Volvo XC 90 մոդելի փորձարկում

Մեքենան վարորդին թույլ չի տա քնել ու հարբած նստել ղեկի դիմաց. տեսանյութ

859
(Թարմացված է 17:10 21.03.2019)
Հաջորդ տարվանից Volvo ընկերությունն իր մեքենաները կզինի հատուկ տեսախցիկներով, որոնք կչափեն վարորդի հոգնածության և հարբածության աստիճանը։

ԵՐԵՎԱՆ, 21 մարտի – Sputnik. Շվեդական Volvo ընկերությունը ներկայացրել է նոր համակարգ, որը երթևեկության ժամանակ տեսախցիկների միջոցով հետևելու է վարորդի դեմքի միմիկաներին և բիբերի արձագանքներին։ 2020 թվականից սկսած` նմանատիպ համակարգեր կտեղադրվեն ընկերության արտադրած բոլոր ավտոմեքենաներում։ Ընկերությունն այս մասին հայտնում է իր պաշտոնական կայքում։

Տեսախցիկներն ուշադրություն չեն դարձնելու մանր փոփոխություններին, բայց եթե ղեկի դիմաց գտնվողը երկար ժամանակ չհետևի ճանապարհին, կստանա զգուշացում, որը կերևա վարորդական էկրանին կամ կարտահայտվի ձայնային ազդանշանի միջոցով։

Համակարգն ամբողջովին կակտիվանա, եթե «հասկանա», որ վարորդի վարքագիծը կարող է լուրջ ազդեցություն ունենալ նրա առողջության կամ կյանքի վրա։ Օրինակ` եթե տեսախցիկները նկատեն, որ վարորդը ննջել է, մեքենան ինքնուրույն կսկսի արգելակել, այնուհետև դուրս կգա երթևեկելի հատվածից և կանգ կառնի։

Հիշեցնենք` 2019 թվականի մարտի սկզբին ընկերությունը հայտարարել էր, որ 2020 թվականից թողարկվող մեքենաները չեն գերազանցի 180 կմ/ժ արագությունը` անվտանգությունը պահպանելու նկատառումով։

1927 թ.–ին Շվեդիայում ստեղծված Volvo ընկերությունը նմանատիպ նորարարությունների շնորհիվ Forbes-ի վերլուծությամբ համարվում է ամենաանվտանգ մեքենայի ` Volvo S60–ի արտադրողը։

859
թեմա:
Տեխնիկա և նորարարություններ (50)
Ըստ թեմայի
Այ քեզ բան. հեծանիվն ու սմարթֆոնն արդեն ծալվում են, բանտերն ու մեքենաները` «խելոքանում»
Այ քեզ բան. էժան սմարթֆոնը վերանում է, մեքենան` թռչում, տիեզերագնացն էլ տպած միս է ուտում
Թռչող մեքենան այլևս ֆանտաստիկայի ժանրից չէ, մնում է 400 հազար դոլար կուտակել. տեսանյութ
Այ քեզ բան. մետրոն դառնում է «խելացի», իսկ տաքսու վարորդը նոր աշխատանք պիտի փնտրի