Amazon–ի տնօերնը` կնոջ հետ

Հայտնի է դարձել աշխարհի ամենահարուստ մարդու անունը

2741
(Թարմացված է 10:52 05.03.2019)
Amazon ընկերության ղեկավար Ջեֆ Բեզոսը Forbes ամսագրի վարկածով երկրորդ տարին անընդմեջ գլխավորում է աշխարհի ամենահարուստ մարդկանց ամենամյա վարկանիշը։

ԵՐԵՎԱՆ, 5 մարտի — Sputnik. Աշխարհի ամենահարուստ մարդ է ճանաչվել Amazon ընկերության (համացանցի միջոցով ապրանքներ և ծառայություններ վաճառող ընկերություն) ղեկավար Ջեֆ Բեզոսը։ Այս մասին հայտնում է Forbes ամսագիրը։

2018 թվականի արդյունքներով Բեզոսը կարողությունն ավելացել է 19 մլրդ դոլարով, իսկ Amazon–ի կապիտալն աճել է մինչև տրիլիոն դոլար։

Այսօր նրա ունեցվածքը 112 մլրդ դոլար է գնահատվում։ Ի դեպ, Ջեֆ Բեզոսի հարստության մեկ տոկոսը հավասար է 105 մլն բնակչություն ունեցող Եթովպիայի առողջապահության ամբողջ բյուջեին։

Միևնույն ժամանակ Forbes–ը նշում է, որ Բեզոսը, որը ներկա պահին ամուսնալուծվում է, կարող է զրկվել ունեցվածքի կեսից, ինչը նրա կնոջը` Մակկենզիին աշխարհի ամենահարուստ կինը կդարձնի։

Նշենք, որ վերջին տասը տարվա ընթացքում միլիարդատերերի քանակը գրեթե կրկնապատկվել է, նրանց քանակն օրեցօր աճում է։

2741
թեգերը:
Ամերիկայի Միացյալ Նահանգներ
Ըստ թեմայի
Bloomberg–ը հայազգի միլիարդատիրոջը ներառել է ամենահարուստ մարդկանց ցուցակում
Միլիոնատեր գեղեցկուհիները. 2018 թվականի ամենահարուստ դերասանուհիները Forbes–ի վարկածով
Ովքե՞ր են Երևանի քաղաքապետի ամենահարուստ ու ամենաաղքատ թեկնածուները
Հեռախոս

Փորձագետները հերքել են սմարթֆոնի մութ ռեժիմի մասին միֆը

43
(Թարմացված է 17:06 02.08.2021)
Նորաձև OLED տեխնոլոգիան էլեկտրոնիկայի արտադրողների կողմից ներկայացվում է որպես դիսփլեյի ավելի տնտեսող տարբերակ։

ԵՐԵՎԱՆ, 3 օգոստոսի – Sputnik. Պարզվում է` օրգանական լուսադիոդների տեխնոլոգիայով պատրաստված դիսփլեյները այնքան էներգաարդյունավետ չեն, որքան համարվում էր նախկինում: Ամերիկացի գիտնականների հետազոտության մասին հայտնում է Notebookcheck-ը։

Նորաձև OLED տեխնոլոգիան (ու դրա տեսակները) էլեկտրոնիկայի արտադրողների կողմից ներկայացվում է որպես դիսփլեյի ավելի տնտեսող տարբերակ։ Տեխնիկական առանձնահատկությունների շնորհիվ սև գույնը նման մատրիցների վրա էներգիա չի սպառում: Դրանից օգտվում են էլեկտրոնիկայի արտադրողները, որոնք համատարած հատուկ մութ թեմաներ են ներդնում։  

Պերդյուի համալսարանի հետազոտողները պարզել են, որ 100 տոկոսով լուսավորությամբ մուգ ռեժիմով հեռախոսի օգտագործումը հանգեցրել է էներգիայի սպառման 47 տոկոսի նվազմանը: Սակայն 50 տոկոսի պայծառության դեպքում, որը հաճախ օգտագործվում է սմարթֆոններում, խնայողությունը նվազել է մինչեւ 3-9 տոկոս:

Վատ տեսողությունն ազդում է մտավոր ունակությունների վրա, պնդում են գիտնականները

Փորձի հեղինակները նշում են, որ OLED տեխնոլոգիան լավ ներուժ ունի  էներգիայի սպառման նվազեցման համար։ Բայց ծրագրային ապահովման մշակողները չեն օգտագործել այն. հենց հավելվածներն ու  ծրագրային ապահովումն են վերցնում խնայված տոկոսները։

43
թեգերը:
հեռախոս, հեռուստացույց, սմարթֆոն
Ըստ թեմայի
Կյանքի տևողությունը կախված է մազերի գույնից. գիտնականների հետազոտությունը
Գիտնականն ասել է, թե որքան ժամանակ կպահանջվի COVID-ի առաջացման բնույթը պարզելու համար
Վատ սովորությունների օգտակար կողմերը․ գիտնականների ուսումնասիրությունը
Արխիվային լուսանկար

«Անակոնդան Գրոզնիում». մարզադաշտում խաղի ժամանակ հայտնված օձը զվարճացրել է օգտատերերին

103
(Թարմացված է 00:02 03.08.2021)
Խաղի տեսանյութը հայտնվել է սոցիալական ցանցերում և զվարճացրել օգտատերերին։ Թե որքանով է օձն ազդել խաղի արդյունքների վրա, դժվար է ասել։

Ռուսաստանի Պրեմիեր լիգայի Ախմաթ–Սոչի հանդիպման ժամանակ ֆուտբոլային խաղը ստիպված ընդհատել են մի քանի րոպեով։ Բանն այն է, որ մարզադաշտում օձ էր հայտնվել։ Աշխատակիցների խումբը ստիպված է եղել ընկնել սողունի հետևից ու նրան դուրս բերել դաշտից:

«Հայրիկին է քաշել». Արաս Օզբիլիսի փոքրիկ տղան գոլ է խփում. զվարճալի տեսանյութ

Այս ամենի մասին տեսանյութը հայտնվել է համացանցում և ուրախացրել մարդկանց։

««Օձ չի, որդ ա», «Անակոնդան Գրոզնիում․ օրիգինալ ա», «Մեկի նախկին մարդն ա կամ կնիկը»»,– գրում են օգտատերերը մեկնաբանություններում։

Նշենք, որ չնայած օձին տեսնելուց առաջացած շոկին՝ ֆուտբոլիստները շարունակել են խաղը։

Զվարճալի դեպք Եվրո-2020-ում․ իտալացի ֆուտբոլիստին խաղադաշտ չէին թողնում․ տեսանյութ

103
թեգերը:
օձ, մարզադաշտ, զվարճալի տեսանյութ
Ըստ թեմայի
Միջերկրածովյան կրիաները ախորժակով դդմիկ, գազար ու կանաչի են ուտում. զվարճալի տեսանյութ
Ինչից են հուզվում փոքրիկ հրաշքները. զվարճալի տեսանյութ բազմաթիվ երեխաների մասնակցությամբ
Դպրոցում քնաթաթախ տղան պայուսակը շփոթում է աթոռի հետ. զվարճալի տեսանյութ
Նիկոլ Փաշինյանն ու Արմեն Սարգսյանը

Հին ու նոր անուններ. Փաշինյանը նշանակումների առաջարկներն ուղարկել է ՀՀ նախագահին

88
(Թարմացված է 12:45 03.08.2021)
Նիկոլ Փաշինյանն Արմեն Սարգսյանին առաջարկել է առողջապահության, արտակարգ իրավիճակների, ԿԳՄՍ, էկոնոմիկայի, արդարադատության և ֆինանսների նախարարներ նշանակել։ Բացի այդ, Փաշինյանը նաև փոխվարչապետի թեկնածու է առաջարկել նախագահին։

ԵՐԵՎԱՆ, 3 օգոստոսի – Sputnik. ՀՀ վարչապետ Նիկոլ Փաշինյանը ՀՀ նախագահ Արմեն Սարգսյանին առաջարկել է Մհեր Գրիգորյանին ՀՀ փոխվարչապետ նշանակել։ Տեղեկությունը Sputnik Արմենիային հայտնեցին նախագահի աշխատակազմից։

Բացի այդ, Փաշինյանն առաջարկել է Անահիտ Ավանեսյանին նշանակել առողջապահության նախարար, Անդրանիկ Փիլոյանին՝ արտակարգ իրավիճակների նախարար, Վահրամ Դումանյանին՝ կրթության, գիտության, մշակույթի և սպորտի նախարար, Վահան Քերոբյանին՝ էկոնոմիկայի նախարար։

Իսկ ահա արդարադատության նախարարի պաշտոնում վարչապետն առաջարկել է նշանակել Կարեն Անդրեասյանին, ֆինանսների նախարարի պաշտոնում՝ Տիգրան Խաչատրյանին։

Թե ով կլինի արտաքին գործերի նախարարը, դեռ հայտնի չէ. վարչապետից դեռ նման առաջարկ չեն ստացել։

Նշենք, որ վերոհիշյալ անձանցից միայն երկուսն են նոր իրենց պաշտոնում` Տիգրան Խաչատրյանը և Կարեն Անդրեասյանը։
Խաչատրյանը, որը 2019-ի հուnիսի 1-ից էկոնոմիկայի նախարարն էր, նախորդ տարվա նոյեմբերի 26-ին ազատվեց այդ պաշտոնից։ Իսկ Կարեն Անդրեասյանը 2011-16թթ. եղել է ՀՀ մարդու իրավունքների պաշտպանը։

Հիշեցնենք` Հայաստանի Հանրապետության նախագահը նորընտիր Ազգային ժողովի լիազորությունների ժամկետը սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին: Իսկ քանի որ ԱԺ–ում մեծամասնություն են կազմում «Քաղաքացիական պայմանագիր» կուսակցության ցուցակով ընտրված պատգամավորները, նրանք երեկ առաջադրեցին Նիկոլ Փաշինյանի թեկնածությունը։ Ավելի ուշ ՀՀ նախագահ Արմեն Սարգսյանը հրամանագիր ստորագրեց, և Փաշինյանը կրկին նշանակվեց ՀՀ վարչապետ։

Սահմանադրության համաձայն` կառավարությունը կազմավորվում է վարչապետ նշանակվելուց հետո՝ տասնհինգօրյա ժամկետում: Իր նշանակումից հետո վարչապետը հնգօրյա ժամկետում ՀՀ նախագահին առաջարկում է փոխվարչապետների և նախարարների թեկնածուներին: Հանրապետության նախագահը եռօրյա ժամկետում կա՛մ նշանակում է փոխվարչապետներին և նախարարներին, կա՛մ դիմում է Սահմանադրական դատարան: ՍԴ–ն դիմումը քննում և որոշում է կայացնում հնգօրյա ժամկետում: Եթե ՀՀ նախագահը եռօրյա ժամկետում չի կատարում սույն հոդվածով սահմանված պահանջները, ապա համապատասխան փոխվարչապետը կամ նախարարը նշանակված է համարվում իրավունքի ուժով:

88
թեգերը:
Հայաստան, Նիկոլ Փաշինյան, Արմեն Սարգսյան, պաշտոն, Նախարար
Ըստ թեմայի
Եկեղեցին կշարունակի իր աջակցությունը. Կաթողիկոսը շնորհավորել է Փաշինյանին
«ՌԴ–ն պատրաստ է շարունակել կառուցողական երկխոսությունը». Պուտինը շնորհավորել է Փաշինյանին
Նիկոլ Փաշինյանը նոր խորհրդական ունի
Պաշտոնը ստանձնում եք կարևորագույն ժամանակաշրջանում. Փաշինյանը շնորհավորել է Սիմոնյանին
Մյասնիկովիչը շնորհավորել է Փաշինյանին ու մաղթանք հղել նրան