ԵՐԵՎԱՆ, 22 մարտի – Sputnik. Չինաստանի Ցզյանսու արևելյան գավառում քիմիական գործարանի պայթյունի հետևանքով մահացածների թիվը հասել է 47–ի։ Այս պահին հրդեհը հաջողվել է մարել, բայց փրկարարական գործողությունները շարունակվում են։
Վերջին տվյալների համաձայն` 16 հիվանդանոցներում բժշկական օգնություն են ստանում 640 մարդ, նրանցից 90–ը ծանր վնասվածքներ ունեն։
— Phday (@phday) 21 марта 2019 г.
Մոտ չորս հազար մարդ տարհանվել են քիմիական գործարանի տարածքից։
Դադարեցվել են դպրոցների ու մանկապարտեզների պարապմունքները, իշխանությունը ձեռնարկությունների մոտ երեք հազար աշխատակցի ու մոտ հազար բնակչի տարհանել է տարածքից։ Մոտակայքում գտնվող բոլոր ձեռնարկությունների աշխատանքն անորոշ ժամանակով դադարեցվել է։
— Phday (@phday) 21 марта 2019 г.
Պայթյունի պատճառը պարզ չէ, բայց հայտնի է, որ քիմիական գործարանը 2016 – 2018 թվականների ընթացքում վեց անգամ տուգանվել է խախտումների համար։ Խախտումները կապված են եղել շրջակա միջավայրի պահպանման հետ։ Անցյալ տարի ձեռնարկությունն արտադրական ռիսկերը վերացնելու անհրաժեշտության մասին զգուշացում է ստացել աշխատանքի անվտանգության ապահովման գլխավոր վարչությունից։
