Ընկերուհիներ

Հարի Փոթերի կախարդական աշխարհն օգնության է կանչում բոլոր հրաշագործներին ու վհուկներին

585
(Թարմացված է 14:58 13.03.2019)
Ջոան Ռոուլինգի ստեղծած աշխարհի հիման վրա կառուցված խաղը թույլ է տալու խաղացողներին մուտք գործել Փոթերի կախարդական աշխարհ և կառուցելու իրենց սեփական կախարդական պատմությունը։

ԵՐԵՎԱՆ, 12 մարտի – Sputnik. WB Games-ն ու Niantic-ը պատրաստվում են աշխարհին ցույց տալ մոբայլ հարթակի համար նախատեսված Harry Potter: Wisards Unite խաղը։

Կազմակերպիչները խոստանում են, որ խաղացողը կստեղծի իր սեփական մոգական աշխարհը և ռեալ ժամանակում ու իրական աշխարհում կունենա հետաքրքիր արկածներ իր ընկերների հետ։

Խաղը պարունակում է փոթերյան մոգական աշխարհի տարրեր ու կերպարներ և՛ «Հարի Փոթեր», և՛ «Գերբնական գազաններ» ֆիլմաշարերից։

Խաղի ստեղծողները խորհուրդ են տալիս հանել կախարդական փայտիկները, պատրաստել կախարդական թուրմերը և վերհիշել կախարդական բառերը, քանի որ մոգական աշխարհն ու դրա գաղտնիքները վտանգի տակ են և օգնության կարիք ունեն։

Խաղը հիմնվել է լրացված իրականության օգտավործմամբ։ Սյուժեն հիմնվում է կատակլիզմի շուրջ, որի հետևանքով հասարակ մարդկանց (մագլերի) աշխարհ են մուտք գործել կախարդանքը, մոգական արտեֆակտներն ու գերբնական գազանները։

Խաղացողը ստանում է Մոգության նախարարության նորակոչիկ-գործակալի դերը, որին բախտ է վիճակվել վերականգնել խախտված հավասարակշռությունը։

Արկածների ընթացքում հնարավորություն կլինի հանդիպելու հայտնի կերպարներին` Դեմենտորներին, Մահակերներին, գայլամարդկանց և այլոց։

Խաղի մեկնարկը Android և iOS հարթակներում նախատեսվում է 2019 թվականի ընթացքում։

Հիշեցնենք, որ Niantic ստուդիան է եղել կարճ ժամանակում աշխարհը «պայթեցրած» Pokemon Go-ի ստեղծողը։

585
Ըստ թեմայի
Ճապոնացիները Հարի Փոթերին անիմեի կվերածեն
«Հարի Փոթերի» տունը վաճառվում է
«Հարի Փոթերին» հայտնաբերել են Հայաստանում
Հարի Փոթեր. ողջ մնացած տղան
Հարի Փոթեր. Գաղտնի սենյակը