարբեր միջազգային կառույցների կողմից։
«Հավանաբար տեղյակ եք, որ տարբեր երկրների, միջազգային կառույցների ղեկավարներն արդեն ավելացնում են այս հարցով միջազգային ճնշումն Ադրբեջանի վրա։ Վերջինը` երեկ Իտալիայի խորհրդարանը նույնպես ընդունել է բանաձև` կոչ անելով Ադրբեջանին անհապաղ լուծում տալ այս հումանիտար կարևորագույն հարցին»,– ասաց Այվազյանը։
Ագ նախարարը նաև հայտնեց, որ գերիների վերադարձի համար հայկական կողմն օգտագործում է բոլոր խողովակները` հատկապես կարևորելով տարածաշրջանում ՌԴ–ի ունցած կարևոր դերակատարումը։
©
Sputnik / Aram Nersesyan
«Սկսած նախագահ Պուտինի, ԱԳ նախարար Սերգեյ Լավրովի, պաշտպանության նախարար Սերգեյ Շոյգուի միջոցով անմիջական շփումներ են տեղի ունենում այս հարցի ուղղությամբ, և ռուսական կողմը հետևողականորեն բարձրացնում է այդ հարցը Ադրբեջանի ղեկավարության մոտ»,– ասաց Այվազյանը։
Նա նաև հավելեց, որ այդ հարցը հատուկ ընդգծել է ԵԱՀԿ ՄԽ համանախագահների զրույցների մակարդակում։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։
Անհետ կորածների, գերիների ու վիրավորների թվի մասին պաշտոնական տվյալներ չկան։
Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը
Արմեն Սարգսյանը նույնպես շնորհավորել է Ռուսաստանի վարչապետին
(Թարմացված է 17:11 03.03.2021)
ՀՀ նախագահն իր ուղերձում ընդգծել է ՌԴ վարչապետի ծանրակշիռ ներդրումը երկու երկրների միջև դաշնակցային հարաբերությունների ամրապնդման գործում։ԵՐԵՎԱՆ, 3 մարտի – Sputnik. ՀՀ նախագահ Արմեն Սարգսյանը ծննդյան օրվա առթիվ շնորհավորական ուղերձ է հղել Ռուսաստանի Դաշնության վարչապետ Միխայիլ Միշուստինին: Տեղեկությունը հայտնում է նախագահի մամուլի ծառայությունը։
©
Photo : official site of the MoD of RA
«Սարգսյանը մասնավորապես ընդգծել է ՌԴ վարչապետի ծանրակշիռ ներդրումը երկու երկրների միջև դաշնակցային հարաբերությունների և քաղաքական, տնտեսական, ռազմական ու հումանիտար ոլորտներում փոխշահավետ համագործակցության զարգացման ու ամրապնդման, ինչպես նաև եվրասիական տարածքում ինտեգրացիոն գործընթացների բարելավման մեջ»,– նշված է հաղորդագրության մեջ:
ՀՀ նախագահ քաջառողջություն և հաջողություններ է մաղթել ՌԴ վարչապետին:
Նշենք, որ այսօր լրանում է Միշուստինի 55-ամյակը։
Ավելի վաղ նրան շնորհավորական ուղերձ էր հղել նաև ՀՀ վարչապետ Նիկոլ Փաշինյանը։
թեգերը:
Վազգեն Մանուկյանի դեմ քրեական գործ է հարուցվել
Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։