Քորթնի Քարդաշյանը, Քիմ Քարդաշյանն ու Շերը

Քարդաշյանի ավագ քույրը մերկացել է լոգարանում. լուսանկարներ

321
(Թարմացված է 14:10 20.03.2019)
Քիմ Քարդաշյանի ավագ քույրն իր նոր նախագծի գովազդային արշավի համար լուսանկարվել է լոգարանում։

ԵՐԵՎԱՆ, 20 մարտի — Sputnik. «Keeping Up with the Kardashians» («Քարդաշյանների ընտանիքը») շոուի աստղ, 38–ամյա Քորթնի Քարդաշյանը որոշել է երկրպագուներին ներկայացնել իր նոր լուսանկարները։

Նա միաժամանակ բոլորին խորհուրդ է տվել սիրել իրենց այնպես, ինչպիսին կան։ Լուսանկարում Քորթնին պառկած է փրփուրով լի լոգարանում։

Посмотреть эту публикацию в Instagram

Love yourself as deeply as you love them.

Публикация от Kourtney Kardashian (@kourtneykardash)

Քարդաշյանների ավագ քույրը հայտնի է իր առողջ ապրելակերպով։ Նա քույրերից ամենասլացիկն է, չհաշված Քենդալ Ջեներին (որը մարմնամարզիկի դուստրն է, ոչ թե փաստաբան հայի)։ Նա նույնիսկ առողջ սնունդը քարոզող Poosh նախագիծ է գործարկել։ Այդ նախագծի գովազդային արշավի համար աստղը միայն մերկ է լուսանկարվում։

Посмотреть эту публикацию в Instagram

C O M I N G. S O O N. @poosh

Публикация от Kourtney Kardashian (@kourtneykardash)

Բաժանորդներից շատերին դուր է եկել Քարդաշյանի համարձակությունը, բայց ոմանք էլ նշել են, որ քույրերն արդեն հոգնեցնել են իրենց մերկ լուսանկարներով։ Դժգոհ օգտատերերը խնդրել են Քարդաշյաններին զերծ մնալ սադրիչ լուսանկարների հրապարակումից, որովհետև դա միակ բանն է, որը մինչև այսօր ընտանիքի հանդեպ հետաքրքրություն է ապահովում։

321
Ըստ թեմայի
Կրծքերի պատճառով Քարդաշյանը կրկին հայտնվել է սկանդալի կենտրոնում. լուսանկարներ
Քիմ Քարդաշյանն իր սեքսուալ տեսքով ցնցել է մարդկանց
Կրտսեր Քարդաշյանն առաջին եռյակում է. աշխարհի ամենահարուստ կանայք
Քիմ Քարդաշյանին կլոնավորե՞լ են. հեռուստաաստղը լուսանկար է հրապարակել իր նմանակների հետ
Քիմ Քարդաշյանը բարեմասնությունները ցուցադրել է սեփական հանդերձասենյակում. լուսանկար
Ոստիկանություն, Սերբիա

Սերբիայում ձերբակալել են Ադրբեջանի դեսպանին

23
(Թարմացված է 18:27 13.08.2020)
Նրան կասկածում են բյուջետային միջոցները վատնելու և պաշտոնեական լիազորությունները չարաշահելու մեջ։

ԵՐԵՎԱՆ, 13 օգոստոսի - Sputnik. Սերբիայում ձերբակալվել է Ադրբեջանի դեսպան Էլդար Հասանովը։ Նա կասկածվում է խոշոր գումարի յուրացման ու բյուջետային միջոցների վատնման մեջ։ Տեղեկությունը հայտնում է ՌԻԱ Նովոստին՝ հղում անելով Ադրբեջանի Պետանվտանգության ծառայությանը։

Պետական անվտանգության ծառայությունը տեղեկացնում է, որ ֆինանսական ստուգումների ընթացքում հիմնավոր կասկածներ են առաջացել, որ Սերբիայում, Չեռնոգորիայում, Բոսնիա և Հերցեգովինայում Ադրբեջանի դեսպանը ոչ բուն նպատակով զգալի բյուջետային միջոցներ է ծախսել ու այլ իրավախախտումներ կատարել։

Փաստի առթիվ հարուցվել է քրեական գործ։ Հասանովը ձերբակալվել է կասկածյալի կարգավիճակում։

Մինսկում ձերբակալվել է նաև RT-ի թղթակիցը

23
թեգերը:
Ադրբեջան, Դեսպան, Ոստիկանություն, Սերբիա
Ըստ թեմայի
Մոսկվայում պետական դավաճանության կասկածանքով «Ռոսկոսմոսի» պաշտոնյա է ձերբակալվել
Ձերբակալվել է Ադրբեջանի ՊՆ նախկին ղեկավարը
Մոսկվայում հարձակվել են հայերի վրա. մի խումբ ադրբեջանցիներ են ձերբակալվել
Ռոբերտ Նազարյանը միակը չէ. հանձնաժողովի նախկին անդամներ էլ են ձերբակալվել
Բողոքի ակցիա

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

21
(Թարմացված է 17:36 13.08.2020)
Գործարանների աշխատակիցները չթույլատրված ցույցեր են անցկացնում և պահանջներ ներկայացնում իշխանությանը։

ԵՐԵՎԱՆ, 13 օգոստոսի – Sputnik. Բելառուսական գործարանների աշխատակիցները բողոքի ակցիաներ են իրականացնում՝ պահանջելով ազգային գործադուլ սկսել։

Ինչպես հայտնում է Sputnik Բելառուսը, բողոքի ակցիա է ընթանում Ժոդինոյի ԲելԱԶ գործարանի մոտ։ Մարդիկ վանկարկում են․ «Համազգային գործադուլ ենք պահանջում»։

Գործարանի ղեկավարությունը հրաժարվում է ընդունել, որ աշխատակիցները գործադուլ են անում, նախընտրում են ցույցն անվանել «հանդիպում կոլեկտիվի հետ»։ Աշխատակիցները պահանջում են տեղական իշխանությունների հրաժարականը, նրանք ուզում են, որ քաղաքից հեռացնեն հատուկ նշանակության ջոկատները (ОМОН) և իրենց մարզադաշտ տրամադրեն հանրահավաքի համար:

Միաժամանակ Nexta Telegram-ալիքը հայտնում է, որ ցույց և գործադուլ է ընթանում նաև «ՄԱԶ» գործարանում։ Հրապարակված լուսանկարում երևում է, թե որքան մարդ է հավաքվել։

Ավելի վաղ տեղեկություն էր տարածվել, որ գործադուլներ են անցկացվում Մինսկի Կոզլովի անվան գործարանում, մարգարինի գործարանում, «Բելշին» անվադողերի արտադրության ձեռնարկությունում և «Ինտեգրալ» էլեկտրոնիկայի գործարանում։ Սակայն նրանց ղեկավարությունը հերքում է այդ լուրը։

Հիշեցնենք` օգոստոսի 9-ին Բելառուսում նախագահի ընտրություն անցկացվեց։ Ըստ պաշտոնական տվյալների՝  հաղթեց գործող նախագահ Ալեքսանդր Լուկաշենկոն, որի օգտին քվեարկել էր ընտրողների 80,23 տոկոսը, Սվետլանա Տիխանովսկայայի օգտին` 9,90 տոկոսը: ԿԸՀ-ն հայտնեց, որ այս արդյունքները դժվար թե փոխվեն։

Օգոստոսի 10-ին Բելառուսի նախագահի թեկնածու Սվետլանա Տիխանովսկայայի միացյալ ընդդիմադիր շտաբը հայտարարեց, որ չի ընդունում Կենտրոնական ընտրական հանձնաժողովի հրապարակած արդյունքները։

Քվեարկության ավարտից հետո Մինսկում և Բելառուսի այլ քաղաքներում զանգվածային ցույցեր սկսվեցին, ցուցարարների ու իրավապահների միջև բախումներ գրանցվեցին։

Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը

21
թեգերը:
գործադուլ, գործարան, Մինսկ, Բելառուս
Ըստ թեմայի
Նիկոլ Փաշինյանն Ալեքսանդր Լուկաշենկոյին շնորհավորել է վերընտրվելու կապակցությամբ
«Ես նրան բաց եմ թողել»․ Մինսկի իրադարձությունների խոսուն լուսանկարն ամեն ինչ ասում է
Լուկաշենկոն ստիպված կլինի՞ թողնել պաշտոնը. ըստ Մարկարովի` հանգուցալուծման 2 տարբերակ կա
Ուժայինները լքել են Մինսկը. նրանք կատարել են իրենց առջև դրված խնդիրը
Սևան

Այս տարի ջրահեղձման 16 դեպք է գրանցվել. ԱԻՆ-ը ուժեղացնում է հսկողությունը. տեսանյութ

0
(Թարմացված է 18:44 13.08.2020)
Նախարարությունը հորդորում է՝ նախքան ջուրը մտնելը հիշե՛ք, որ բացի Սևանից Հայաստանում մյուս ջրային տարածքները լողալու համար չեն:

ԵՐԵՎԱՆ, 13 օգոստոսի — Sputnik. 2020 թ.-ի մինչև օգոստոսի 12-ը ջրահեղձման 16 դեպք է գրանցվել, որից 4-ը՝ Սևանում: Տեղեկությունը հայտնում են ՀՀ ԱԻՆ մամուլի ծառայությունից և հավելում, որ նախարար Ֆելիքս Ցոլակյանի հանձնարարականով Փրկարար ծառայության Գեղարքունիքի մարզային փրկարարական վարչության հատուկ ջրափրկարարական ջոկատը հուլիսի 17-ից ուժեղացված ծառայություն է իրականացնում:

«Հանգստյան սեզոնն անվտանգ անցկացնելու համար Սևանի 3 հանրային լողափերում տեղադրված են հենակետեր, տեխնիկական ու փրկարարական ուժերը բերված են պատրաստվածության բարձր աստիճանի: Իրականացվում է 24-ժամյա ծառայություն»,–ասված է հաղորդագրության մեջ:

Կենտրոնական կայանը սպասարկում է Ճգնաժամային կառավարման ազգային կենտրոնի ահազանգերը՝ կապված հանրապետության այլ ջրային վայրերի հետ:

«2019 թ.-ին հանրապետությունում ջրահեղձման 15 դեպք է գրանցվել, որից 5-ը՝ Սևանում: Ընդհանուր՝ 13 զոհ, 3 տուժած, որոնցից 2 զոհ, 3 տուժած՝ Սևանում: 2020 թ.-ի մինչև օգոստոսի 12-ը ջրահեղձման 16 դեպք է գրանցվել, որից 4-ը՝ Սևանում: Ընդհանուր՝ 13 զոհ, 4 տուժած, որոնցից 4 զոհ և 1 տուժած՝ Սևանում»,–ասված է հաղորդագրության մեջ:

ԱԻՆ փրկարարների կողմից հսկվող տարածքներում ջրահեղձման դեպքեր չեն գրանցվել: Լողասեզոնի բացումից մինչև օրս ջրափրկարարները փրկել են 9 քաղաքացու:

ԱԻՆ-ը հորդորում է՝ նախքան ջուրը մտնելը հիշե՛ք, որ բացի Սևանից Հայաստանում մյուս ջրային տարածքները լողալու համար չեն:

Ոչ սովորական գերեզմանատուն Սևանի ափին, կամ ինչ է պատմում հուդայական խորհրդանիշը

0
թեգերը:
ջրահեղձ, ՀՀ արտակարգ իրավիճակների նախարարություն (ԱԻՆ), Սևանա լիճ