ԵՐԵՎԱՆ, 15 մարտի — Sputnik. Եթե ԵՄ–ն առևտրային բանակցություններ չվարի, ապա Վաշինգտոնը կարող է տուրքեր մտցնել եվրոպական բազում ապրանքների համար։ Այս մասին, ՌԻԱ Նովոստիի փոխանցմամբ, ասել է ԱՄՆ նախագահ Դոնալդ Թրամփը։
«Նրանք ուզում են խոսել մեզ հետ, բայց եթե չխոսեն, ապա մենք բազում ապրանքների համար տուրքեր կմտցնենք», – ասել է նա Սպիտակ տանը Իռլանդիայի վարչապետ Լեո Վարադկարի հետ հանդիպման ժամանակ։
Ավելի վաղ ԱՄՆ ազգային հետախուզության տնօրեն Դենիել Քոուտսը հայտնել էր, որ Միացյալ Նահանգների ու ԵՄ առևտուրը կտուժի, եթե Մեծ Բրիտանիան անկանոն կերպով դուրս գա Եվրամիությունից։ ԱՄՆ–ի ու ԵՄ–ի առևտուրը գնահատվել է մոտավորապես 1,2 տրիլիոն դոլար։
