Փարիզ

«Դեղին բաճկոններն» այրել են Շառլ Ազնավուրի սիրած ռեստորաններից մեկը

75
(Թարմացված է 12:11 17.03.2019)
Փարիզում էլիտար Le Fouquet's ռեստորան վրա դյուրավառ խառնուրդով շշեր են նետել։

ԵՐԵՎԱՆ, 17 մարտի –Sputnik.  Փարիզում կրկին անկարգությունների ալիք է բարձրացել։ «Դեղին բաճկոնները» քարուքանդ են արել հայտնի Le Fouquet's ռեստորանը։  Այս մասին գրում է Figaro ֆրանսիական պարբերականը։

Ռեստորանի վրա դյուրավառ  խառնուրդով շշեր են նետել։ Պատուհանների վրա տեղադրված պաշտպանիչ պանելները չեն օգնել, և ծածկապատշգամբն ամբողջությամբ այրվել է։ Ռեստորանից բացի ցուցարարները թալանել են Ելիսեյան դաշտերում գտնվող մի քանի էլիտար խանութներ։

Այս ռեստորանը ներառված է Փարիզի պատմական հուշարձանների ցանկում։ ԶԼՄ–ների տվյալներով` ռեստորանը ֆրանսիական էլիտայի սիրված անկյուններից է։ Այստեղ հաճախ էին այցելում հայտնի ֆրանսահայ շանսոնյե Շառլ Ազնավուրը և երկրի նախկին նախագահ Նիկոլյա Սարկոզին։

Բողոքի զանգվածային ցույցերը սկսվել են անցած տարվա նոյեմբերի 17-ին, ցուցարարները պահանջում են չբարձրացնել բենզինի հարկերը։ Այդ օրը ամբողջ Ֆրանսիայում ավելի քան 280 հազար ցուցարար էր փողոց դուրս եկել։

75
թեգերը:
Փարիզ, Շառլ Ազնավուր, Հրդեհ, Բողոքի ակցիա, Աշխարհ
թեմա:
Վթար, պատահար, սպանություն, գողություն (1132)
Ըստ թեմայի
Սարսափելի հրդեհ Փարիզում, յոթ մարդ է մահացել. լուսանկարներ
Շառլ Ազնավուրի հիշատակին նվիրված համերգին Փարիզում ներկա է եղել ՀՀ նախագահը